Bea Salaberri @beatxo
2016ko irailaren 11

Sindikatu batek serioski landuko al du urteko lanaldiaren berrantolaketa, dozena aste lan eta gainerakoa opor? Etxera sarturik, burbuila jabalgarria luzatzekotan, terrazan haltzen itzalean jarririk nengoela, haize firfirak inarrosi milaka hostoen estroboskopioak izpiak niganaino zilarrezko uharrean jautsarazten zituela, lehen hanka sartze gaitza: berriz konektatu nintzen. Denetara: e-mail, sare sozial, agerkari... Errealitate bihozgabeak hor zirauen, lehen okasioan lepora jauzi egiteko prest. Zeren eta trankilki beltzatzen geundela, beste batzuek segitzen baitzuten jo ta su, ezin geldituz tontakeria egiten, uda ala negu frenesia berarekin baitarraite. Eiki ez genuen zola joa, udak beste behin bazekarren perla: burkinia.

Artetik errateko, istorio horri esker, burkiniaren nozioa bera ezagutu eta orain izena eman diezaioket senarrak itsasoratzeko daraman janzkerari: azal zuridun orok bezala, paddle egitera baitoa kaskotik behera belaunetaraino estalirik eta geratzen den zatia krema gizenez aserik. Hori, burkini bat da, komunzki. Bizkitartean gure gizonari nehor ez zaio egundaino kexatu: gizona baita, egin dezake nahi duena. Nahi duena eta bi, hondartzetan gaindi urtero denen gisa berean, beste sasoietan burutik pasako ez litzaiokeena barne: ibil daiteke burkiniz edo ipurdi mazelak airean string txiki batekin, aritu daiteke plaian errugbian #ments etiketatua izan gabe, pokemon ihizian ibil daiteke #inutil gisa kontsideratua izan gabe, gizon ausartenek irakur dezakete liburu bat, igual soziologiaz, edo josta daitezke haurrekin behingoz, batak ala besteak ontsa egiten baitute. Bitxiki, gureari nehork ez dio galdegin ea burkiniz doanez askatasunaren izenean, katarsiarengatik, ala erantzunez orden sozial jakinaren arauei, ez, ez. Tira, nehork ez dio fitsik galdetu: gizon europarrek nahi duten bezala ibiltzeko dretxoa baitute, sasi borroka eta tirria guztien kontzentrazio plaza den hondartzan barne, emazteek ez bezala. Funtsean, erantzun etsigarria kausituko zuten: gureari ez diolako erlijioak agintzen, ez politikak, ez etikak, ez estetikak, dermatologoak baizik.

Serioski, polemikak sortzeko tirria ezin aseak, oraindik ere lortu du denen atentzioa desbideratzea, iritzi bataila antzuetan igeri, nor bere irakurketan. Bide batez, zein frantses kezkatu da Meuse-ko oihan batean abiatu obrez, CIGEO proiektuaren karietara, laster hor lurperatzeko hondakin nuklearrak? Bistan dena, nehor, okupatuegiak baitziren demostrazioak egiten, pseudo-feminismoz mozorroturiko arrazismo post-modernoari emanik, alegiaz emazteen askatasunaz kezkaturik eta askatasunaren alde, aireratuz kezka dutela bat-batean munduaren bestaldean vitriolaz erretzen diren emazte errebeldeez. Problema burkinia da, sekulan heldu gabe arazoaren muinari, gure arimen zikina, integrazio arazoa, Siriako desmasia, urteetako suntsiketa, jendea ahoz gora zeruari so dena galdurik, islamismo gogorrenarentzat ongailu paregabea, bumeran.

Hots, beste behin, demagogia, ogi bedeinkatua Daesh-entzat, zinezko arazoak mahai gainean ezarri ezinean. Egonen dira biharamunak, patetikoak eta erresuminaren adierazteko isiltasun minututan biltzekoak. Isiltasun minutuak. Besoak dilingo. Bandera hiruko-loredunak inarrosiz, jakin gabe bandera norena den xuxen. Kontzientzia betearen modaren garaian, absentzia betean.Mundu horretakoa ez dut nahi izan.

Ai, haltzei begira ametsetan itotzen     egon banendi, tartetxo batez oraino, arren, ene bakardadearen euforia laburrean, denborak harrapatu aitzin, negura lerrarazi nahi ninduketen sirenen kantari gor.

