Bagara, herrigintzarako laborategia

  • Elkarlana eta gizartearen autoeraketa sustatzen dituzten proiektuak indartzeko sortu zen Bagara. Debagoienan kooperatibismoa ahultzen ari zela-eta, balio horiek berriz ere bultzatu nahian dabiltza. Esparru anitzetan aritzen dira, beti ere iraunkortasuna,
    euskalduntasuna eta auzolana landuz.

Martin Vicioso @martinvicioso
2014ko azaroak 23
Irudian, Tobera antzerki satirikoko lehen emanaldia.
Irudian, Tobera antzerki satirikoko lehen emanaldia.

Kooperatibismoak tradizio luzea du Debagoienan. Enpresak egituratzeko modua izateaz gain, gizartea, langileak eta ondasunen ekoizpen prozesuak lotzeko bidea dela ulertu dute urteetan. Hau da, komunitatea hartu-eman ekonomikoaren izaki aktiboa izateari garrantzia eman zaio aspaldidanik eskualdean. Azkenaldian, berriz, hainbat eragilek galerak sumatu dituzte arlo honetan, eta hortik sortu da Bagara ekimena.

Jatorria Mondragon Unibertsitateko Lanki Institutuan du. Lankidetzari, gizarteari eta autoeraketari buruz ikertu dute azken hamarkadan, batez ere Arrasateko esperientzian oinarrituz, baina kanpoko beste bizipen batzuk ere jasoz. Bagararen zeregina elkarlana eta gizartearen burujabetza ipar duten ekimenak bultzatzea da. Horretarako, jadanik martxan direnei laguntza eskaintzen diete eta iniziatiba berriak hasi nahi dituztenentzat aholkulari dira. Halaber, Debagoieneko egunerokotasuna gertutik jarraitzen dutenez, aukera berriak identifikatu eta interesa izan lezakeenari zabaltzen dizkiote.

Hiru lan esparru bereizi dituzte. Lehenik eta behin, “ekimen komunitario eraldatzaileak” bultzatzea. Autoeraketan eta gizartearen burujabetzan oinarrituta, arlo anitzeko ekintzetan hartzen dute parte. Besteak beste, kulturgintzan, iraunkortasunean, kontsumorako jarreretan eta etxebizitzan. Balio hauek gizartean errotzeko eta etorkizunean ildo berean jarraitu ahal izateko, horiek ezagutzea eta barneratzea ezinbestekoa dela uste dute Bagarako kideek. Horretarako, hezkuntza arloko eragileekin harremanak estutu nahi dituzte. Bestalde, eskualdeko ekonomia motor gisa eredu kooperatibista berreskuratu nahi dute, azken urteetan indarra galdu duela uste baitute.

Azokatik antzerkira

Bagarak, esan bezala, ekimen anitzak bultzatu ditu orain arte. Esaterako, Arrasateko azoka biziberritzeko lanean hasi ziren orain dela bi urte. Logika neoliberaletik at, bertako produktuetan eta kontsumo arduratsuan oinarritutako merkatua nahi dute. Herritarrekin, udal teknikariekin eta herriko eragileekin bildu ziren, guztira 600 lagunek baino gehiagok parte hartu zuten prozesuan. Ildo beretik, Erein Da Jan izeneko kooperatiba abiarazi dute. Nekazaritza modu iraunkorrean jorratzeaz gain, ekoizleak, saltzaileak eta kontsumitzaileak proiektu berean elkartu nahi dituzte, denak baitira bazkide.

Eskualdeko izaera indartze bidean, Tobera antzerki satirikoa ere antolatu dute. 2011tik inuzente egunez egiten dute, urtero Debagoienako herri batean. Hala, bertako gaiak jorratzen dituzte, haien arteko harremana indartuz bai, baina baita lagunarteko lehia sanoa piztuz ere.

Gizarte gaiak ere jorratu dituzte zuzenean. Adibidez, etxebizitzetara sartzeko eredu alternatiboei buruz egin dute gogoeta eta gazteekin topaketak sustatu dituzte, herrigintzan eragile izan daitezen. Elkarlanaren filosofia ipar, ahalik eta esparru gehienetan sakontzea du helburu Bagarak. Orain arte proiektu interesgarrietan esku hartu dute, baina bidea dute aurretik. Jarrai dezatela.

