ARGIAtik Araba eta Arabatik ARGIA

Itsaso Zubiria Etxeberria @itsasozubiria
2016ko abenduak 11

Gasteizko Oihaneder Euskararen Etxean antolatutako ARGIAren ‘Trantsizioak’ erakusketa eta haren inguruan prestatutako ekitaldiak oraintxe bukatuta, kontatu didate tarte bat hartu dutela hiriburuko harpidedunekin solasaldi txiki bat izateko. Nola bizi dute Araban ARGIA? Nola ikusten da Araba ARGIAtik? Komunitate baten parte sentitzen al dira?
    Irudikatzen dut talde txiki bat Gasteiz dagoeneko hotzeko kaleetan. Betiko euskaltzaleak. Aspaldi samarreko harpidedunak. Pozez jaso dute ARGIAtik bidalitako proposamena, eta iritziak partekatzeko gogoz gerturatu dira zitara. “Mundua euskaratik ezagutzeko tresna” moduan definitu dute ARGIA, eta ARGIA bezala euskarazko prentsa. Eta hari horri tiraka zehazten joan dira komunitate bat. Komunitate horren parte direla sentitzen dute, ulertzen baitute sare horrek mundua euskaratik eta euskaraz ikusten duela, eta zenbait gai ezagutu eta aztertzeko ikuspegi beretik elikatzen dela.
    Arabaren potentziala kontutan hartzeko ere eskatu dute. Eta ez da lehen aldia lurraldetasunaren kontuarekin gai hau ateratzen dena. Gipuzkoarzentristoi tokea. Ondo egina. Ez dut uste hitz hauekin esango zutenik, baina nik horrelako zerbait imajinatu dut: “gipuzkoarrek beren zilborretik altxa behar dute pixka bat burua, eta ingurura begiratuta jabetuko dira beste lekuetan ere lanean ari garela”. Arrazoi guztia duzue, lagunok, eta eskerrik asko tarteka belarritik tiratzeagatik.
    Araban komunitatearen kontuarekin izan den lehen harremana da Gasteizkoa, eta aurrera begira lanketa honekin jarraitzea da asmoa. Estreinako saiakera harpidedunekin egin bada ere –eta esan beharra dago gerturatu nahi zuten guztiek ezin izan bazuten ere, zenbaitek emailez ere bidali dituela bere proposamen eta iritziak–, hemendik aurrerakoetan ARGIAzaleekin hitz egiten hastea da intentzioa. Geroz eta sare sendoagoa josi, geroz eta ARGIA indartsuagoa izango baitugu.

Kanal hauetan artxibatua: Komunitatea  |  Gasteiz

Komunitatea kanaletik interesatuko zaizu...
Jaso ezazu ARGIA gaiez gai

Interneteko ARGIAn ibiltzeko ohitura baduzu konturatuta egongo zara gai bakoitzak bere kanala duela, eta bertan pilatzen direla gai horri lotuta sortzen diren albiste, erreportaje, ikus-entzunezko guztiak. Eta orain arte ez dugu albistea eman nahi izan, baina dagoeneko ahoa ireki dezaket (batez ere martxan baitago) esateko ARGIAk emailez bidaltzen duen bere buletina berritzeaz gain buletin-sistema oso bat jarri duela abian.

ARGIAren betiko buletin orokorraz gain (honen berri eman genuen... [+]


30.000 esker

Sare sozialek markatzen diguten egunerokotasuneko abiadura bezain bizian doaz ARGIAko sare sozialetako jarraitzaileen kopuruak gora. 30.000ra iritsi gara asteotan Twitterren. Eta lerro hauetan ospakizun txikia egiteko eskatu didate.

Aitzakia hori hartu dugu ARGIAk mundu honetan dituen mugimenduei erreparatzeko. Zein momentutan erabakitzen du hedabide honek sare sozialen zurrunbilo geroz eta indartsuago honetan muturra sartzea? Euskal hedabideen artean lehenengotakoa izan zen etxe hau mundu... [+]


ARGIA ikusten dut bazter guztietan

Ez naiz hain positiboa, irakurle. Bazter guztietan ARGIA ikusten dudala diodanean ez naiz ari dena koloretsu ikusten dudala esaten; ziur harrapatu duzula txistea, horren argia bazara.
    Denoi pasa zaigula esango nuke: orain arte sekula ikusi ez duzun (edo zure buruak aurpegi hori ez du inoiz gogoratzeko betarik hartu) pertsona bat ezagutu eta bat-batean leku guztietan ikusten hasten zara. Horixe gertatzen ari zait niri azken denboran ARGIArekin. Ez dut ezagutu berria, egia da,... [+]


