Mendizale eta herritarrak ondarea berreskuratzen

  • Elgoibarko Sargoaten dagoen iturria egokitu dute auzolanean. Morkaiko mendizale taldeak deituta, inguruak garbitu eta zuhaitzak landatu dituzte, garai batean bezala, Irukurutzetara igo nahi dutenek indarberritzeko leku ezin hobea izan dezaten.

Inguruan berreskuratu beharreko beste hainbat eremu zehaztu dituzte: Atxolingo iturria, Moruko Brontze Aroko hondarrak, Morkaiko mendiko tontorra...Morkaiko

Irukurutzeta mendiaren magalean dago Sargoate. Elgoibartik igo nahi izanez gero, bertatik igaro beharra dago. Horregatik, 1959an harrizko iturri handi bat eraiki zuten bertan, Prudencio Etxaniz txirrindulariaren omenez, eta mendizaleek atsedenerako gune atsegina izan zezaten. 50 urte baino gehiago pasa direnean, iturriak aspaldiko xarma hura galdua zuen. Azken 30 urteotan pinupean egon eta gero, egoera tamalgarrian zen, hondatuta eta ahaztua zegoen.

Elgoibarko Morkaiko taldeak gunea berreskuratzea pentsatu zuen pasa den urtean. 1943tik mendizaletasunaz gozatzen duen elkarte honetako kideak izan ziren, inguruko baserritarrekin batera, elkarlanean iturria altxa zutenak. Espedizioak antolatzeaz gain, mendiarekin zerikusia duten ekintza ugari egiten dituzte.

Sargoateko iturria estaltzen zuten zuhaitzak bota zituztenean, berau konpontzea erabaki zuten. Gipuzkoako Foru Aldundiaren laguntzaz lursailak erosi eta auzolanerako deia luzatu zuten herrian. Azaldu dutenez, haientzat garrantzitsua zen herritarren presentzia. Izan ere, herriak herriarako egiten duen lana da, eta komunitatea bera indartzen laguntzen du.

2013ko udazkenean hasi ziren egokitze lanekin. Lehenik eta behin, ura bideratuko zuen hodia ipini zuten, iturria berriro ere erabilgarria izan zedin. Ondoren, ingurua txukundu eta garbitu zuten, gero zuhaitzak landatzeko. Dena den, eremua zuhaitzez betetzea ez zen helburua. Iturri ondoko gunea argitsua izatea nahi dute, bertatik Elgoibarko parajeaz gozatu ahal izateko. Adin guztietako herritarrek hartu dute parte eginbeharretan. Esaterako, martxoan ospatzen den Zuhaitzaren Eguna baliatuz, umeek gurasoen laguntzaz euren alea landatzeko aukera izan zuten. Berreskuratze lanak bukatzear daude dagoeneko. Ekaina hasierarako deitu dute berriz auzolana, eta litekeena da egun horretan amaitzea.

Iturria egokitzeak ez du aseko elgoibartarren grina. Inguruan berreskuratu beharreko beste eremuak zehaztu dituzte. Hala nola, Atxolingo iturria, Moruko Brontze Aroko hondarrak eta mendizale taldeari izena eman dion Morkaiko mendiko tontorra.

Sargoate Elgoibarren zabaltzen

Irukurutzetara igo nahi duten mendizaleentzako igarolekua baino gehiago da Sargoate. Urtero, Santiago Egunez erromeria egiten dute horko belardi batean. Hala ere, Elgoibarren askok ez dute ezagutzen iturria dagoen gunea, eta hori aldatzen saiatu dira. Adibidez, urtero herritar askok parte hartzen duen mendi-bueltan atseden eta indarberritze puntu gisa erabili dute.

Mendizaletasuna sustatzea ekimenaren helburu nagusia ez baldin bada ere, ez da dudarik albo-ondorioa dela. Ondarea berreskuratzeaz gain, bertaratu diren herritar batzuek aurretik haientzat arrotzak ziren bideak aurkitu dituzte. Komunitatea aberasteaz gain, herria eta ingurua hobeto ezagutzeko parada ezin hobea dute.


Kanal honetatik interesatuko zaizu: Auzolan esperientziak
'Eutsi geureari' goiburuarekin abiatu da Errigoraren udaberriko kanpaina

Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari'  izeneko kanpaina abiarazi zuten atzo eta martxoaren 13ra arte aukera dago saski horietako... [+]


14.000 saskitik gora saldu ditu Errigorak, eta 185.000 euro bideratuko ditu euskalgintzara

Hamar urte dira saskiekin hasi zirela eta bi milioi euro bildu dituzte guztira.

 


Errigora, hamar urte euskarari puzka

50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.


2023-10-15 | Leire Artola Arin
Emakume baserritarrak, funtsezkoak bezain ahaztuak

Baserritar bat abereak gobernatzen edo traktorea gidatzen irudikatu beharko bagenu, ziurrenik gizon heldu bat imajinatuko genuke. Erreportaje honetarako elkarrizketatu ditugun baserritarrek, ordea, erakutsi digute iruditeria folkloriko horren atzean badaudela landa eremutik... [+]


Ludoteka euskaldunak Nafarroa erdi eta hegoaldean, aisialdian ere haurrak euskaraz aritu ahal izateko

Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]


Eguneraketa berriak daude