Bilboko Arte Ederretako museoan Manpower enpresarentzat –Eusko Jaurlaritzak, Bizkaiko Aldundiak eta Bilboko Udalak zuzenduriko patronatuak azpikontratatua– lanean ari diren 34 langileek 41 eguneko greba egin dute uda hasieran. Langileriak eta administrazio publikoek irakaspen ugari atera ditzakete borroka horretatik, eta ez soilik lerro hauek idazterakoan greban ari diren Guggenheim Museoko hezitzaileek, baita gainerako langileek ere.
Lehen irakaspena. Borroka egin daiteke lan prekarietatearen eta baldintza miserableen kontra eta lor daiteke soldata duin eta justua, kolektiboa txikia izanik ere. Arte Ederretakoek hilean 882 euroko soldata zuten gehienez ere, urtean hamabi paga. Greban irauteak, batasunak, imajinazioz egindako eguneroko mobilizazioek eta asanbladek lortu dute urtean 10.400 eurotik 20.500 euro kobratzera igarotzea, ultra-aktibitate mugagabea, subrogazio eskubidea, hitzarmenak ezartzen ez direnean egoera horri aurre egiteko blindatzeko aukera, antzinatasuna onartzea…
Bigarren irakaspena. Baldintza prekarioak administrazioek bultzaturik ezarri zituen azpikontratak. Ez daitezela orain etorri kalitatezko enpleguarengatik arduratzen direla esanez. Administrazioek (Jaurlaritza, Aldundia, Udala…) hasiera batean negoziatzeari uko egin diote eta grebaren eragina saihesten saiatu dira gutxieneko zerbitzuak erabiliz. Euren diziplina inposatu nahi izan dute grebalarien eredua zabal ez zedin. Baina ahalegin horretan porrot egin dute.
Hirugarren irakaspena. Greba bat ez da sekula galtzen. Baliteke helburu guztiak ez lortzea, baina beti balio izango du erakusteko langileen duintasuna.
Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]
Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]
2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]
Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]