Marco Aresta

"Gizateriaren gehiengoa material naturalez egindako etxeetan bizi da"

  • Marco Aresta (Lisboa, Portugal, 1982) arkitektoa eta artista plastikoa da. Buenos Airesko Unibertsitatean (UBA) irakaslea da eta Diseinu Bioklimatikoetan ikerlari zuzendaria. Argentinako hiriburutik urrun bizi da ordea, El Hoyon, Patagoniako Chubut probintzian. Eskualde horretan lantzen den eraikuntza ereduaz solastatu gara, arkitektura biologikoari buruz argitaratu berri duen liburua aitzakia hartuta.

Iker Blas
2014ko azaroaren 23a
Marco Aresta, familiarekin. “Gizakiokin eta gure inguruarekin bat datorren arkitektura da bioeraikuntza”.
Marco Aresta, familiarekin. “Gizakiokin eta gure inguruarekin bat datorren arkitektura da bioeraikuntza”.

Zerk erakartzen zaitu arkitekturatik?

Gizakiaren oinarrizko beharretako bati, alegia, etxebizitza beharrari erantzuna ematen dion jakintza izateak. Gainera, bizi garen espazioetan lan egiteko aukera ematen digu.

Zer da arkitektura biologikoa?

Gizakiokin eta gure inguruarekin bat datorren arkitektura eta eraikuntza kontzeptua da. Arkitektura biologikoak lau oinarri biltzen ditu: 1) Ingurua (diseinu biomekanikoak): ingurura moldatzen diren teknologia aproposenak aztertzen ditu. 2) Natura: formen diseinu geometrikoa eta forma harmoniatsu horiek izan ditzaketen erabilpenak ikertzen ditu. 3) Materia: osagai naturalez eraikitzea da helburua, material bio jasangarriak eta bertakoak (ingurukoak) erabiliz. 4) Gizakia: lana prozesu asoziatibo eta kooperatibista da. Azken batean, lan eredu gizatiarragoak erabili behar ditugu. Hau da, mota anitzeko pertsona eta beharretara iristeko prozesuak izan behar dute.

Bioeraikuntzan pentsatzen dudanean, landa eremuetan pentsatzen dut. Hirietan ere aplikatu al daiteke arkitektura mota hori?

Jakina baietz. Dentsitate handiko giza guneetan espazioa eskala handian pentsatu beharra dago, beti ere erosotasuna eta osasungarritasuna ahaztu gabe.

Hortaz, eraikin handiak egin daitezke?

Bai, noski. Eraikin handiak ez ezik, hiri handiak ere eraiki daitezke. Adibidez, Yemengo Xibam hirian 10.000 lagun inguru bizi dira [bertako buztin-adreiluzko dorretxeei esker, 1982an UNESCOk Gizateriaren Ondare izendatu zuen Xibamgo hiri zaharra]. Horrez gain, munduko populazioaren heren bat adobez egindako etxeetan bizi da. Hiri industrializatuek aldiz, mende bakarra daramate material industrialez etxeak egiten. Gizateriaren gehiengoa, beraz, material naturalez egindako etxeetan bizi da.

Zergatik planteatu eraikuntza industrialari alternatiba?

Eraikuntza mota horrek erabiltzen dituen materialak oso kutsakorrak izan ohi dira naturarentzat eta gizakiarentzat. Material horien ekoizpen prozesuak ere hondakin andana sortzen du, naturan eragin kaltegarri handia du. Gainera, erabiltzen diren materialak urrunetik ekarri ohi dira. Garraiatze horrek kutsadura sortzen du eta tokiko ekonomia deuseztatu dezake.

Bestelako materialak erabiltzen dira bioeraikuntzan…

Bai, naturan, inguruan aurki ditzakegunak: lurra, hondarra, harriak, egurra, fibrak...

Gizarteen hazkunde azkarra ikusita, bioeraikuntzaren bidez etxebizitzak azkar eraiki ahalko genituzke?

Jakina baietz. Baina gaur egun dena azkar egiteko eta kontsumitzeko proposatzen diren denborak berrikusi beharko liratekeela uste dut. Etxe bat eraikitzeko prozesuari lasaitasunez heldu behar zaio, arduraz eta kontzientziaz, prozesuaren ibilbideari beharrezkoa duen hausnarketa ariketa eskaini behar zaio. Iraganean hala egiten ziren etxeak eta zorionez gaur egun bada oraindik hori egiten duenik.

Iaz, Hernani eta Astigarraga mugan bizi diren erromiei ikastaroa eman zenien. Nolakoak izan ziren ikastaro hartan eman zenituen bi asteak?

Azken bost urteetan gidatu dudan proiektu onenetakoa izan da, giza komunitate jakin bati zuzendutakoa izan zelako, erromiak, eta lanean bi udal inplikatu zirelako, Astigarragakoa eta Hernanikoa. Bi helburu lortu ziren proiektu horrekin: batetik, etxebizitzen baldintzak eta egoera hobetzea, eta bestetik, agerian uztea lankidetzan eta elkarlanean etxebizitza duinak eraiki daitezkeela. Helburu handia da hori.

Zeintzuk dira bertan bizi diren pertsonen kezkak eta beharrak?

Behar nagusia gizarteratzea da. Bertan bizi direnek komunitate gisa onartuak izan nahi dute, inguruko gaietan eta bizitzan txertatuta dagoen komunitatea izan nahi dute.

Bioeraikuntzan oinarritutako etxebizitza sozialak egitea posible da?

