Eguneroko sorpresa kaxa

Nork ez du ezagutu sukaldeko pareta batean jarrita ARGIAko egutegia? Nor ez da ahalegindu kolpe bakarrean atzeratutako egun guztiak kentzen, konturatu den arte gehiegi direla eta pixkanaka erretiratu beharko dituela? ARGIAko klasikoetako bat bezala ere definitu du batek baino gehiagok.

Egutegia itxuraz betiko samarra da, zenbakia nagusi den orrialdean jaiegunak, egun seinalatuak, santuak, euskal izendegia eta eguzkiaren, ilargiaren eta mareen gorabeherak aipatzen dizkiguna. 

Baina egutegiak bere erabilera-formula du, sorpresa kaxa baten modukoa: orri bat kentzen duzun aldiro, atzealdean irakurgai labur eta desberdin bat izango duzu. Gaiak askotarikoak dira; zientziari lotua izan daiteke, astekari honetako Denboraren Makina saileko pasarteren bat, baratzerako trikimailuren bat edo baita errezeta bat ere, esaterako. 

Urteroko oparia da, baina gaurkotasuna mantentzeko ahalegina egiten da. Nork irudikatuko zuen bada, twiterrez bidalitako hitzokeiek (hitz joko burutsu eta umoretsuak) ARGIAko egutegian beren tokia izango zutenik? 


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude