Piztiei buruz irribarrez

  • Thierry Dedieu ::Tatsu Nagataren piztia handiak

    Itzulpena: Aztiri

    Ttartalo, 2013

Ttarttalo argitaletxeak haurrentzako liburu asko bilduma eta sailetatik at plazaratzen ditu, sailen eta bildumen ezaugarri, eredu edo arauetatik at. Eta, horrela, liburu solte horien artean album berezi bat, liburu informatzailea edo sailkatzeko bitxi eta apartak diren obrak aurki ditzakegu, esku artean dugun Tatsu Nagataren piztia handiak hau bezalaxe. Liburuan bertan ageri den informazioari erreparatuta Tatsu Nagata dugu liburu honen egilea, ikertzailea eta urlehortarren mutazioan munduko aditu nagusia. Jakina, informazio hori liburuaren “berezitasun” horren beste ezaugarri bat da. Tatsu Nagata Thierry Dedieuk asmaturiko pertsonaia baita, eta ikertzaileak, liburuko ataletan barrena animalia batzuen inguruko informazioa helaraziko digu euskaraz plazaratu duen bere lehen obra honetan.

Balea, krokodiloa, gorila, hartza, otsoa, lehoia eta marrazoari buruzko informazioa jasotzen du irakurleak oso modu xelebrean, eta horixe da, hain zuzen, liburu honen balio literarioa. Berez informazio liburutzat edo formaziorako materialtzat har baikenezakeen Tatsu Nagataren liburu hau. Krokodiloari buruzko informazioa ematerakoan, esaterako, haren deskribapena egiten digu: “esku-zabal itxurako oinak ditu (…) gorputza ezkataz estalia. Odol hotzekoa da, eta eguzkitan jarri behar izaten du berotzeko”. Baina informazio hori ematerako orduan esaldi labur horiek orri biko irudiez lagunduta agertzen zaizkigu; eta hortxe, hitzaren eta irudiaren arteko jolasean oinarritzen da egilea, irakurlearen irribarrea lortzeko. Krokodiloa hondartza moduko batean, toalla gainean betaurreko ilunekin ikus baitezakegu “eguzkitan jarri behar izaten du berotzeko” esaldiaren ondoan, edo “Bi urtean behin, haginak berriro irteten zaizkio; horregatik, ez zaizkio inoiz hondatzen” informazioarekin batera krokodiloa ikus dezakegu dentistaren kontsultan, lasai, lurrean hagin pila bat dagoelarik.

Thierry Dedieuren irudiak sinpleak dira, pastel koloreen bidez eginak eta adierazi nahi duten mezua, transmititu nahi duten informazioa, oso garbi helarazteko moduan eginak. Sinpleak dira; testuak bezalaxe, baina bata eta bestearen konbinaketaz bi helburu lortzen ditu egileak. Alde batetik animalia horiek, pizti handi horiek, hobeto ezagutzea, haien zenbait ezaugarri azalduz. Beste alde batetik, aurretik aipatu dugun moduan, irakurlearen irribarrea ezpaineratzea ere lortzen du irudietan ageri diren egoera barregarri, bitxi, arraro eta harrigarrien bidez. Eta horregatik, liburu hau guztiz literarioa edo guztiz informatzailea ez izan arren, bietatik du, eta irakurlearen irakurketa sortzailea eskatzen du. Irakurleari plazerezko irakurketa ematen dio.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude