Auzolan esperientziak

Putzuzulo berritzen, amesten jarraitzeko

  • Zortzi urte bete dira Zarauzko Lizundia oihal lantegi zaharra Putzuzulo Amets Fabrika bilakatu zutenetik. Ordutik, Xakela Asanblada arduratu da kudeatzeaz. Gaztetxeei buruzko aurreiritziak gainditu nahian, Amets Fabrika terminoa hautatu zuten eraikin okupatu berriaren izaera izendatzeko, nahiz eta gaur egun herritar gehienek ‘gaztetxe’ hitza erabiltzen duten.

Martin Vicioso @martinvicioso
2013ko abenduaren 01a
Herritar ugarik erantzion zion berritze lanetan laguntzeko deialdiari.
Herritar ugarik erantzion zion berritze lanetan laguntzeko deialdiari.

Inguruko hezetasunari eta Zarauzko hondartzan sortzen diren hondar putzuei egiten die erreferentzia Putzuzulo izenak. Eraikina berritzeko asmotan auzolanerako deia egin zuten joan den irailean, okupatu eta ondorengo lanez geroztik obrarik egin gabe baitziren. Asanbladako kideek adierazi dutenez, duela zortzi urteko lanak gaztetxeko ekintzak abiatzea zuten helburu. Gaur egun, ordea, egoera egonkorragoa bizi dutenez, Putzuzulo txukuntzeko garai egokia zela erabaki dute. Dena den, Xakelako Amaia Alberdik eta Hodei Estebanek azaldu dute bazutela beste arrazoi garrantzitsu bat auzolanerako gonbitea luzatzeko. Asanbladara jende berria gerturatzeko aitzakia ona zela pentsatu zuten. Aitortu dute azken urtean nahi baino gutxiago elkartu direla. Haien ustez, orain arte Putzuzulon parte hartzen ez zuten herritarrak berritze lanetan aritzeak proiektua gertuago sentitzea eragin lezake.

Alberdik eta Estebanek oso balorazio positiboa egin dute orain artekoaz. Larunbatetan eta asteartetan egin dituzten auzolanetan uste baino jende gehiagok hartu du parte. Batez ere gazteenen inplikazioa azpimarratu dute. Izan ere, belaunaldi berriak gaztetxearekin zerikusia duten bestelako ekintzetan aritu izan dira, baina berritze lanak direla-eta asanbladetara joaten ere hasi dira. Alberdiren ustez, auzolanak eragin du berriek eraikina bere sentitzea. Halaber, kideek azpimarratu dute gero eta emakume gehiago gerturatzen eta parte hartzen ari direla eta bereziki pozgarria izan da, parekidetasunari garrantzia eman diotelako hasieratik. Helburua bete dute momentuz, herritarren inplikazioa areagotzea. Hala ere, egoera honek erronka berria sortu du: parte-hartze kopuru onari eustea.

Herriari lotuta

Zarauzko beste hainbat eragilerekin harreman estua du Putzuzulok. Gaztetxean bertan hainbat ekimen sortu dira, Arraio irratia kasu. Beste batzuek berriz, eraikina baliatu dute ekintza zehatzetarako. Kideen arabera, garrantzitsua da herrian bertako eragileen arteko elkarlana bultzatzea. Azaldu dute auzolanerako kontzientzia pixkanaka sustatzen ari dela, krisiak behartuta bada ere. Udalarekin, ordea, erlazioa txarra ez den arren hobea izan zitekeela nabarmendu dute. Asanbladak Putzuzuloren aldeko apustua egiten du eta Udalak beste eraikin batera mugitu nahi ditu. Horrekin lotuta identifikatu dute hurrengo urteei begirako erronka nagusia: gaztetxearen egonkortasuna luzaroan bermatzea, bertan geratzeko kontratua urtero berritu behar ez izateko.

Kanal honetan artxibatua: Auzolan esperientziak

Auzolan esperientziak kanaletik interesatuko zaizu...
2017-11-07 | Miren Osa Galdona
Auzolanari esker, prest daude Errigoraren saskiak; eskaerak baino ez dira falta

Hiru egunez auzolanean jardun dira Ablitasen Errigorako kide nahiz boluntarioak. Datorren egunetan hainbat herritatik iritsiko diren eskaerak baino ez dira falta saskiak etxeetan izateko. Herrilana izan da proiektuaren oinarria.


