Ur beroaren poltsa

Erretxina biltzeko ontzia.
Erretxina biltzeko ontzia.Antramir- CC by SA

Pinu, izei eta alertzeetatik erretxina. Haien erretxinatik eta besteenetik: kolofonioa, brea, bikea, berniza, intsentsua, uia, itsasgarria, perfumea, turmentina, urtzailea, sits eta pipientzako uxatzailea, desodorantea, baltsamoa eta gantzugailua, arazgarria, kautxua, hulea, golf pilota eta makila, jostailua, borragoma, pneumatikoa, arropa iragazgaitza, Arabiako goma, kosmetikoa, koloregaia, grisalla, ardoa argitzekoa, jakien lurringai eta egonkortzailea, botika, txigoma, gozokia, litografia, zigarro paperen eta zigiluen goma, haxixa nahastekoa, material piroteknikoa, arrantzarako eta gezientzako pozoia, kable elektrikoen isolatzailea, letaginen sustraien osagarria, intsektizida, biska eta lika, opioa, morfina, kodeina, tebaina, papaberina, noskapina, oripabina, garatxoak herpesak eta maskurrak kentzekoa, lastaira, burkoa, tirita, esparatrapua, izotz aurkakoak eta hozgarriak, gomazko eskularruak, zinta itsasgarria, preserbatiboa, oinetakoen barne zola, bainujantzia eta bainutxanoa, tenis pilota, ping-pong sarepala, eskitarako betaurrekoak, ur beroaren poltsa, puxika, aulkia, zela, margoa, transmisio uhala, gomazko titia, urpekari jantzia, alfonbra, edukiontzia, bizikleta gurpil zorroen partxea, flotagailua, grafikagintzarako mantila, heroina, katiuska... Zenbat hitz landareren baten izerdiari lotuta! Zenbat bizipoz eta min! Bainujantzia, ur beroaren poltsa, txorietako biska, borragoma, txigoma...

Landareari zauria egin eta isurkina biltzen dugu. Zauria ixteko jariatzen du, zauritik sor daitezkeen kalteak eragotzi nahi ditu. Hortik izerdiak gatzatzeko duen joera. Gatzatu, gogortu eta erretxina eginda itxi. Kaltea eragin dezaketen mikroorganismoei atea itxi eta orbaintzea erraztu. Bestetik, landare askoren izerdia pozoitsua da. Kosk egin eta zauria egingo liokeen animalia ere atzeratu egiten du. Itxuraz, horiek dira izerdi batzuk erretxinatsu izateko arrazoi nagusiak.

Guk, hala ere, zauria ixteko jariatuko duen horren bila, ebaki egingo dugu. Izan ere, zigarro-papera itsasgarria behar dugu!


Kanal honetatik interesatuko zaizu: Bestelakoak
2019-05-19 | Jakoba Errekondo
Zaldaleak irabazten

Egunak gauari gaina hartzen dio udaberriko ekinozioarekin. Aurten martxoaren 20an gertatu da, 22:59an, udaberriaren atea irekiz. Eki aurrizkiak gauza bera esan nahi du. Ordura arte gaua luzeagoa zen. Egun hartan egunak eta gauak hamabina ordu izan zituzten. Ordutik eguna... [+]


2019-03-31 | Jakoba Errekondo
Klima aldaketa eta paisaia

Eguraldia aspaldian dugu hizpidean jarria; klimarena, ordea, berri samarra da. Klima aldaketa zer den argitu behar handirik ez dago. Paisaia zer den azaltzea bai, horren premia gorriagoa da. Puri-purian dago klimaren aldaketaz hitzaldi, mahai inguru edota nazioarteko... [+]


2018-09-16 | Jakoba Errekondo
Sagardoaren emakumeak

Fruituak bildu eta dolarerako bidean jartzeko sasoia da. Udarea (Pyrus communis), sagarra (Malus x domestica), mahatsa (Vitis vinifera)... Bide motz eta azkarra dirudi baina makina bat itzulinguru eta hauen saihesbide landu behar dira fruitua muztio eta muztioa edari alkoholdun... [+]


2018-07-22 | Jakoba Errekondo
Alde guztietatik jatea

Euskal Herrian nekazaritza etengabeko kolonizazioaren historia da. Toki guztietan bezala. Lehen lantzen ez zen lurra lugorritu; lehen ereiten ez zen uzta erein; lehen jaten ez zena gozatu. Dena beste nonbaitetik ekarria. Historia horietako asko idatzi dituzte nonahi laboreek;... [+]


2018-04-22 | Jakoba Errekondo
Kurka-kurka

Laboreekin egiten diren ardoetara itzuliz, ezker-aihena (Humulus lupulus) kontserbatzaile eta dasta mikatzaren eransle dute. Laboreak eta ezker-aihena uztartzeak makina bat zurrustada gozo sortua du, kurka-kurka, batik bat garagardoaren herrialdeetan. Lagun batek azaldu berri... [+]


Eguneraketa berriak daude