Déjà vu

Hilabete joan da eta urtarrilaren 12ko manifestazioaren durundiak belarrietan kili-kili egiten jarraitzen du. Manifestari kopuruek, bestalde, estatistika hotzak potolotzeko baino ez dute balioko, aurrerantzean dinamika berdinean jarraitzeko asmorik ez badago. Hurrengo urtera arte itxaroten geratu beharko dugu, bestela, datorren urtarrileko manifestazioan parte hartuko duen jende kopuruak gora egin duen ala ez jakiteko. Eta pozteko ondorioa aterako dugu hamar mila lagun gehiago joan direla jakindakoan, presoek kartzelan jarraituko duten bitartean, herriak kalera noiz aterako dituen zain, zerutik etorriko zaien liberazio eguna noiz etorriko zaien zain. Hori edo erresignazio kristaua izan beharko dute, badutenez gero, eta pentsatu zigorra bete beharko dutela haiek aukeratutako borroka bidearen ondorio logiko eta naturala delako. ETAko izateak horixe baitakar berez borroka izaerarekin batera: militantismoa edo etsipena, norberaren patu gisa. Baina bada beste biderik ere aurrekoak bezain duinak, eta da egokitzea bizi dugun egoera errealera eta borroka dinamikoagoa egitea norberaren borroka-kontzientzari kalterik eragin barik, bizi duten egoeratik libratzearren. Dena den, eta ni ez naiz iraganzale kasposoa, behin eta berriro iragan antzuaz elikatzen den horietakoa, orainean bizirik dagoela sentitzeko, faltan ditut duela hogeita hamabost urteko  espiritu elkartasunezkoak. Presoak euskal gizartearen parte oinarrizko ikustera iristen ginen garaietakoa. Gogoan ditut Amnistiaren Aldeko Astean antolatu ziren manifestazio, mobilizazio eta greba politiko etengabe eta emankorrak. Edo zelan ahaztu Askatasunaren Ibilaldia, Euskal Herri osoan zehar hainbat eta hainbat jende mobilizatu zuena, presoak kaleratzea (amnistia) aldarrikatuz edota Euskal Herriaren izaera nazionalaren onespena. Gauza eta egoera batzuk ez dira urteen joanean deus aldatu, baina. Historia errepikatu egiten da ziklikoki. Eta euskal gizartearen egungo egoera koiunturalak zerikusi txikia du orain dela hogeita hamar urtekoarekin alderatuz. Baina badira oraindik sendatu gabeko hainbat zauri, zornatzeko bidean daudenak.

Presoak kalera aterako baditugu, déjà vu bat bizi beharko dugu nahitaez, eta bueltatu eta berreskuratu sasoi bateko espiritua, kartzelatan dagoen gizajendea bertan usteltzen ikusi nahi ez badugu.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


2024-03-31 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Eguneraketa berriak daude