Pilotan taldeka jokatzen da Gasteizen

  • 2008an Gasteizko Alde Zaharreko San Jose udal pilotalekua erabat utzita zegoen. Bizilagunak batu eta euren kabuz berreskuratzeko erabakia hartu zuten, auzolanean. Hori irudikatu nahian, kirol guneari izen berria eman zioten: Auzolana Pilotalekua. Gaur egun, Txapa Ahotsa asanblada arduratzen da frontoia behar bezala mantentzeaz eta txandak banatzeaz.

Martin Vicioso @martinvicioso
2013ko urriaren 06a

Udaberriko ekaitzek San Jose pilotalekuaren estalkia hondatu zuten 2007an. Urtebetez, Gasteizko Alde Zaharreko bizilagunek ezbeharrak konpon zitzan eskatu zioten Udalari. Baina erantzunak –edo erantzun ezak– ez zituen auzokideak ase. Inguruko elkarteek eta herritarrek elkartzea erabaki zuten egoerari buruz hausnartzeko. Bertatik sortu zuten Txapa Ahotsa asanblada, frontoia auzolanean berreskuratuko eta kudeatuko zuen taldea.

Obrak egin ahal izateko finantziazioa eta babesa auzoko eragileek eta herritarrek eman zuten gehienbat. Besteak beste, teilatua konpondu, euriteek izorratutako zorua altxatu, frontoi osoa margotu eta paretak berdindu behar izan zituzten. Hilabete gutxiko lana izan zen, eta aurtengo ekainean bost urte bete dira Auzolana Pilotalekua berriro ireki zutenetik. Ordutik, erabili nahi duenaren eskura geratu da. Hiru hilean behineko asanbladetan erabilera eta garbiketa txandak banatzen dituzte. Halaber, pilotarekin zerikusia duten bestelako jarduerak ere egiten dira Auzolana Pilotalekuan. Adibidez, Txapa Ahotsak berak antolatutako umeentzako pilota ikastaroak.

Pilotalekuak Alde Zaharreko elementu garrantzitsu bilakatu nahi du. Horregatik, asanbladako kideek eta inguruko beste elkarte eta taldeek ekintzak antolatzen dituzte bertan. Esaterako, frontoiaren urteurrena ospatzeko ekitaldi bereziak egin dituzte, auzoko festak baliatuz. Hala nola, kalejira, bertso saioak eta auzokideen arteko lagunarteko partidak jokatu dira.

Zailtasunak zailtasun, aurrera

Asanbladako kideek hasieratik salatu dute Udalak erakutsi duen jarrera. Moldatze lanak bukatzean, Txapa Ahotsak taldeko kideek pilotalekuarekiko eta auzoarekiko instituzioen “utzikeria” salatu zuten. Udalaren ardurapeko instalazioa izan arren, garai batean ez zuen berreskuratze lanetan parte hartu –ez ekonomikoki, ezta obretan laguntzen ere– eta gaur egun ere ez ditu mantentze lanetarako beharrezkoak diren gastuak bere gain hartzen.

Dena den, gasteiztarrek erakutsi dute herritarrak elkartuz, auzolanean, proiektuak aurrera eraman daitezkeela eta jarraipena eman ahal zaiela. Haien hitzetan, “aldarrikapenetik ekintzara” pasa ziren, eta oztopoak oztopo Gasteizko Alde Zaharrak badu bere pilotalekua. Kasu honetan, urtebete blokeatuta zeraman arazoari erantzun erraz bezain eraginkorra eman zaio elkarlanean. Halakoetan, asanbladakoek nabarmendu dute “auzoaren beharrak asetzeko antolakuntzak duen indarra”.

Auzolana Pilotalekuan behintzat, esku-pilota taldekako kirola izan daitekeela frogatu dute Txapa Ahotsa asanbladako kideek.

Kanal honetan artxibatua: Auzolan esperientziak

Auzolan esperientziak kanaletik interesatuko zaizu...
2017-11-23 | Miren Osa Galdona
14.000 saski banatu eta Nafarroako euskalgintzarentzat 175.000 euro lortu ditu Errigorak

Azken kanpainaren emaitzak eman ditu Errigorak. 14.000 saski banatuta, 175.000 euroko irabaziak lortu dituzte Nafarroa hegoaldeko euskalgintzari sostengua ematen jarraitzeko.


