Xabier Letona @xletona
2014ko azaroaren 16a

“Umiliatu nahi izan dute Katalunia”, zioen Javier Perez Royo espainiar katedratiko ezagunak Espainiako Gobernuak Azaroaren 9ko galdeketa bigarrengoz inpugnatu zuenean. Eta umiliatuen erantzuna halakoxea izan da: 2,25 milioi katalanek parte hartu du Konstituzio Auzitegiak debekatutako kontsultan. Debeku guztien gainetik. Baldintza horietan inor gutxik espero zuen hainbeste, ezta soberanismoak berak ere.

2012an CiU, ERC, ICV eta CUPek 2,1 milioi boto lortu zituzten (botoen %57), partehartzearen %67rekin. Azaroaren 9ko partehartze datu hauekin (ohiko hauteskundeetako erroldaren %43 gutxi gora-behera), parte-hartze handiko hauteskunde batzuetan (%70etik gora), alderdi independentistek %50etik gora lortuko lukete. Eta igandekoak berriz alarma gorria piztu du Madrilen, orain arte katalan independentisten lantegi eraginkorrenean.

Hainbat gora-beherekin baina blokean egin dute bide hau alderdi eta gizarte mugimendu soberanistek, Artur Mas lehendakariak gidatuta. Debekuaren ondoren zalantza handiak ziren Mas prozesua amaieraraino eramateko gai ote zen, baina izan da, eta nola gainera. Indartua atera da, bere alderdiari indar hori inoiz baino hobeto datorkionean. Baina ANCren eta ERCren markajeak hor dirau, hauteskunde aurreratuak eskatzen dituzte urtarril edo otsailerako eta haizeak Mas horretara bultzatzen du, lehen baino indartsuago gainera. Emaitza hauekin CiUren hausturak ere urrats bat gehiago eman du. Nola sinetsi apurketan, dena den, azken 30 urteetan hainbatean haria apurtzekotan egon eta harremana beti berpiztu denean?

Masek ez zuen aukerarik galdu A9ko gauean: “Elkarrekin goazenean gehiago eta hobe aurreratzen dugula, hori da mezua. Mezu garrantzitsua datozen aste eta hilabeteetarako”. Ordu batzuk lehenago CUPeko David Fernandezekin besarkada estuan lotu zen, zintzoa seguruenik, irudi aldetik primeran baliatua, aitak semeari ematen dion besarkada horietakoa, baina bestetik berak gidatutako blokearen batasunaren adierazgarri ere. Masek jarraitzen du posizioak irabazten. Ausartuko da?, esan da etengabe berari buruz, eta bai, oraingoz ausartzen ari da.

Mariano Rajoyri bidaliko dio orain egiazko erreferenduma egiteko eskaera, baina alde horretatik ibilbide gutxi aurreikusten da. Madrilek itxita jarraitzen du eta Masek ezin du orain erreferenduma baino gutxiago onartu, are gutxiago gertuko lehiakideek independentzia aldarrikatzeko eskatuko diotenean. Orain hauteskundeak aurreratzeko data erabaki beharko du Masek, bera sendotua atera da, baina bere gobernua negu gorrian sartzen da berriz, eta ez bakarrik ERCren sostengua galdu ondoren aurrekontuak luzatu beharko dituelako. Kataluniaren zor publikoa 62.000 milioi euro ingurukoa da –bere BPGaren %32– eta 2015erako ere 4.000 milioi euroko murrizketak egin beharko dituela iragarri da. Egoera horrek baimentzen al dio bakarrik jardutea? Ez dirudi.   

Ados, hauteskundeak, esan dezake Masek, baina zerrenda bateratuarekin, hots, CiU gehi ERCren zerrendak batuz. Eta ez dirudi Oriol Junquerasen alderdia jokaldirako prest dagoenik, berea lehen alderdia izan daitekeela aurreikusten denean eta gainera banatuta boto gehiago lor dezaketela uste duenean. Batera joatekotan Masek independentziari buruzko programa ausarta eta argia onartu beharko du. Akaso independentzia aldarrikapena ez, baina bai estatu independente bat egiten hasteko iragarpena: NBEri  iragarri estatu berriaren sorrera hasten dela, EBri, Espainiako Gobernuari... Eta hasi dirua kontrolatzen hasteko lehen urratsak emateari, esaterako erabat funtsezkoa den Kataluniako Zerga Agentzia sortzeari.

