Udaletan euskara erabiltzeko planak hizpide Udaltop Soziolinguistika jardunaldietan
Aurten bat egin dute udaletako Euskara Zerbitzuek eta Soziolinguistika Klusterrak, eta elkarrekin antolatu dituzte Udaltop Soziolinguistika Jardunaldiak. Maiatzaren 15 eta 16an egingo dira Gipuzkoako Lasarte-Orian.
Euskara erabiltzeko planak: elkarrekin berritzen izenburua ipini diete jardunaldiei eta udalei begira jarriko dira. Euskara planak garatzeko oinarriei buruz arituko dira Iñaki Martinez de Luna, Nekane Goikoetxea eta Juanjo Arrospide.
Ondoren, dagoeneko urte batzuk lanean ari den Eralan3ko interbentzioak eta emaitzak azalduko dituzte. Eibarko eta Lasarte-Oriako udaletan arduradun politikoak linguistikoki ahalmentzeko edabe magikoaren bila dabiltzala kontatuko dute, adibidez. Bermeo, Portugalete eta Zumaiako esperientziak ere entzungai izango dira. 16an, Eusko Jaurlaritzaren Erabilera Planaren V. Plangintzaldia zertan den entzuteko aukera izango da.
Asteartez Zarautzen hasita, Iñaki Iurrebasoren hitzaldi zikloa antolatu du UEMAk. Euskararen egoera ezagutzeko gako berriak ematen dituelako, arnasguneak eta udalerri euskaldunak sendotzea euskararen biziberritzerako giltzarria zergatik den ere azaltzen duelako... [+]
Espainiatik Donostiako Altza auzora migratutako biztanleek euskararekin izan dituzten bizipenak eta jarrerak aztertu ditu Soziolinguistika Klusterrak. Etorkinok integrazio sozialerako eta laboralerako ez zuten euskararen beharrik izan. Euskal hiztunek, berriz, migrazio-prozesua... [+]
Ricardo Urritzola ikerlariak aurkitu du bertso sorta Nafarroako Errege Artxiboan eta Ekaitz Santaziliak Nafarroako Unibertsitate Publikoko irakasleek aztertu ditu. Fermin Altxu Beristain maisuari leporatutako salaketa baten harira idatzi ziren.
UEMAk (Udalerri Euskaldunen Mankomunitatea) berariaz aztertu ditu VII. Inkesta Soziolinguistikoak bere herriekiko eman dituen emaitzak, eta argi-itzalak agerikoak dira berriz ere: herri euskaldunenek euskal hiztunak galdu dituzte.