Langileentzat eta enpresarentzat bideragarritasun bila

  • Mondragon Korporazioa, hartzekodunak eta Jaurlaritza ageri dira Fagor Etxekotresnen krisia bideratzeko agente gisa. Lanik gabe geratu direnei laguntzeko moduan dira kooperatiben taldeko elkartasun mekanismoak. Hartzekodunen jarrerak eta Jaurlaritzarenak berriz, enpresaren etorkizuna nolakoa izango den zedarrituko dute.

Ezinegonaren aurrean MCCk kooperatibismoan konfiantza eta talde barruko elkartasun mekanismoak nabarmendu ditu.
Ezinegonaren aurrean MCCk kooperatibismoan konfiantza eta talde barruko elkartasun mekanismoak nabarmendu ditu.Raul Bogajo/ Argazki Press
Lurrikararen ondoren, taldearen erantzuna. Fagor Etxetresnen kinka larria albiste bihurtu denetik Mondragon Korporazioak lasaitasun mezuak igorri ditu. Kooperatibismoan daukan konfiantza berretsi zuen joan den astean publiko egindako agiri ofizial batean eta, horrekin batera, taldearen ezaugarri ekonomiko nagusiak laburbildu  zituen: EAEko Barne Produktu Gordinaren %3,2 ekoizten du, %7,4 industria alorreko BPGri dagokionez. EAEko enplegu guztiaren %3,5 Mondragon kooperatibei dagokie, horren barruan industria enpleguaren %8,4. 
 
Gihar horrekin egingo zaio aurre Fagor Etxetresnen krisiaren alderdi pertsonalari. Mondragonek azpimarratu du taldeko enpresek badauzkatela zenbait elkartasun mekanismo eta horiek berebiziko garrantzia hartuko dute lanik gabe geratuko direnen kasuan. Mondragonen agiri horrekin paraleloan, Lagun Arok jakinarazi du 35 milioi eurotik gorako saldoa daukala enplegu prestazioetarako. Kopuru horrekin eta bildu beharreko kuotekin –igo egingo zaizkie gainontzeko enpresetako kideei–, Fagorreko kooperatibisten prestazioei erantzun ahalko zaie.
Goienak joan den astean argitaratu zuenez, langileen egoerari aurre egiteko aurre-erretiroak eta birkokapenak eskaini nahi ditu Korporazioak eta horiek bideratzeko enplegu bulegoa sortuko du. Mondragonek ez du zehaztu zenbat langile geratuko diren egoera horretan, hau da, zenbat aurre-erretiro edo zenbat birkokapen egin beharko diren.
 
Adrian Zelaia Ekai Center ikerkuntza zentroko kide eta EBko Industria Eraldaketarako Aholku Batzordeko partaideak Goienan bertan azaldu zuen zeintzuk diren Fagorrek aurrean dituen bi erronkak: “Negozioa zatitzea eta jarduera batzuk bideragarriak egitea” lehenbizi; eta bigarren, ez garrantzi gutxiagorekin, “hartzekodunak konbentzitzea hobe dela negozio horien bideragarritasuna ailegatzea”.
 
Jaurlaritzaren laguntza “zorrotza”
Korporazioaz eta hartzekodunez gain, erakunde publikoek jokatuko duten rolak garrantzi berezia dauka Arrasateko enpresaren itoaldiari emango zaion erantzunean. Arantza Tapia Eusko Jaurlaritzako Garapen Ekonomiko eta Lehiakortasun sailburuak astelehenean adierazi zuen gobernu autonomikoa Fagor laguntzeko prest dagoela, bideragarritasun plan “oso zorrotz” batekin, era berean “malgua” izango dena. 
 
Tapiaren arabera, enpresaren berregituraketa aukerak aztertu behar dira “ahalik eta enplegu gehienari” eutsiz. Sailburuak Fagor Etxetresnen gobernatzeko era berrikusteaz ere hitz egin zuen laguntza agintzearekin batera.

Kanal honetatik interesatuko zaizu: Fagor
Aritz Ameztegi, 'Debagoiena 2030'
“Inpaktua bada eskualdean bilatzen duguna, udal eta eragile guztiei entzun behar zaie lehenik”

Beterri Saretuz eraldaketa egitasmoak gonbidatuta, Debagoiena 2030 sareko Aritz Ameztegik hitzaldia eman du Andoainen asteazkenean. Eskualde batean eraldaketa lortzeko nola eragin litekeen gako batzuk eskaini ditu.


2020-07-14 | ARGIA
Amiantoak langile bati eragindako kalte handia berretsi du epaitegiak eta ez du onartu Fagor Ederlanen helegitea

Biriketako minbizian eta %95eko ezgaitasunean amiantoak izandako eragina onartu zion Gizarte Segurantzak langile bati, baina helegitea jarri zuen Fagor Ederlan enpresak. Donostiako epaitegi batek ez du helegitea onartu eta amiantoaren biktimen elkarteak enpresari eskatu dio... [+]


Fagor auzian, Mondragon absolbitu du Gipuzkoako Lurralde Auzitegiak

Gipuzkoako Lurralde Auzitegiak Mondragon absolbitu du Bergarako epaitegiak 2018ko uztailean emandako epaia berretsiz eta preskripzioan oinarrituz erabakia. Ordainduk eta Eskuratuk salatutako engainurik ez zela egon ebatzi du. Mondragon epaiarekin "pozik" azaldu da;... [+]


2018-06-03 | Juan Mari Arregi
Arizmendiarrietatik Fagor eta Eroskira

Herritarrek aukera izan dute dokumental baten bidez Jose Maria Arizmendiarrietaren bizitza eta lana ezagutzeko: Arizmendiarrieta, gizon kooperatiboa.


2018-05-10 | Goiena
Fagorreko borondatezko ekarpenen auzia, epaia emateko prest

Ordaindu eta Eskuratu elkarteen eta Mondragon Korporazioaren arteko epaiketako ahozko bistaren azken eguna izan da gaurkoa. Bi aldeetako abokatuek ondorioak aurkeztu dituzte epailearen aurrean, eta lau egunak nola joan diren ikusita, esan daiteke demandatzaileen aldeko ebazpen... [+]


Eguneraketa berriak daude