Konstituzio askok etxebizitza duin baterako eskubidea bermatzen dute paperean eta teorian. Abagune hori aprobetxatzea besterik ez dago, inguruko baliabideak aztertuz etxebizitza sozial programa zehatzak eta eraginkorrak diseinatzeko. Adibidez, El Hoyon “modulu organikoa” [familia batentzako 70 metro koadroko etxebizitza] esaten diogun proiektu pilotua jarri dugu martxan Udalarekin eta probintziako Gobernuarekin elkarlanean. Etxebizitza sozialen egitasmo honetan, familien beharrak identifikatu eta aintzat hartzeaz gain, sei hilabetez 40 lagun ingururi prototipoak eraikitzearen bitartez formakuntza ematen zaie.

Zergatik aukeratu zenuen Argentina bizileku?  

Ikastera etorri ginen Argentinara eta bizitza lan-eskaintzak oparitzen hasi zitzaigun.

Bioeraikuntzaren kontu hau guztia ez al da moda hutsean geratuko?

Gu guztion onerako, moda hutsaren kontua arkitektura industrial kutsatzailearena izatea espero dut.

Zein da argitaratu berri duzun Arquitectura Biológica liburuaren asmo nagusia?

Jardun profesional hau jakitera ematea batetik, eta auto-eraikuntzan jarduten direnei diseinuaren eta eraikuntza diseinuaren inguruan lan ildo batzuk eskaintzea bestetik.

Kanal hauetan artxibatua: Eraikuntza  |  Eredu ekologikoak

Eraikuntza kanaletik interesatuko zaizu...
2018-02-15 | Hala Bedi
Igor San Jose (ELA)
"Eraikuntza enpresek beti irabaziko dute, AHT edo erraustegia izan, zigor handi bat jarri ezean"

Igor San Jose ELAko Gipuzkoako Eraikuntzako arduradunarekin hitz egin du Hala Bedi irratiko A todo gas saioak. Askotan hitz egin da AHT eta errauskailuaren inguruan irratsaioan, baina oraingoan lan harremanen perspektibatik egin dute.


2018-01-18 | ARGIA
Kontratazio "etikoan" sakontzeko eskuliburua osatzen ari da Gipuzkoako Aldundia

Esleipen publikoetan, eta batez ere obra zibilean, sindikatuek esplotazio egoera ugari salatu dituzte azkenaldian, izan Abiadura Handiko Trenean edo Zubietako erraustegiko lanetan. Azkenekoa ELAk asteazkenean Gipuzkoako Batzar Nagusietan egindako agerraldia izan da. Hain zuzen, egun berean Gipuzkoako Aldundiak iragarri du kontratazio “etikoan” sakontzeko eskuliburua osatzen ari dela.


Gipuzkoako obra nagusietako enpresa guztiek onartu dute langileak prekarioan dabiltzala, ELAk dioenez

Gipuzkoako Batzar Nagusietan asteazken goizean egindako agerraldian ELA sindikatuko eraikuntzako arduradunek lurralde horretako obretan gertatzen ari diren gehiegikeriak salatu dituzte. Donostiako Txomin etxebizitzetan, Deskargan, Zubietako erraustegian, Anoetako estadioan eta AHTn ikusitakoa azaldu dute hain zuzen.


2017-10-19 | ARGIA
Gipuzkoako obra nagusiak "geldituko" dituela ohartarazi du ELAk, prekarietatearekin amaitzen ez bada

Eraikuntzaren arloan, Gipuzkoan egoera jasanezina bizi dutela azaldu du sindikatuak, AHT, erraustegia, Anoeta eta beste obra askotan azpikontratazioa eta prekarietatea nagusi direlako. Mobilizazioak azkartuko dituztela iragarri dute.


Arrozak eraikuntzarako ere balio du

Bingjian Zhang buru duen ikerlari taldeak arrozari buruzko aurkikuntza bitxia argitaratu du American Chemical Society aldizkarian. Horren arabera, duela 1.500 urte Txinan arrozez egindako orea erabiltzen zuten eraikuntzan, harrizko blokeen arteko tarteak betetzeko.


Barrikan txalet ilegalak eraiki zituzten enpresek 1,5 milioi euroko kalte-ordaina jasoko dute diru publikotik

Euskal Autonomi Erkidegoko Auzitegi Nagusiak (EAEAN) arrazoia eman die Barrikako Barrikabaso eremu babestuan txaletak eraiki zituzten enpresei (Abandonada Muriola S.L. eta Inversiones Arne Muriola S.L) eta hori baimendu zuten erakunde publikoek 1,5 milioi euroko kalte-ordainak eman beharko dizkiete. Aldundiak eta Udalak proiektua onartu arren Eusko Jaurlaritzak birritan atzera bota zuen, eremua urbanizaezina dela argudiatuta.


2016-08-17 | Hiruka .eus
Erandion 200 lanpostu "arrisku bizian" daudela ohartarazi dute

Erandioko Enekuri auzoko Global Energy Services (GES) enpresan lan egiten duten 200 bat behargin lanpostu barik gera daitezkeela ohartarazi du CCOO sindikatuaren enpresako atalak. ELA, ostera, "haserre" eta "kezkatuta" agertu da enpresaren jokabideagatik.


2016-03-22 | Gogo Ekoizpenak
Egurrezko produktuen abantailak eraikuntzan
MULTIMEDIA - solasaldia

Zuhaizkiko kide Garbiñe Maizaren hitzaldia, Tolosan 2015eko "Naturak eskaintzen diguna nola erabili?" jardunaldien barruan.


2016-03-21 | Gogo Ekoizpenak
Egurra erabiltzea eraikuntzan eta energi iturri bezala jasangarria al da?
MULTIMEDIA - solasaldia

BaskEgur-eko Reyes Urbizuren hitzaldia, Tolosan 2015eko "Naturak eskaintzen diguna nola erabili?" jardunaldien barruan.


ASTEKARIA
Azkenak
EGILEA
Eguneraketa berriak daude