Kanal hauetan artxibatua: Estatu Islamikoa  |  Aisialdia  |  Estatu Islamikoa

Estatu Islamikoa kanaletik interesatuko zaizu...
2017-11-02 | Andoni Mikelarena
Trumpek heriotza zigorra eskatu du Manhattango erasoen egilearentzat

Zortzi pertsona hil eta dozena bat zauritu ziren asteartean New Yorken izaniko atentatuan. Donald Trump AEBtako presidenteak erasotzailearentzat heriotza zigorra eskatu du.


2017-10-22 | Saioa Baleztena
"Islamari erasotzeko egiten da emakume musulmanen eskubideen aldeko diskurtsoa"

Bartzelonako Udaleko Immigrazio, Kultura Aniztasun eta Dibertsitate zinegotzia da Lola Lopez (Galizia, 1957) antropologoa. Bizikidetzaren alde eta islamofobiaren kontra ibilbide luzea egin du Kataluniako hiriburuan, eta aurretik Kataluniako Ikus-entzuneko Kontseiluan (CAC) eta Zurrumurruen kontrako Sarean lanean aritua zen. 


2017-10-03 | Andoni Mikelarena
59 hildako eta 500dik gora zauritu AEBtako erasoan

59 hildako eta 500dik gora zauritu. Horiek dira igande gauean Las Vegas (Nevada, AEB) hirian gertaturiko tiroketaren emaitzak. Azken urteetako sarraskirik handiena izan da Ameriketako Estatu Batuetan.


2017-10-02 | ARGIA
Marseillako bi emakumeen hilketa bere gain hartu du ISISek

ISISek agiri baten bidez bereganatu du Marseillako Saint-Charles tren geltokiaren inguruan bi emakume hil dituen erasoaren ardura. Gizon batek labanez eraso zien bi emakumeei igandean, arratsaldeko ordubiak aldera; lekukoen arabera, erasotzaileak "Allahu Akbar" (Ala handia da) oihukatu zuen.


"Islam erradikalaren atzean ideologia politiko bat dago"

Jihadismoa eta errefuxiatuen aferak izan zituen aztergai irailaren 5ean Ane Irazabal kazetari arrasatearrak Kulturaten egindako solasaldian. Areto nagusia txiki geratu zen. Errefuxiatuei buruz, Europaren blokeoaren aurrean "laguntza legala eta juridikoa" behar dutela azpimarratu zuen.


Biolentzia, bakea bezalatsu, zerbaiten ondorioa da

Kataluniako erasoen ostean, batasun abstrakturako eta –inork ezagutzen ez dituen– Mendebaldeko baloreen defentsarako deiek estali nahi izan dute jihadismo globalari buruzko eztabaida. Sakoneko azterketa saihestu nahian, testuingururik gabeko kontakizun apolitiko eta sentsazionalista ezarri nahi izan dute agintari  gehienek eta menpeko hedabideek; Rambletan edo Ripollen gertatutakoa zerutik eroritako zerbait bailitzan.


Faxismoaren beldur barik

No tinc por atera zitzaion eztarritik Bartzelonan herritar bati. Deiadarra sentimendu askoren katalizatzaile izateaz gain, bizi dugun garai nahasien isla ere bada.


2017-09-03 | Itxaro Borda
Bartzelona: "No en el meu nom"

Freddy Mercury eta Montserrat Caballé irudikatu ditut abuztuaren 17ko gauaren minean, Rambla gainetan eta Cambrilsko itsasertzean, No tinc por bi bozetan kantatzen. Mina hazi zait bihotzaren sakonean: masa hilketen zerrenda emendatzen ari da, Parisko Charlie Hebdo-ren kontrako sarraskiaz geroztik. Noski, badakit, munduan barna, erailketa zakar askoz gehiago badela, baina bakoitzak bereak ditu negarreztatzen, bakarraren doluak guztiena ordezkatzen ahal duelako.

Jihadistak hain gazteak... [+]


Gaizkiaren aurreko hutsalkeria edo 'Alba Rico - Graupera' auzia

Katalunian 2017ko abuztuaren 17an gertatutako erailketa masiboak direla kausa, zenbait hausnarpen idazteari ekin diot, batik bat bi artikulugile irakurri ondoren: Santiago Alba Rico eta Jordi Graupera. Alde batetik, biok filosofoak dira, eta eskarmentua daukate azterketa politikoetan.


2017-08-28 | ARGIA
Euskal Herriko bost enpresak Saudi Arabiara bidaiatu zuten Espainiako erregearekin

Felipe VI.ak urtarrilean Riaden egin zuen bileran Espainiako Estatuko 22 enpresak parte hartu zuten. Tartean Euskal Herriko bostek, CAF, IDOM, Mondragon, OHL eta Sener-ek hain zuzen.


ASTEKARIA
Azkenak
EGILEA
Eguneraketa berriak daude