Gonbidapen bat medio Tenerifen izan berria naiz. Baita txundituta bueltatu ere. Ez nuen berehalakoan usteko, halako baso eta paisaiarik topatuko nituenik. Teide sumendi erraldoiak laino jende berezi bat eransten dio uharteari eta bertako pinu endemikoak (Pinus canariensis) pinudi ikusgarriak osatu ditu. 

 

Sumendiaren magaleko pinua da. Sumendiak eta biek elkarrekin egin dute aurrera. Sutearekin elkarbizitzen ikasi duen pinua da. Hasteko izugarrizko azal lodiz janzten da, suari eta haren beroari aurre egiteko. Eta errez gero, beste pinuek ez duten ernaberritzeko gaitasuna du. Erretako adarrak berriz orriz jantziz edo altsuma berriak emanez.