2016ko Rikardo Arregi Kazetaritza Sariak

Estitxu Eizagirre @eeizagirre
2016ko uztailaren 17a

Sustrai Colinak jaso du Rikardo Arregi Sari Nagusia, ARGIAn eginiko elkarrizketengatik. Amagoia Gurrutxagak Sari Berezia irabazi du, Kristiane Etxaluzi Jakin aldizkarian egindako elkarrizketa-biografiagatik. Eta Unai Oiartzunek merezi izan du Kazetari Berriaren saria, Irunero aldizkariko erreportaje sortarekin. Argazkian, sarituak Xabier Lakaren ikurra eskuan, Patxi Baztarrika Eusko Jaurlaritzako Hizkuntza Politikako sailburuordearekin eta Ana Karrere Andoaingo alkatearekin.

Bertsotan egin zuen saritu nagusiak bere hitzaldia. Bere buruari egingo lizkiokeen galderak jaulkiz (zorrotzak, Colinarenak ohi direnez):

Sariei buruz zer iritzi duzu
zer iritzi zenuen lehen?
Bankuan zenbat euro dituzu
astean zenbat astelehen?
Kuriositatez sartzen al duzu
zure izena Googlen?
Berdina ote zara Istanbulen,
Bilbon eta Urepelen?

Agurtzen ote duzu eskalerik
pasa ezkero gertutik?
Zer dela eta ez duzu blogik,
ez twitterrik ez facebookik?
Zer ikusten duzu mundua etzanda
edo Gipuzkoa Zutik?
Kartak nahasteko prest ote zaude
zeu egon arren eskutik?

Legeen beldur bizi al zara?
Arraina ala okela?
Zure ustez noiz kendu beharko
lukete gazte-txartela?
Zezenketez zer iritzi duzu?
Suedia ala Venezuela?
Behin hildakoan zeinek eta non
jarriko dizu eskela?

Inbidiarik sortzen al dizu
katalanen egoerak?
Zure etxera etortzen al da
kanpoko garbitzaile bat?
Zure kasuan puntu bat edo
hiru dauzka bukaerak?
Ta erantzuten ote dituzu
zeuk egindako galderak?

Kanal hauetan artxibatua: Rikardo Arregi sariak  |  Argia Jendea

Rikardo Arregi sariak kanaletik interesatuko zaizu...
2017-07-10 | Xalba Ramirez
Rikardo Arregi sariak jaso dituzte Kulturrizketak eta Kixotenean-ek

Andoaingo Udalak deitzen dituen Rikardo Arregi kazetaritza sariak banatu dituzte larunbatean. Kulturrizketak telebista saioak jaso du sari nagusia eta Kixoteneak erreportaje ilustratuen liburuak aipamen berezia.


2016-07-09 | Estitxu Eizagirre
Sustrai Colina, Amagoia Gurrutxaga eta Unai Oiartzunek jaso dituzte 2016ko Rikardo Arregi kazetaritza sariak

Sari Nagusia jaso duten lanak ARGIAko elkarrizketak izan dira (Aiurrik grabatutako bideoan Colinaren bertsoak ikusentzungai). Kristiane Etxaluzi Jakinen eginiko elkarrizketa-biografiak jaso du Sari Berezia. Eta Irunero udal aldizkariko erreportaje sortagatik hautatua izan da Kazetari Berria.


2015-06-29 | Estitxu Eizagirre
Jon Salaberriri buruzko dokumentala eta Eskoziako jarraipena dira sarituak

Julen Iriondo Martinez de Zuazok jaso du euskarazko kazetaritzaren XXVII. Rikardo Arregi sari nagusia eta Samara Veltek kazetari gaztearena. Mikel Ibargoien eta Iñigo Astitzen lanek sari berezia izan dute.


ASTEKARIA
Azkenak
EGILEA
Eguneraketa berriak daude