Aita Santua kapitalismoa babesten

Juan Mari Arregi
2015eko azaroaren 22a

Eliza katolikoaren hierarkiak beti izan dira oso diplomatikoak gobernuekiko eta sistema ekonomikoekiko euren erlazioei dagokienez, bereziki eskuinetik kudeatuta badaude. Urte asko dira komunismoa eta sistema hori ezarri duten erregimenak arbuiatzen dituztela, izena bera hizki larriz aipatuta gainera; baina sekula ez dute kapitalismoaren izenik esan. Francisco Aita Santuak, zenbait keinutan hain ausarta izanagatik, oraingoan ere ez du kapitalismoa kondenatu, nahiz eta praktika kapitalistaren ondorioez hitz egin duen.

Joan den astean, Italiako ehungintza arloan dagoen “esplotazio laborala” gaitzetsi du. 2013an zazpi langile txinatar hil ziren lan egiten zuten nabe industrialak su hartu ondoren. Bertan bizi ziren, Aita Santuaren esanetan “kartoiez egindako gelatxo batean pilatuta”. Eta beste hau ere esan zuen: “Bizi baldintza jasangaitzek eta esplotazioak sortutako tragedia izan zen. Bizitzak exijitzen du ustelkeriaren kontra borrokatzea amaierara arte”. Aurretik, Lampedusan, “axolagabetasunaren globalizazioaren kontra” hitz egin zuen Franciscok, eta Sardinian berriz, “munduko sistema ekonomikoak sortutako” krisiaren kontra.

Zergatik Aita Santuak ez du sistema kapitalista bere izenez kondenatzen? Badirudi, aurreko aita santuek bezala, lotuta dagoela ia gehienean katolikoak diren gobernu eta enpresei. Kapitalismoa bere izenez salatuz legitimazioa kendu eta alternatibak bilatzeko aukerak irekiko lituzke. Salatutako heriotzak, axolagabekeriaren globalizazioa, edo munduko ekonomia sistemak sorturiko krisia, eta ustelkeria bera, ez al dira kapitalismoaren egiturazko ondorio? Hori ez onartzea kapitalismoa babestea da.
 

Kanal hauetan artxibatua: Eliza Katolikoa  |  Ekonomia

Eliza Katolikoa kanaletik interesatuko zaizu...
Mendizabalen kontrako auzia artxibatu dute sexu abusuek "preskribitu dutelako"

Fiskaltzak amaiera eman dio, momentuz, Gipuzkoako bikario nagusi ohi Juan Kruz Mendizabalen kontrako auziari. Hiru adin txikikori sexu abusuak egiteagatik ikertzen ari ziren bikario ohia, baina fiskaltzak auzia itxi du gertaerak preskribituta daudelako. Kasuaren inguruko datu gehiago ezagutuko balira, berriz irekiko dute.


"Herritarrek beti uste dute esku azkar batek herria salbatuko duela"

Behartsuen aldean egon da betidanik Gaby Etxebarne munduan zehar ibiliriko aldudarra. Bere biziaren funtsa dela dio. Idazketaren ariketari lotu zen 2001. urtean eta geroztik horretan dabil. Baina ez dauka bere burua idazletzat. Liburuetan jorratu gaiak begiratuz gero, Etxebarneren interesak eta barne kezkak kausitzen dira. Kalakaria dela ohartarazirik, berea ireki eta guztiaz hitz egiten hasi da.


2017-02-05 | Juan Mari Arregi
Kapitalismoa eta Vatikanoaren diplomazia

Munduko kapitalismoaren elitea Davosen elkartu da egunotan, eurei etekinak eman bazterkeria sortzen duten politikak nola mantendu aztertzeko. Bitartean, Aita Santuak elkarrizketa luzea izan du El País egunkariarekin, Vatikanoaren diplomazia nolakoa den agerian utziz.


Partiduak, pedofiloak, parrokiak

Partidu politikoak geroz eta tresna ulerkaitzagoak dira, eduki ezazu eskura instrukzio-manuala hartzen dituzten jarrerak ulertu nahi badituzu. Batez ere jarrera horiek kaka zahar bat direnean.


2017-01-29 | Iñaki Mendiguren
Reinaré en España. Ezkioko elizan. O, my God!

Urteko azken egunean amak azken arnasa eman zuen, eta Urte Berri egunean eman genion lur hileta-elizkizunaren ostean. Hilkutxa aldare aurreraino eraman eta irten egin nintzen hilerrian itxaroteko. Elizan lehen ilaran geratu zen begi zorrotzeko batek espantuka deitu zidan gero Jesusen Bihotza ikusi zuela esanez, REINARÉ EN ESPAÑA mezuarekin! Lagunak biharamuna edo bestondoa izango zuela pentsatu nuen; edota 1931n Ezkion Ama Birjina “agertu” bazen, oraingoa osagarria... [+]


2017-01-27 | ARGIA
Haurren kontrako abusuen gaian inplikazio handiagoa eskatu dio lehendakariari EH Bilduk

Besteak beste, Juan Kruz Mendizabal apaizaren kasuaz egindako adierazpenetan atzera egitea eskatu dio Iñigo Urkullu Eusko Jaurlaritzako lehendakariari.


Eliza katolikoa eta sexu abusuak: isilpean egon diren bi kasu epaitegietara

Juan Kruz Mendizabal apaizaren kontrako lehen salaketa aurkeztu dute Donostiako epaitegietan, sexu abusuengatik. Horrez gain, Bizkaiko Lurralde Auzitegian epaituko dute Gaztelueta Opus Deiko ikastetxeko irakasle ohia, ikasle bati sexu erasoak egitea leporatuta.  


"Ez ginen ohartzen sexu erasoak jasaten genituela"

Arrasateko Viatoristek San Viator kudeatzen zutenean, Jose Angel Arregui irakasleak sexu gehiegikeria ugari egin zituen, hainbat ikaslek salatu bezala: "Gure zakila edo ipurdia berari erakustea", "esperma mikroskopioz ikustea",... 2009an Txilen atxilotu zuten haur-pornografia ugari edukitzeagatik. San Viatorreko delitu horiek, baina, preskribatu dira, eta R.N. arrasatearrak eskatzen du horrelako delituek preskribitutzat ez jotzea.


Hilobi zurituak eta harri giltzarriak

Juan Kruz Mendizabal apaizaren kasuaz idatzi du iritzigileak. Besteak beste, José Ignacio Munilla gotzainaren jarduera du hizpide. Artikuluan, kristauen mezua zabaltzeko abagunetzat jotzen du bizitakoa.         


Ikatza, artzapezpikuari

Nafarroako Ondarearen Defentsarako Plataformak ikatza eramanen dio beste behin artzapezpikuari "herriarenak beharko luketen eraikinak Elizaren izenean jartzen segitzeagatik".


ASTEKARIA
Azkenak
EGILEA
Eguneraketa berriak daude