'Mendizalearen Hiztegia' argitaratu du Ostadar Mendi Taldeak

Jonmikel Intsausti.
Jonmikel Intsausti.

Jonmikel Intsausti lazkaotarrak hiru zaletasun batu ditu lan honetan: mendizaletasuna, informatikari lanbidea eta euskaltzaletasuna. Sei urtez jardun du lanean buru-belarri. Ez da bakarrik aritu, bidelagun izan ditu Ostadar Mendi Taldeko kideak, Urretxu-Zumarragako Zintzo Mintzo euskara elkarteko kideak eta mendiari lotutako hainbat esparrutako adituak.

6.000 termino bildu dituzte hiztegian eta euskaratik gaztelaniara, eta alderantziz, kontsulta daiteke. Mendizalearen Hiztegia ez dute paperean argitaratuko, besteak beste horretarako diru baliabiderik ez dutelako. Alabaina, sarean dago www.ostadar.org webgunean.

Intsaustiren esanetan, mendia Ostadarrekoentzat eremu zabala da eta horregatik esparru ugari hartu dituzte kontuan: botanika, eskalada, goi mendia, geografia, espeleologia eta abar.

Hiztegia elikatzeko hainbat iturritara jo dute, hala nola, Hiztegi Batua, Elhuyar, UZEI eta Wikipedia. Hala eta guztiz ere, iturririk aberatsena hogei urtean Ostadar Mendi Taldeak egindako mendi-ibilbideez idatzitako dokumentuak izan dira.

Hiztegia letraz letra kontsulta daiteke, bilaketa askea ere egin daiteke, eta osorik pdf-formatuan ere badago.


Kanal honetatik interesatuko zaizu: Hizkuntzalaritza
Irulegiko eskua, zein nobedade dakartza ‘Antiquity’ aldizkariak?

Irulegiko Burdin Aroko herri gotortuan azaldutako brontzezko piezari buruzko ikerketa “osoena” azaltzen duen artikulua argitaratu du aditu talde batek nazioarteko aldizkari zientifikoan. Orain arte ez genekizkien hainbat berritasun dakartza.


2024-01-05 | ARGIA
Mikel Perez
"Euskara eta gaztelania nahastearen arrazoi bakarra ez da hizkuntza gaitasuna"

Mikel Perez Gonzalez hizkuntzalaria hitz egiterakoan erabiltzen den kode alternantzia aztertzen ari da, alegia, euskaldunek nola nahasten dituzten euskara eta gaztelania. Alternantziaren arrazoietako bat euskara gaitasuna da, baina Perezek gehiago ere kontatu ditu.


2023-08-31 | Ilargi Manzanares
Andorrak gutxieneko katalan maila eskatuko du bertan bizitzeko

Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.


Eguneraketa berriak daude