Kanal honetan artxibatua: Auzolan esperientziak

Auzolan esperientziak kanaletik interesatuko zaizu...
Errigorak uzta arrakastatsua lortu du iazko zenbakiak hobetuta

Errigorak Uztaberria kanpainaren datuak eman ditu udaberriaren iristearekin batera zabaldu duten oharrean. Emaitzak “aipagarriak” direla esan dute; aurreko urtekoekin alderatuta, hazkunde handia izan dute.


2017-03-09 | Hala Bedi
Gasteizko Kafe Antzokia Auzolana pilotalekuan?
MULTIMEDIA - erreportajea

Gasteizko Kafe Antzokiarentzat Udalak proposatu zuen kokapenak polemika piztu du. Erreportajean proiektuaren egungo egoreraren nondik norakoak azaldu dituzte. Batetik, Gasteizko Antzokiaren sustatzaile Lazarraga elkartearekin eta Auzolana frontoiaren egunerokoa daraman Txapa Ahotsa asanbladako kideekin eta bestetik, Gasteizko Udaleko EAJko Iñaki Prusilla Euskara zinegotziarekin elkartu dira.


2017-03-06 | Axier Lopez
Gasteizko Alde Zaharreko herri mugimenduak babesa adierazi dio Auzolana pilotaleku autogestionatuari

Larunbatean 300 pertsona baino gehiagok bat egin zuten Gasteizko Auzolana pilotalekua kudeatzen duen Txapa-Hotsa asanbladaren deialdiarekin. Udal Gobernuak frontoi autogestionatua eraisteko asmoaren aurrean, elkartasuna eta babesa emateko prest azaldu dira.


Errigoraren udaberriko kanpaina martxan da: 'Uztaberria'

Udaberriko kanpaina aurkeztu du Errigorak Iruñean, Uztaberria izenarekin. Martxoaren 1etik 14ra Nafarroa hegoaldeko olioa eta kontserba loteak eskatzeko aukera izango dute herritarrek. Helburua? Bertako produktuen kontsumoa sustatzea eta euskalgintzari bultzada ekonomikoa ematea.


2017-01-20 | Arabako Alea
"Auzolana ez da pilotaleku huts bat, auzoa eta hiriarentzat tresna bat baizik"

Ibilbide oparoa egin du Gasteizko Auzolana pilotaleku autogestionatuak eta etorkizunean ere jarraitzeko lanean dira frontoia kudeatzen duten auzokideak; Itziar Lekuona, Arrate Albaina eta Unai Lopez de Munainekin izan da Alea.


Auzolanaren bidez 175.000 euro lortu ditu Errigorak

14.000 saski saltzea lortu dute udazkeneko kanpainan eta hala 175.000 euro bideratuko dute Nafarroa hegoaldeko euskalgintzara. Erriberako ekoizleei ere babesa eskainiko zaie.


2016-11-16 | Topatu.eus
Prefosta Elkartea, Basabürüko gazteen topaleku
MULTIMEDIA - erreportajea

Hamar urtez abandonaturik utzitako Atharratzeko Xaho trinkete-ostatua berreskuratu eta Zuberoako Basabürü eskualdeko gazteen topaleku bilakatu du Prefosta elkarteak.


2016-11-04 | Errigora
Ametsak II (Errigora)
MULTIMEDIA - erreportajea

Errigoraren aurtengo kanpainako bigarren bideoan zerumuga berriak amestu nahi izan dituzte, Nafarroa hegoaldean euskararen bigarren loraldia ekarriko duten protagonisten eskutik.


2016-10-25 | Errigora
Ametsak I (Errigora)
MULTIMEDIA - erreportajea

Zergatik ez ditugu Tuteran gure haurrak euskaldunduko? Eta helduentzako euskarazko ikastaroren bat antolatuko bagenu Tafallan? Ederki legoke Cascanten euskaltzaleok biltzeko txoko bat izatea… Eta euskara eguna ospatuko bagenu Sartagudan? Orain hamarkada batzuk amets huts ziren haiek errealitate dira gaur.


2016-10-24 | Oarsoirriak
Irribaratzea proiektua
MULTIMEDIA - bideo herrikoia

Oarsoaldeko zenbait familiaren artean auzolanean lantzen den baratze ekologikoa.


ASTEKARIA Azkenak
EGILEA
Eguneraketa berriak daude