Digitalik gabeko garairik egon zen

Aste honetan entzun dut erredakzioan laguna: “Gu orain batzuetan presaka, ezin iritsita ibiltzen bagara guztia digitalizatuta dugula, lehen nola egiten ote zuten mundu digitalik gabe?”.
    Hortik hasi da elkarrizketa (eta tartean ARGIAko dinosaurorik ez geneukanez, ez dugu erantzun zehatzik atera). Produkzio guztia da aldatu dena, kate osoa; argazkitik hasi eta inprentaraino antza. Antza. Nola aldatu ote da?
    1988an sortu zen Antza inprenta Egia... [+]


ARGIAren buletin berria martxan da

Aitortu beharra dizut, irakurle, zorte izugarria dudala natura gertutik pixka bat gozatzeko aukera dudalako etxean. Eta oraintxe ari gara udaberriaz disfrutatzen. Zozoari begira-begira egoten gara nola jakirik gozoenak bildu eta ematen dizkion ahora zozokumeari. Eta espektakuluari begira nagoela klik egin dit buruak. Ez al zaizu iruditzen geroz eta murtxikatuago emanda jatea gustatzen zaigula guri ere?
    Informazio ahalik eta azkarrena, inon begiratu beharrik gabe gure mugikor... [+]


Makro-jaialdien eredutik ihesi

Zenbat jaialdi berdin (edo oso antzeko) ezagutu ditugu azken urteotan Euskal Herrian? Izenagatik desberdinduko genituzke agian, baina egitarauari eta antolaketari begira zenbat makro-festa ikusi ditugu herri batean eta bestean? Gastatzeko gure ahalmenaz gaindiko dirua genueneko arrastoak izango dira. Aldaketak nabari dira jai ereduan ere, ordea. Horren adibide Euskal Eskola Publiko Berriaren aldeko jaia, eta bertan izango da ARGIA ere.
    Slow bizitzaren filosofiaz hitz... [+]


Ospatzeko bi arrazoi

Zu ere Jakobita erradikal horietakoa bazara, irakurle, goitik behera irakurria izango duzu dagoeneko guruaren aste honetakoa, ziur nago. Baina ba al zenekien Jakoba Errekondoren ARGIAko 1.000. artikulua irakurri berri duzula? 1.000 bai, erraz esaten da. Baina ez hori bakarrik, landareen jakintza sarera eramateko bizibaratzea.eus webgunearen asteroko buletina ere martxan jarri berri dugu.
    Hogei urte daramatza Errekondok ARGIAn landareen inguruko saila osatzen. Ez dira sail... [+]


Barruko harremanak estutzen

Ideia bat egin dezazun, irakurle: oporretatik bueltako lehen eguna. Kafe bat hartzeko astirik ere ez duzu izan oraindik jaiegunetako erritmoa aldatu ez duzulako, eta zuzenean zoaz lantokira. Han topatzen duzu guztia lekuz aldatuta, oraindik mailu hots bakan batzuk han eta hemen, ordenagailua non daukazun ere ez dakizula; baina esaten diozu zeure buruari: “bazen garaia hau egitekoa”.


Araban ospatu eta erdigunera ekarri

ARGIA Gasteizera joatekotan zela kontatu nizun duela hiru bat aste, gogoratzen? Sorpresatxo bat ere emango zuela… Ez pentsa gezurra zenik, egin da Arabako hiriburuan topaketa bertako ARGIAzaleekin, eta Gasteizen ospatuko da aurtengo ARGIA Eguna. Horra sorpresa!
    Jokaldia, ordea, ez da inposatua izan; bertaratutako eragile eta norbanakoei planteatu zaie urteroko zita bihurtzen ari dena 2017an Araban egitea, eta bertan baloratu da bai ala ez, egitekotan non egin,... [+]


2017-04-28 | ARGIA
Bizi Baratzea buletina abiatuz ospatuko dugu Jakoba Errekondoren 1.000. artikulua

Maiatzaren 8tik aurrera, astelehenero, landareen mundua loratuko zaizu e-postan: Aste horretan baratzean egin beharreko lanak, Jakoba Errekondoren artikulua, esperientzia baten berri, Euskal Herriko agenda osoena... Buletina lehen zenbakitik jasotzeko, sartu Bizi Baratzea webgunean edo bizibaratzea@bizibaratzea.eus helbidera mezua idatzi.


ASTEKARIA Azkenak
EGILEA
Eguneraketa berriak daude