2017-11-07 | Miren Osa Galdona
Auzolanari esker, prest daude Errigoraren saskiak; eskaerak baino ez dira falta

Hiru egunez auzolanean jardun dira Ablitasen Errigorako kide nahiz boluntarioak. Datorren egunetan hainbat herritatik iritsiko diren eskaerak baino ez dira falta saskiak etxeetan izateko. Herrilana izan da proiektuaren oinarria.


2017-10-20 | Miren Osa Galdona
Errigora 2017-2018: lurra eta euskara ardatz, zubiak eraikitzea xede

Errigoraren Nafar Hegoaldeko uzta euskarari puzka kanpaina hastear da. Herrilana lelopean, urriaren 26tik azaroaren 14ra bitartean izango da kanpaina, eta ekimenaren nondik norakoak azaltzea izango da helburua. Hasierako ekitaldia Oarsoaldean izango da.


2017-10-12 | Errigora
Zubigintza Errigoran
MULTIMEDIA - erreportajea

"Zubigintza amildegiak gurutzatzeko artea da. Bizkarrez dauden munduak elkarri begira jartzekoa. Ertza abiapuntu bihurtzekoa. Alegia egia egitekoa. Horixe da, hain zuzen, Errigoraren langintza: zubiak eraikitzea".


Errigorak uzta arrakastatsua lortu du iazko zenbakiak hobetuta

Errigorak Uztaberria kanpainaren datuak eman ditu udaberriaren iristearekin batera zabaldu duten oharrean. Emaitzak “aipagarriak” direla esan dute; aurreko urtekoekin alderatuta, hazkunde handia izan dute.


2017-03-09 | Hala Bedi
Gasteizko Kafe Antzokia Auzolana pilotalekuan?
MULTIMEDIA - erreportajea

Gasteizko Kafe Antzokiarentzat Udalak proposatu zuen kokapenak polemika piztu du. Erreportajean proiektuaren egungo egoreraren nondik norakoak azaldu dituzte. Batetik, Gasteizko Antzokiaren sustatzaile Lazarraga elkartearekin eta Auzolana frontoiaren egunerokoa daraman Txapa Ahotsa asanbladako kideekin eta bestetik, Gasteizko Udaleko EAJko Iñaki Prusilla Euskara zinegotziarekin elkartu dira.


2017-03-06 | Axier Lopez
Gasteizko Alde Zaharreko herri mugimenduak babesa adierazi dio Auzolana pilotaleku autogestionatuari

Larunbatean 300 pertsona baino gehiagok bat egin zuten Gasteizko Auzolana pilotalekua kudeatzen duen Txapa-Hotsa asanbladaren deialdiarekin. Udal Gobernuak frontoi autogestionatua eraisteko asmoaren aurrean, elkartasuna eta babesa emateko prest azaldu dira.


Errigoraren udaberriko kanpaina martxan da: 'Uztaberria'

Udaberriko kanpaina aurkeztu du Errigorak Iruñean, Uztaberria izenarekin. Martxoaren 1etik 14ra Nafarroa hegoaldeko olioa eta kontserba loteak eskatzeko aukera izango dute herritarrek. Helburua? Bertako produktuen kontsumoa sustatzea eta euskalgintzari bultzada ekonomikoa ematea.


2017-01-20 | Arabako Alea
"Auzolana ez da pilotaleku huts bat, auzoa eta hiriarentzat tresna bat baizik"

Ibilbide oparoa egin du Gasteizko Auzolana pilotaleku autogestionatuak eta etorkizunean ere jarraitzeko lanean dira frontoia kudeatzen duten auzokideak; Itziar Lekuona, Arrate Albaina eta Unai Lopez de Munainekin izan da Alea.


Auzolanaren bidez 175.000 euro lortu ditu Errigorak

14.000 saski saltzea lortu dute udazkeneko kanpainan eta hala 175.000 euro bideratuko dute Nafarroa hegoaldeko euskalgintzara. Erriberako ekoizleei ere babesa eskainiko zaie.


ASTEKARIA
Azkenak
EGILEA
Eguneraketa berriak daude