2017-10-20 | Miren Osa Galdona
Errigora 2017-2018: lurra eta euskara ardatz, zubiak eraikitzea xede

Errigoraren Nafar Hegoaldeko uzta euskarari puzka kanpaina hastear da. Herrilana lelopean, urriaren 26tik azaroaren 14ra bitartean izango da kanpaina, eta ekimenaren nondik norakoak azaltzea izango da helburua. Hasierako ekitaldia Oarsoaldean izango da.


2017-10-12 | Errigora
Zubigintza Errigoran
MULTIMEDIA - erreportajea

"Zubigintza amildegiak gurutzatzeko artea da. Bizkarrez dauden munduak elkarri begira jartzekoa. Ertza abiapuntu bihurtzekoa. Alegia egia egitekoa. Horixe da, hain zuzen, Errigoraren langintza: zubiak eraikitzea".


Errigorak uzta arrakastatsua lortu du iazko zenbakiak hobetuta

Errigorak Uztaberria kanpainaren datuak eman ditu udaberriaren iristearekin batera zabaldu duten oharrean. Emaitzak “aipagarriak” direla esan dute; aurreko urtekoekin alderatuta, hazkunde handia izan dute.


2017-03-09 | Hala Bedi
Gasteizko Kafe Antzokia Auzolana pilotalekuan?
MULTIMEDIA - erreportajea

Gasteizko Kafe Antzokiarentzat Udalak proposatu zuen kokapenak polemika piztu du. Erreportajean proiektuaren egungo egoreraren nondik norakoak azaldu dituzte. Batetik, Gasteizko Antzokiaren sustatzaile Lazarraga elkartearekin eta Auzolana frontoiaren egunerokoa daraman Txapa Ahotsa asanbladako kideekin eta bestetik, Gasteizko Udaleko EAJko Iñaki Prusilla Euskara zinegotziarekin elkartu dira.


2017-03-06 | Axier Lopez
Gasteizko Alde Zaharreko herri mugimenduak babesa adierazi dio Auzolana pilotaleku autogestionatuari

Larunbatean 300 pertsona baino gehiagok bat egin zuten Gasteizko Auzolana pilotalekua kudeatzen duen Txapa-Hotsa asanbladaren deialdiarekin. Udal Gobernuak frontoi autogestionatua eraisteko asmoaren aurrean, elkartasuna eta babesa emateko prest azaldu dira.


Errigoraren udaberriko kanpaina martxan da: 'Uztaberria'

Udaberriko kanpaina aurkeztu du Errigorak Iruñean, Uztaberria izenarekin. Martxoaren 1etik 14ra Nafarroa hegoaldeko olioa eta kontserba loteak eskatzeko aukera izango dute herritarrek. Helburua? Bertako produktuen kontsumoa sustatzea eta euskalgintzari bultzada ekonomikoa ematea.


2017-01-20 | Arabako Alea
"Auzolana ez da pilotaleku huts bat, auzoa eta hiriarentzat tresna bat baizik"

Ibilbide oparoa egin du Gasteizko Auzolana pilotaleku autogestionatuak eta etorkizunean ere jarraitzeko lanean dira frontoia kudeatzen duten auzokideak; Itziar Lekuona, Arrate Albaina eta Unai Lopez de Munainekin izan da Alea.


Auzolanaren bidez 175.000 euro lortu ditu Errigorak

14.000 saski saltzea lortu dute udazkeneko kanpainan eta hala 175.000 euro bideratuko dute Nafarroa hegoaldeko euskalgintzara. Erriberako ekoizleei ere babesa eskainiko zaie.


2016-11-16 | Topatu.eus
Prefosta Elkartea, Basabürüko gazteen topaleku
MULTIMEDIA - erreportajea

Hamar urtez abandonaturik utzitako Atharratzeko Xaho trinkete-ostatua berreskuratu eta Zuberoako Basabürü eskualdeko gazteen topaleku bilakatu du Prefosta elkarteak.


ASTEKARIA
Azkenak
EGILEA
Eguneraketa berriak daude