Auzolan esperientziak

Taldean egindako liburua

  • Liburuak argitaratzeko orduan sortzen diren traba ekonomikoei aurre egiteko, elkarlana tresna eraginkorra izan daiteke. Hala erakutsi dute Bergaran. Aitor Arantzabalek Michele Angiolillo anarkista italiarrari buruz idatzitako liburua auzolanean muntatu zuten udaberrian, herriko gaztetxean. Udazken honetan, auzolanera deitu zuten beste behin, bigarren edizioa prestatzeko.

Martin Vicioso @martinvicioso
2013ko abenduaren 29a
Ideia sortu zenetik, jende askok hartu du parte. Herritar bakoitzak liburuaren 56 orrialdetako bat muntatu zuen eta ondoren Gasteizko Irrintzi inprimategian forma eman zioten.
Ideia sortu zenetik, jende askok hartu du parte. Herritar bakoitzak liburuaren 56 orrialdetako bat muntatu zuen eta ondoren Gasteizko Irrintzi inprimategian forma eman zioten.

Michele Angiolillo pertsonaia esanguratsua da Bergaran. Militante anarkistak Antonio Cánovas del Castillo politikari espainiarra Arrasateko Santa Ageda bainutegian erailtzeagatik heriotzara kondenatu zuten. Bergarako espetxean igaro zituen azken egunak eta zigorra bertan ezarri zioten. Gaur egun, eraikin hura ez da presondegia, gaztetxea baizik, eta antolatu duten liburutegiak Angiolilloren izena darama.

Aitor Arantzabalek, arreta handiagoa merezi duen pertsonaia dela iritzita, Angiolilloren inguruko liburua idazteari ekin zion. Argitaratzeko zituen aukerak aztertzerakoan, auzolanarenak konbentzitu zuen gehien. Parte hartu zuen herritar bakoitzak liburuaren 56 orrialdetako bat muntatu zuen eta ondoren Gasteizko Irrintzi inprimategian forma eman zioten. Ekonomikoki hautu onena zela onartu arren, idazleak ekintzari balio sinbolikoa ematen dio. Izan ere, bere ustez Bergarako herriak “zorra du Angiolillorekin” eta herritarrek bere historia gehiago ezagutzeko balio izan du.

Elkarlanean gauzatutako proiektua

Auzolana, bere horretan, muntaketa fasea izan da, eta Arantzabal dugu liburuaren egilea. Hala ere, idazleak azpimarratu du emaitza prozesu osoan eman den elkarlanaren ondorio dela. Ideia sortu zenetik, jende askok hartu baitu parte. Hasieran, lau gazteren artean ekin zioten proiektuari Angiolillori buruzko dokumentazioa bilduz. Horretan, Koldo Izagirre idazlearen laguntza izan zuten. Pasaitarrak 1996an Nik ere Germinal! egin gura nuen aldarri eleberria kaleratu zuen. Bertan, militante italiarraren bizitza aipatzen du. Ondoren, kartzelan sartu zuten Arantzabal, eta orduantxe idatzi zituen pasarte gehienak. Senitartekoen eta gertukoen laguntza beharrezkoa izan zuen kartzelatik dokumentazioa sartu eta ateratzeko. Beraz, kolektiboak indar handia izan du lan honetan. Egileak berak onartu duenez, “protagonista bakarra Angiolillo da”. Elkarlanari esker hark egindakoa jaso eta aurkeztu dute.

Liburuaren lehen ediziotik 260 ale inprimatu zituzten, baina hilabete gutxi batzuetan agortu dira denak. Horregatik, irailean bigarren ediziorako auzolanera deitu zuten berriz, beste 300 ale kaleratzeko asmoz. Gainera, argitalpen zainduagoa izango da oraingoa. Idazkera berrikusi dute, eta gehigarriak erantsi dizkiote. Esaterako, Koldo Izagirreren poemak, liburuaren historia laburbiltzen duen testua eta Fly Shit musika talde bergararraren bi abesti. Aipatzekoa da obraren aurkezpen ekitaldietan auzolanaren garrantzia azpimarratu dela, horma-irudietan “Arantzablek idatzitako eta denon artean egindako” liburua dela argi utziz.

