Enpleguaren aztiak

Juan Mari Arregi
2014ko azaroaren 16a

Espainiako Estatuko 18 enpresa handienak biltzen dituen Lehiakortasunerako Enpresa Kontseiluak plan bat aurkeztu du, 2018ra arte 2,3 milioi enplegu sortuko lituzkeen neurri ekonomiko eta instituzionalekin. Egun, 4,5 milioi langabetu daude estatuan. Langabezia tasa %11ra jaitsi nahi omen dute; gaur egun %24an dago. Hain justu, joan den astean ezagutu dira urriko datuak: 80.000 langabetu gehiago, horietatik 2.098 Hego Euskal Herrikoak. Aste horretan bertan hainbat enpresa itxiko dituztela iragarri dute Gipuzkoan (Candy) eta Araban (Cablenor eta TCA); ehunka lanpostu gehiago galduko dira beraz. Bestalde, Europako Batzordeak aurreikusi du hazkundea %2ren azpitik izango dela.

Enplegua sortzeko apustu hori egin dutenak dira, zehazki, lan erreforma sustatu zuten enpresari eta bankari handiak. Erreforma horrek eragin du enplegu berrien behin behinekotasuna, prekarietatea, malgutasuna eta mugikortasuna. Zer enplegu berri nahi dute? Ordukako kontratuekin eta soldata miserableekin euren enpresatan bekadunei ezartzen dizkieten bezalakoak? Kapitalismo basatienari erantzuteko diseinatu eta gobernuek exekutatzen dituzten politika ekonomiko horiek ez dira enplegu duin eta egonkorra sortzeko eredu.

Enpresa eta bankuetako elite honen proposamenek ez dute inolako sinesgarritasunik. Sikiera publikoki konpromisoa hartuko balute euren enpresatan enplegu duina mantendu eta prekarietatea deuseztatzeko… Edo euren soldata eta dieta milioidunen zati bat enplegu politikara bideratuko balute… Paperean edozer gauza jar liteke; jar liteke, adibidez, sortutako enpleguak 5 milioi izango direla. Iragarri dutena publizitate hutsa da, aztiak dira, eta kapelatik milioika enplegu ateratzen dituzte, azkenerako sortuko ez badira ere. Aztiok soldata milioidunekin, dietekin eta etekinekin segituko dute, langabeziaren kontura.

 

Kanal honetan artxibatua: Enplegua

Enplegua kanaletik interesatuko zaizu...
2018-04-26 | Hala Bedi
Agurainen larri zauritu zen langilearen enpresan lanuztea egin dute, segurtasuna berma dadila eskatzeko

Hala Bedik aurreratu zuenez, Agurain herrian dagoen Wind Energy Casting II enpresan, WEC taldekoa, istripu larria egon zen apirilaren 13an.


2018-04-24 | Topatu.eus
Gazteria, lana eta prekarietatea oinarri dituen txostena aurkeztu dute LABek eta Ernaik

Euskal Herriko gazteen prekarietate egoera aztertzea da txosten honen helburua, lan merkatuaren egoera aztertu eta honek gazteengan duen eraginean zentratuz. Langile kontraboterea oinarri, borrokarako tresna izateko nahia ere badute LAB eta Ernaiko kideek.


2018-04-20 | Uriola.eus
"Glovo enpresan autoesklabo bihurtzen duzu zeure burua"

Glovo enpresako langile ohi bat elkarrizketatu du Bilboko gazte prekarioen asanbladak. Langileak, beraien egoeraz gain, Glovo bezalako enpresek nola aritzen diren azaldu du: "Autonomo faltsuak gara eta azkenean gure lanaren esklabo bihurtzen gara".


2018-04-05 | ARGIA
Zuberoako lanbideen gidaliburua aurkeztuko du Azia elkarteak larunbatean

Azia elkarteak Zuberoako gazteek euren lurraldean lan eta bizi ahal izateko Xiberoko Lanbideen Gidalibürüa osatu du eta larunbatean, apirilak 7, aurkeztuko du Iribarneko jauregian, goizeko 9 orenetan egitekoa den ekitaldian. Diote antolatzaileek, batik bat gazteei lagundu nahi diete Zuberoan diren aberastasun eta eskaintzak ezagutarazten.


2018-04-01 | Igor Agirre
Pentsio duina: denon lanak, denon eskubidea

Euskal Herriko pentsionistak kalera irten dira pentsio duinak aldarrikatzera. Bosgarren urtez jarraian, Hego Euskal Herriko erretirodun eta alargunek %0,25eko igoera jasoko dute beren ordainsarietan. Gutxieneko pentsioa 1.080 euroan jartzearen beharra azpimarratu dute, pentsiodun askok –nagusiki 65 urtetik gorako emakumeek– bizi duten pobrezia egoera salatuz.


2018-03-27 | ARGIA
Guggenheim Bilbao Fundazioa zigortu dute grebarako eskubidea urratzeagatik

2016an greba egin zuen eta ondoren kaleratua izan zen langile bati 6.251 euroko kalteordaina ematera eta hura berriz ere kontratatzera zigortu dute Guggenheim Bilbao Fundazioa, grebarako eskubidea urratu duelako.


2018-03-22 | Ahotsa.info
Azken bi lan heriotzak salatu dituzte auto karabana baten bidez

ELA, LAB, CGT, Steilas, ESK, Hiru eta EHNE sindikatuek autoen bi karabana burutu dituzte gaur, azken bi lan istripu hilgarriak salatzeko. Autoen karabanak Lakuntzatik eta Untzuetik abiatu dira (istripu hauek geratu diren lekuak, hain justu) gaur goizez, eta aldi berean bukatu egin dira Nafarroako Gobernuaren Lan Sailaren aurrean, Iruñean. Bertan elkarretaratu dira dozenaka langile.


2018-03-21 | ARGIA
2.400 euroko isuna jarri diete LABeko lau kideri Mozal Legea erabiliz, Urkulluren ekitaldi bat eteteagatik

Mozal Legea aplikatu die Eusko Jaurlaritzak LAB sindikatuko lau kideri, iazko irailean Iñigo Urkullu EAEko lehendakariaren ekitaldi bat eteteagatik. 2.400 euroko zigorra ezarri diete guztira.


2018-03-16 | ARGIA
Gipuzkoako eraikuntzako mahai negoziatzailea osatu gabe, patronalen arteko ika-mikagatik

Eraikuntza eta obra publikoetako Gipuzkoako hitzarmena negoziatzeko mahaia osatu ezinik geratu da oraingoz, ostegunean Lan Harremanen Kontseiluan egindako bileran sektoreko enpresa-elkarteak –Ascongi, Garen eta Eraiki– ez direlako ados jarri euren artean izan beharreko ordezkaritzaren inguruan. Martxoaren 23an beste bilera bat izango da.


2018-03-12 | Jon Torner Zabala
Donostiako komiki azokako langileak, soldatarik kobratu gabe

Lehenbizikoz egin zen iaz Comik-D Donostiako komiki eta manga azoka. Antolaketa-lanetan aritu ziren 30 lagunek salatu dute agindu zieten kontratua ukatu zietela, eta ondorioz ez dutela soldatarik kobratu. Azokaren araberako soldata agindu zieten antolatzaileek.


ASTEKARIA
Azkenak
EGILEA
Eguneraketa berriak daude