Auzolan esperientziak

Euskal ondarearen erakusleku

  • Nafarroako eta oro har Euskal Herriko ondarea eta memoria historikoa berreskuratzeko helburuarekin Enneco, haritzaren memoria egitasmoa martxan jarri du Nafarroa Bizirik herri mugimenduak. Euskal Herriko historia modu interaktiboan jasoko eta azalduko duen parkea moldatzeko asmoa dute Etxarri-Aranatzen. Proiektua auzolanean gauzatuko dute, eta haiekin lan egiteko deia luzatu diete herritarrei.

Martin Vicioso @martinvicioso
2013ko azaroaren 03a
Parkera egindako bisita bat, parkerako eskultura egin duen Nestor
Basterretxea artistarekin batera.
Parkera egindako bisita bat, parkerako eskultura egin duen Nestor Basterretxea artistarekin batera.
Ohiko museoaren moldetik aldenduko da Enneco: elkarreragilea izan behar duela azpimarratu dute, bertaratzen den ororen inplikazioa bilatu nahi dutela. Interpretazio zentroaren funtzioa ere izango du. Horregatik, gizarte zientzietan aditu direnen eta herritarren arteko topaketak egingo dira. Nafarroa Bizirik herri mugimenduko kideen ustetan, ikerketaren helburuak dibulgazioa izan behar du, gizarteak jaso behar baititu ekarpenak.
 
Egitasmoaren eta finantziazioaren plangintzan hiru fase bereizi dituzte: aurreproiektua, martxan jartzea eta proiektuaren garapena. Eremuaren moldaketarako auzolanak jada hasi dira, eta eraikin nagusia altxatzeari hurrengo urtean ekingo diote. Ateak 2016an irekitzea espero dute. Hala ere, gune irekia eta malgua izatea nahi dutenez, etengabeko garapenean egongo dela nabarmendu dute.
 
Nafarroa Bizirik fundazioko kide Patxi Abasolok maiatzean Berriari eskainitako elkarrizketan azpimarratu zuen krisi garaian horrelako egitasmo bat aurrera ateratzeko “aukera bakarra” auzolanean aritzea dela. Herri eragile eta eragile ekonomikoak elkartu nahi dituzte, eta Etxarri eta Sakanan ez ezik, auzolana egiteko deia Euskal Herri osora zabaldu dute. Orain arte, hemendik aurrera egingo diren lanak errazten jardun dira. Parkea egongo den basoa garbitu, zuhaitzak markatu eta bideak atondu dituzte.
 
Proiektuaren aurkezpenean, bultzatzaileek ikastolen sorrera gogorarazi zuten. Herritarren indarraz eta baikortasunez, 60ko eta 70eko hamarkadetan euskal eskola sareak ehundu zituzten. Orduko espiritu hura berreskuratuz Enneco eta beste hainbat proiektu aurrera ateratzea posible dela uste dute Nafarroa Bizirik fundaziokoek.
 
Euskal Herriaren bihotzean
Parkearen kokapenaren aukeraketa ez da zorizkoa izan. Sakana harana estrategikoki kokatuta dago: erdigune geografikoan eta kultur ondare ugariko herri eta eremuen artean. Halaber, azpimarratu dute bertako turismoa eta jarduera ekonomikoa sustatzeko proiektu garrantzitsua izan daitekeela. Izan ere, krisi ekonomikoak gogor jo du eskualdean, eta bisitariak dituzten arren, Ennecok azken bultzada eman diezaiokeela uste dute. 
 
Bertako eta kanpoko turismoaren erreferente bilakatu nahi dute. Abasolok Bilboko Guggenheim museoarekin alderatu du: “Ennecok munduari garena erakutsiko dion gunea izango da”.
Kanal honetan artxibatua: Auzolan esperientziak

Auzolan esperientziak kanaletik interesatuko zaizu...
2017-11-23 | Miren Osa Galdona
14.000 saski banatu eta Nafarroako euskalgintzarentzat 175.000 euro lortu ditu Errigorak

Azken kanpainaren emaitzak eman ditu Errigorak. 14.000 saski banatuta, 175.000 euroko irabaziak lortu dituzte Nafarroa hegoaldeko euskalgintzari sostengua ematen jarraitzeko.


