ASEGARCEren ASPERENAK (eta konpainiarenak)

Koldo Aldalur
2016ko apirilaren 10a

Ez dakit edadearen kontua ote den edo bipolartasunarena, baina garai batetik hona erabat aldatzen ari zait ustez bakarra den errealitatearen pertzepzioa.

Arestian, arrazonamendu oro, oraingo sukaldari emultsionatu horiek bezala, etereoa, harrotua egiten zitzaidan. Eta, jakina, ez nuen sinesten.

Orduan esan izan balidate Euskal Telebista eta Bainet konponduko zirela Bilboko promotorak bere arrautzak jar zitzan txoritxoaren lehen kateko habian eta hainbat pilota jaialdi beraiek eskainiko zituztela “gurean”, ez nukeen sinetsiko Arantzazuko Ama Birjinak albistegietan baieztatu zuela esan izan balidate ere. Baina hala da, eta hemendik atzera parean jarritako dena sinesteko prest nago.

Urteetan ibili ziren gu nondik izorratuko, besteak beste, ASPEk bere sorreran izan zituen diru laguntza publikoak aitzakiatzat hartuta. Lankideen artean xextran, aizue, inon aginduko bagenu bezala.

Sinesten duenak ez duela zalantzarik diote. Nire sinesmena ez da hain itsua izango pilota jaialdietan ikusitakoa ikusita, zalantza eta kezka gainetik kendu ezinik nabilenez.

Arrazoitu dezadan azken hau, bestela, izandakoa gogoratzetik bizi diren pilotari ohi nostalgikoen tankera goibela hartuko dut eta.

Orain aspaldi ez dela, afizionatu mailan beste guztien gainetik koska eta erdi gorago egon behar izaten zuen pilotari gazteak, profesionaletara pauso bat, eta ez saltoa, emateko. Zalantza dut gaur egun hori  hola den.

Egia da pilota enpresek kostuak gutxitu behar dituztela. Sarrerak urrituta, apustuak laurdenera etorrita eta publizitatea ere hor nonbait, pertsonalean aurreztu beharra dago aurrekontuak koadratzeko, eta ondorioz, koadroaren maila asko jaitsi da.

Nola moldatu ordea enpresaren logikatik? Oraindik sasoiko dabiltzan beterano ustez garestiak kendu, eta kontratua aurrean jarritakoan beti baiezkoa esango dizun zaildu gabeko gaztea jarriz haien lekuan. Etxekalte.

Ondorioak aise topatuko dituzu Binakako Txapelketako partidak hartu dituen hainbat jaialdiri begiratzen badiezu: partida nagusi txukun antzekoa eta, beste erremediorik gabe, kaxkarxeagoko beste bat, sarreran kobratutakoa justifikatzeko, jaialdia osatzeko. Hitzak berak dio, osatzeko, osatzeko balio duena, berezko entitaterik eta erakargarritasunik gabeko partida. Makillaje lana.

Eta gainera aipatutako partida nagusietan lehia gogor eta luzeak eragindako hainbeste lesio eta estrategia direla medio, azkenean, ez dakizu zein zen titularra eta zein haren edo haien ordezkoa. Merke-zurrean ibiltzeak horixe dakar.

Kanal hauetan artxibatua: Iritzia  |  Pilota

Iritzia kanaletik interesatuko zaizu...
2018-05-20 | June Fernandez
Iraultza

Poztu ninduen Madrilen Nikaraguarekiko elkartasun ekitaldi bat antolatu zutela jakiteak. Bilbon egindako lehenengo elkarretaratzean, nire neskalaguna eta biok izan ezik, Moyua plazara hurbildutako guztiak Nikaraguako etorkinak ziren. Ekitaldi horretan abestu behar zuen musikari ezkertiar baten sare sozialen bidez jakin nuen. Pozaren ondoren jarraian amorrua sentitu nuen, musikari honen lagun batek utzitako iruzkina irakurrita: “Indarkeria bakarra inperialismoak finantzatzen duena da... [+]


2018-05-20 | Eneko Gorri
Urratsek egiten gaituzte

Manifestazio guziek ez dute zapore berdina. Maiatzaren 4an ikastolen kexua ozen adierazteko antolatutakoak sentsazio goxo batekin utzi gaitu. 7.000 haur, guraso, irakasle, langile eta euskaltzale bildu ginen, danborrada alai eta koloretsu baten bidez, Paristik datorren jazarpenari erantzuteko. Lapurdi, Baxenabarre eta Zuberoko 36 ikastolak alerta gorrian dira. Aldi honetan irakasle postuak dira jokoan. 230 ikasle gehiago izanen dira ikastoletan datorren ikasturtean. 25 irakasle postu berri... [+]


2018-05-20 | I˝aki Barcena
Petronor noiz arte?

