Jauzarrea elkarteak antolatutako Nazioarteko Atlantiar Biltzarra maiatzaren 16an egingo da Irunen (Gipuzkoa). Erromatarren aurreko baskoien garaitik hasi eta Nafarroako Erresumara arteko aroei erreparatuko diete. Egun osoko jardunaldiak izango dira eta antropologia  alorreko gaiez gain hizkuntzak toki garrantzitsua izango du. Lau hizkuntzalarik beren ekarpenak egingo dituzte. John Koch Galeseraren eta Zelteraren Azterketa Aurreratuen Zentroan ari da lanean, eta Hizkuntza indoeuroparrak eta tokiko hizkuntzak Historiaurrearen bukaeran; zelteraren sorrera hitzaldia eskainiko du. Theo Vennemann hizkuntzalari alemaniarrak Substratu baskonikoa Erdialdeko Europan: ekonomiak toponimian utzitako isla jarri dio izenburu bere hitzaldiari. Georg Bossong Zuricheko (Suitza) Unibertsitatetik etorriko da eta Etimologia baskonikoak, ikuspegi (aurre-)historikoaren argitan hitzaldia emango du. Koldo Zuazo izango dugu etxekoa. Hizkuntzalariak Nafarroako Erresumara egingo du jauzi Euskararen bilakaera Erdi Aroan. Hizkuntzaren espazioak Nafarroako Erresumaren inbasioaren ondoren hitzaldiaren bidez.