Eta Euskal Herrirako, ba al da mezurik? Bai, zalantza barik. Iñigo Urkullu lehendakariak galga gisa hainbestetan aipatzen duen moduan, bi prozesu desberdin dira, baina hark euskal soberanismoa ere hauspotzen du eta berriak ez diren oinarrizko bi ideia mahai gainean jarri ditu berriz: bat, soberanismoak behar du horretan sinesten duten tradizio politikoen elkarlana, lehenik gizarte zibilean eta ondoren alderdien esparruan; bi, ideia batean tinko sinesten denean, gehiengo zabalak irabazi eta aurrera egin daiteke. Eta sinesten da halakoetan hemen? Oraindik gutxi, baina gero eta gehiago”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Katalunia independentziarantz

Katalunia independentziarantz kanaletik interesatuko zaizu...
2018-07-12 | ARGIA
Alemaniak Puigdemont estraditzea onartu du, diru erabilera okerragatik soilik

Schleswig-Holstein landeko Lurralde Auzitegiak erabaki du legezkoa dela Kataluniako lehendakari ohi Carles Puigdemont estraditzea, ez matxinada akusaziopean epaitu dezaten baina soilik diru publikoen erabilera okerragatik. Azken erabakiaren zain, epaileek ez diote kautelazko neurri berririk ezarri eta oraingoz aske jarraitzen du Alemanian.


2018-07-02 | ARGIA
Preso politiko katalanak Kataluniako espetxeetara eramango dituzte

Kataluniako espetxeen eskumena daukan Generalitateak gaur jaso du Madrilgo Barne ministroaren komunikazioa: asteartean eramango dizkiete independentzia prozesua geldiarazteko Espainiak preso hartutako politikariak. Hedabideek zabaldu dutenez, Generalitatea beren senideekin bildu da presoak zehazki zein espetxetan kokatu familiekin batean erabakitzeko.


Independentzia 2029an, matematikoki

Figueres (Girona), 1947ko urtarrilaren 22a. Alexandre Deulofeu (1903-1978) farmazialari eta matematikaria Frantziako erbestealditik itzuli zen. 1936ko Gerran Figuereseko alkate errepublikarra izaki, 1939ko otsailean ihes egin zuen. Itzultzean, berriro ere botikan hasi zen lanean, baina ez zuen baztertu gaztetatik zeukan beste grina, historia matematikaren bidez aztertzea.


Generalitateko kontselaritza bat okupatu dute CDRek Kataluniako Gobernuak U1eko erreferendumean onartutakoa bete dezan

Espainiako Estatuaren aginduak ez betetzeko eta errepublika aldarrikatzeko eskatu diote Generalitateari.


Udaletxeko leihotik 'estelada' ez kentzeagatik, sei hilabetez ezgaitu dute Bergako alkatea

Alkateak epaiketa politikoa dela salatu du, estelada jartzea Bergako udalbatzak hartutako erabakia izan zelako.


Olivier Peter
"Delitu politikoa jende zintzoaren delitua da"

Genevan (Suitzan) erbesteratuta dagoen CUP-Crida Constituenteko diputatu ohi Anna Gabriel Sabatéren abokatua da Olivier Peter (Zurich, 1986). Giza eskubideetan, nazioarteko zuzenbide penalean eta estradizioetan aditua da. Legelari suitzar gazteari eskatu dio aholkua militante antikapitalistak. Peterri ez zaizkio elkarrizketak gustatzen, baina La Directarekin hitz egiteko prest agertu da. Bi hedabideon arteko harremana medio, ARGIAn elkarrizketa euskaraz eskaini nahi diegu irakurle... [+]


2018-06-17 | Saioa Baleztena
Beta Forn. Bidegabekeria erraietan
"Geroz eta gauza larriagoak gertatu behar dira jendea kalera ateratzeko"

Pasa den azaroaren 2an Estremerako espetxean giltzapetu zuten Joaquim Forn Kataluniako diputatuaren alabarik gazteena da Beta Forn (Bartzelona, Herrialde Katalanak, 1998). Erizaindegi ikasketen bigarren ikasturtea amaitu berri duenean, Kataluniako ordezkari independentistek bizi duten errepresioaren kontrako borrokan murgilduta dago.


2018-06-08 | David Bou
Ispilu alderantzikatua

La Directa-ko David Bou kazetariak gogora ekarri ditu duela zenbait urte kataluniarrak Euskal Herrira etortzen zirenean izaten zituzten sentsazioak. Alderantzizko egoera bizi dugu orain?


2018-05-30 | ARGIA
Atzerriko kazetariak, adi honi: Espainiari buruz ondo hitz egiteagatik dirua eman nahi dizue Moncloak

Espainiako Atzerri Ministerioak Vianako Jauregia Kazetaritza Saria sortu du, Espainiako Estatuari buruzko irudi positiboa ematen duten atzerriko kazetarientzat. Kataluniako urriaren 1eko erreferendumaren kontra erabilitako bortizkeriak nazioarteko medioetan asko kaltetu zuen Rajoyren exekutiboaren irudia eta horri aurre egiteko mugimendua dirudi.


2018-05-24 | ARGIA
Gutxienez 25 atxilotu Katalunian, diru publikoaren ustezko malbertsazioagatik

Gutxienez 25 lagun atxilotu ditu Espainiako Poliziak Katalunian, 2012 eta 2015 artean kooperaziorako ziren europar dirulaguntzak ustez desbideratzeagatik.


ASTEKARIA
Azkenak
EGILEA
Eguneraketa berriak daude