Gotikoa, berez, iraina da

  • XII. mendean sortutako arte estilo ezaguna lau mende geroago bataiatu zuten “gotiko” izenondoarekin, bataiatzailearen asmoa, berez, estiloa erdeinatzea izan arren.

Giorgio Vasari artista eta historialari italiar ezagunak 1550. urte inguruan erabili zuen lehenengoz adjektibo hura artelan multzo bikaina deskribatzeko. Beraz, ez zen arteaz ezer gutxi zekien ezikasi baten iraina, aditu baten iritzia baizik. Vasariren asmoa forma gotikoen zakarkeriaz ohartaraztea zen.

Gotiko terminoak “godoei buruzkoa” esan nahi du, eta horren bidez Vasarik adierazi nahi zuen arte estilo hura barbaroena zela, topatzen zuten oro arpilatzeko eta suntsitzeko joera zuten herriena, antzinako Greziako eta Erromako obra klasikoen perfekzioa eta edertasuna bilatzeko inolako interesik ez zuten herriena.

Vasarik ez zuen arrakastarik izan bere kritikan. Ordurako gotikoa Europa mendebaldean hedatuta zegoen eta, nahi gabe, kutsu iraingarria berehala galdu zuen izena ipini zion hainbeste gorroto zuen estiloari.


Kanal honetatik interesatuko zaizu: Artea
Jone Erzilla
"Denok ditugu esperientzia estetikoak, baina oso zaila da hori museo batean gertatzea"

Denbora darama “ingurua intentsifikatzeko gai diren horiei” begira eta horiekin lan egiten saiatzen, horretarako gertu duenari arreta jarriz. Irudietatik, hitzetatik, argitik eta horiek espazioan agertzeko duten forma eta moduetatik egiten du lan, batez ere. Orain... [+]


Erakusketa lehenago kenduko dutelako zentsura salatu du Iruñeko LKN artistak

Talde erlijioso batek eskatuta kenduko dute LKN artistaren obra Iruñeko Morea saltokitik: "Ez dut inoiz iraintzeko asmorik izan; nire begirada artistikoa eskaini nahi nuen".


Eulalia Abaitua, emakumeei begiratu zien argazkilaria

Euskal Herrian argazkigintzan emakume aitzindaria izan zen Eulalia Abaitua Allende-Salazar (Bilbo, 1853 – Bilbo, 1943). XX. mendeko euskal gizartea erakusten digute berak eginiko argazkiek: eguneroko jardunak, lanbideak, jaiak... jaso zituen. Emakume baten begiradak... [+]


2024-02-27 | ARGIA
Lurraren defentsan "Hamaika" erakusketa artistiko ibiltaria abiatuko dute Beran martxoaren 1ean

"Hamaika arrazoi lurraldea defendatzeko" izeneko erakusketa artistiko honetan, Euskal Herriko hamaika ilustratzailek parte hartu dute eta makroproiektu eolikoek kaltetutako Euskal Herriko zenbait familia eta bizilagunen hamaika testigantza ere jasotzen dira. Etxalarko... [+]


Eguneraketa berriak daude