Petrohorror ezizena jarri zioten Athleticen kamisetan publizitatea egiten hasi zirenean 2008. urtean. Urtero bi milioi euro sartzen zituzten zurigorrien aurrekontuan, sei urte jarraian eta denak pozik, antza, ekologistak salbu.  Baina urte oparoak bukatu ziren 2013an koke planta martxan jartzearekin batera, petrolio birfindegira zorrak etorri baitziren bi urtez jarraian. Batzuen ustez, 750 milioi euroko inbertsioaren ordaina zen. Beste batzuen ustez aldiz, gaurko sistema ekonomikoan... [+]


1.200 karaktere

Mila berrehun karakteretan ezin da hamar gauza pulamentuz esan. Erabaki beharra daukazu esan nahi duzun hori, eta kondentsatu. Orduan, aldarte nekatuen eta gogo nahasien garaiotan zerbait handia esan nahi eta, sinekdoketxo homeopatikoak sortzen saiatzen zara etengabe.

Aipatzen duzu Seaskaren auzia eta nola eskola bidezko hizkuntza ezagutza duina bermatzen duen eskola eredu bakarra ito nahi duen Frantziak. Edo nola Berdintasunezko etorkizun baten alde manifestazioa egingo den laster... [+]


2018-05-20 | Bea Salaberri
Orain eta hemen 1968-2018

Egun hauetan, alde guzietatik ateratzen ari dira 1968ko maiatzari buruzko filmak, erreportajeak, garaiko kanten bildumak, “izan balitz eta egin bagenu” moduko mahai inguru surrealistak. Eta saltsa bera zerbitzatuko digute hilabete bukaera arte. Gero kito.  

Tarteka iraganaren melankolia nagusitzen da, lortu ez zen iraultzaren ametsa, esperantza ondar batzuk han-hemenka, hain urruna eta ezina den zerbaiten gisan. Beste batzuetan, sentimentalismoa baino, ezkerrari eta... [+]


ETAren ostean, zer?

ELAk urrats historiko eta positibotzat jotzen du ETA desegin izana. Behin iritsi delarik hainbeste kosta izan den ziklo honen itxiera, konpondu beharreko gai garrantzitsuak daude ebazteko: normalizazio politikoa, biktimak, presoak, estatus politikoa...


Erraietatik madarikatzen zaituztet

Aurreko bi kolaborazioetan ez bezala, oraingo honetan beste gai batez aritu nahiko nukeen; baina errealitate tematiak etengabe Palestinara narama. Gaur Nakba eguna da, hondamendiarena. Gaur, 2018ko maiatzaren 15ean, 70 urte betetzen dira mugimendu sionistak Israelgo estatua alde bakarrez aldarrikatu zuenetik; ospakizun eguna palestinarren garbiketa etnikoaren defendatzaileentzat eta zorigaiztoko efemeridea zazpi hamarkada geroago, amaigabeko gurpil zoro makabro batean murgilduta izanagatik,... [+]


Fauna publikoa
Ordezkoen aulkian

Badirudi aro berri honek ere ondo dosifikatuta emango dizkigula hitz egiteko aukerak, alderdiei ez baitzaie kreditu politikorik faltako, ezta protagonismorik ere. Ordezkariak izango ditugu eta ordezkatuak izango gara, eta eskema horretan erabakitzeko aukera, azken hitza, batak edukitzen du, ez besteak.


Al Nakba

Amesgaizto batetik esnatzen gareneko itolarri sentsazioa bularraldean, irudika al dezake inork itolarri horrekin bizitzea, bizirautea. Irudika al dezake inork norbere herrian bertan deserriratzea, etxea utzi behar izan eta 70 urte luzez itzuli ezin izatea. Maiatzaren 15a Nakba edo hondamendiaren eguna da palestinarrentzat. Palestina ez da lokartzen, eta ez daude ametsetan, errealitate gordina dute parez pare eta begi bat ez, bi begi zabalik izanagatik ere makinaria sionistak kontrolatzen dizkie... [+]


ASTEKARIA
Azkenak
EGILEA
Eguneraketa berriak daude