Kanal honetan artxibatua: Auzolan esperientziak

Auzolan esperientziak kanaletik interesatuko zaizu...
2017-11-07 | Miren Osa Galdona
Auzolanari esker, prest daude Errigoraren saskiak; eskaerak baino ez dira falta

Hiru egunez auzolanean jardun dira Ablitasen Errigorako kide nahiz boluntarioak. Datorren egunetan hainbat herritatik iritsiko diren eskaerak baino ez dira falta saskiak etxeetan izateko. Herrilana izan da proiektuaren oinarria.


2017-10-20 | Miren Osa Galdona
Errigora 2017-2018: lurra eta euskara ardatz, zubiak eraikitzea xede

Errigoraren Nafar Hegoaldeko uzta euskarari puzka kanpaina hastear da. Herrilana lelopean, urriaren 26tik azaroaren 14ra bitartean izango da kanpaina, eta ekimenaren nondik norakoak azaltzea izango da helburua. Hasierako ekitaldia Oarsoaldean izango da.


2017-10-12 | Errigora
Zubigintza Errigoran
MULTIMEDIA - erreportajea

"Zubigintza amildegiak gurutzatzeko artea da. Bizkarrez dauden munduak elkarri begira jartzekoa. Ertza abiapuntu bihurtzekoa. Alegia egia egitekoa. Horixe da, hain zuzen, Errigoraren langintza: zubiak eraikitzea".


Errigorak uzta arrakastatsua lortu du iazko zenbakiak hobetuta

Errigorak Uztaberria kanpainaren datuak eman ditu udaberriaren iristearekin batera zabaldu duten oharrean. Emaitzak “aipagarriak” direla esan dute; aurreko urtekoekin alderatuta, hazkunde handia izan dute.


2017-03-09 | Hala Bedi
Gasteizko Kafe Antzokia Auzolana pilotalekuan?
MULTIMEDIA - erreportajea

Gasteizko Kafe Antzokiarentzat Udalak proposatu zuen kokapenak polemika piztu du. Erreportajean proiektuaren egungo egoreraren nondik norakoak azaldu dituzte. Batetik, Gasteizko Antzokiaren sustatzaile Lazarraga elkartearekin eta Auzolana frontoiaren egunerokoa daraman Txapa Ahotsa asanbladako kideekin eta bestetik, Gasteizko Udaleko EAJko Iñaki Prusilla Euskara zinegotziarekin elkartu dira.


2017-03-06 | Axier Lopez
Gasteizko Alde Zaharreko herri mugimenduak babesa adierazi dio Auzolana pilotaleku autogestionatuari

Larunbatean 300 pertsona baino gehiagok bat egin zuten Gasteizko Auzolana pilotalekua kudeatzen duen Txapa-Hotsa asanbladaren deialdiarekin. Udal Gobernuak frontoi autogestionatua eraisteko asmoaren aurrean, elkartasuna eta babesa emateko prest azaldu dira.


Errigoraren udaberriko kanpaina martxan da: 'Uztaberria'

Udaberriko kanpaina aurkeztu du Errigorak Iruñean, Uztaberria izenarekin. Martxoaren 1etik 14ra Nafarroa hegoaldeko olioa eta kontserba loteak eskatzeko aukera izango dute herritarrek. Helburua? Bertako produktuen kontsumoa sustatzea eta euskalgintzari bultzada ekonomikoa ematea.


2017-01-20 | Arabako Alea
"Auzolana ez da pilotaleku huts bat, auzoa eta hiriarentzat tresna bat baizik"

Ibilbide oparoa egin du Gasteizko Auzolana pilotaleku autogestionatuak eta etorkizunean ere jarraitzeko lanean dira frontoia kudeatzen duten auzokideak; Itziar Lekuona, Arrate Albaina eta Unai Lopez de Munainekin izan da Alea.


Auzolanaren bidez 175.000 euro lortu ditu Errigorak

14.000 saski saltzea lortu dute udazkeneko kanpainan eta hala 175.000 euro bideratuko dute Nafarroa hegoaldeko euskalgintzara. Erriberako ekoizleei ere babesa eskainiko zaie.


2016-11-16 | Topatu.eus
Prefosta Elkartea, Basabürüko gazteen topaleku
MULTIMEDIA - erreportajea

Hamar urtez abandonaturik utzitako Atharratzeko Xaho trinkete-ostatua berreskuratu eta Zuberoako Basabürü eskualdeko gazteen topaleku bilakatu du Prefosta elkarteak.


ASTEKARIA
Azkenak
EGILEA
Eguneraketa berriak daude