2017-11-07 | Miren Osa Galdona
Auzolanari esker, prest daude Errigoraren saskiak; eskaerak baino ez dira falta

Hiru egunez auzolanean jardun dira Ablitasen Errigorako kide nahiz boluntarioak. Datorren egunetan hainbat herritatik iritsiko diren eskaerak baino ez dira falta saskiak etxeetan izateko. Herrilana izan da proiektuaren oinarria.


2017-10-20 | Miren Osa Galdona
Errigora 2017-2018: lurra eta euskara ardatz, zubiak eraikitzea xede

Errigoraren Nafar Hegoaldeko uzta euskarari puzka kanpaina hastear da. Herrilana lelopean, urriaren 26tik azaroaren 14ra bitartean izango da kanpaina, eta ekimenaren nondik norakoak azaltzea izango da helburua. Hasierako ekitaldia Oarsoaldean izango da.


2017-10-12 | Errigora
Zubigintza Errigoran
MULTIMEDIA - erreportajea

"Zubigintza amildegiak gurutzatzeko artea da. Bizkarrez dauden munduak elkarri begira jartzekoa. Ertza abiapuntu bihurtzekoa. Alegia egia egitekoa. Horixe da, hain zuzen, Errigoraren langintza: zubiak eraikitzea".


Errigorak uzta arrakastatsua lortu du iazko zenbakiak hobetuta

Errigorak Uztaberria kanpainaren datuak eman ditu udaberriaren iristearekin batera zabaldu duten oharrean. Emaitzak “aipagarriak” direla esan dute; aurreko urtekoekin alderatuta, hazkunde handia izan dute.


2017-03-09 | Hala Bedi
Gasteizko Kafe Antzokia Auzolana pilotalekuan?
MULTIMEDIA - erreportajea

Gasteizko Kafe Antzokiarentzat Udalak proposatu zuen kokapenak polemika piztu du. Erreportajean proiektuaren egungo egoreraren nondik norakoak azaldu dituzte. Batetik, Gasteizko Antzokiaren sustatzaile Lazarraga elkartearekin eta Auzolana frontoiaren egunerokoa daraman Txapa Ahotsa asanbladako kideekin eta bestetik, Gasteizko Udaleko EAJko Iñaki Prusilla Euskara zinegotziarekin elkartu dira.


2017-03-06 | Axier Lopez
Gasteizko Alde Zaharreko herri mugimenduak babesa adierazi dio Auzolana pilotaleku autogestionatuari

Larunbatean 300 pertsona baino gehiagok bat egin zuten Gasteizko Auzolana pilotalekua kudeatzen duen Txapa-Hotsa asanbladaren deialdiarekin. Udal Gobernuak frontoi autogestionatua eraisteko asmoaren aurrean, elkartasuna eta babesa emateko prest azaldu dira.


Errigoraren udaberriko kanpaina martxan da: 'Uztaberria'

Udaberriko kanpaina aurkeztu du Errigorak Iruñean, Uztaberria izenarekin. Martxoaren 1etik 14ra Nafarroa hegoaldeko olioa eta kontserba loteak eskatzeko aukera izango dute herritarrek. Helburua? Bertako produktuen kontsumoa sustatzea eta euskalgintzari bultzada ekonomikoa ematea.


2017-01-20 | Arabako Alea
"Auzolana ez da pilotaleku huts bat, auzoa eta hiriarentzat tresna bat baizik"

Ibilbide oparoa egin du Gasteizko Auzolana pilotaleku autogestionatuak eta etorkizunean ere jarraitzeko lanean dira frontoia kudeatzen duten auzokideak; Itziar Lekuona, Arrate Albaina eta Unai Lopez de Munainekin izan da Alea.


Auzolanaren bidez 175.000 euro lortu ditu Errigorak

14.000 saski saltzea lortu dute udazkeneko kanpainan eta hala 175.000 euro bideratuko dute Nafarroa hegoaldeko euskalgintzara. Erriberako ekoizleei ere babesa eskainiko zaie.


ASTEKARIA
Azkenak
EGILEA
Eguneraketa berriak daude