Sabin Eizagirre (Aizarna, Zestoa, 1936). 10 urterekin zen Loiolan, jesuitekin. Handik, Xabier eta Durangoko kolegioetan ikasi zuen, harik eta 18 urterekin Loiolan nobizio sartu zen arte. Laster hartu zuen Venezuelara joateko destinoa. Latinoamerikan zen 1955ean, Kolonbian, Humanitateak eta Filosofia ikasten, eta Venezuelan da 1961etik hona. Fe y Alegría erakundean lan egin izan du, eta oraindik ere, 79 urte bete berritan, ez du geldirik egoteko asmorik: “Oraindik lan pixka bat egin beharra daukat”.