Aukera bikaina naziogintzarako

  • EAE-KO herritarrek badute lehendakari berria, Iñigo Urkullu. Baina Urkullu ez da euskal gizarteko lehendakaria, Ibarretxe lehendakariak behin eta berriz errepikatzen zuen gisan. Ona litzateke Urkulluk behin eta berriz harri berean estropezurik ez egitea. Lurrak oihuka dio ez dela euskal herritar guztien lehendakaria.

Xabier Letona @xletona
2012ko abenduak 23
EAEko lehendakari Iñigo Urkullu.
EAEko lehendakari Iñigo Urkullu.

Baina Iñigo Urkullu da goreneko erreferentzia instituzionala gainerako lurraldeetako abertzaleentzat ere. Hori ere kontuan hartu beharko du Urkulluk, erakargarri izateko beste lurraldeak bere horretan aintzat hartzea ezinbestekoa baita. Gainera, interesgarriena ez da erakartzea, elkarrekin zerbait erakargarria eskaintzea baizik. Nazioa egiteko talaia bikainean da lehendakari berria, abertzale batentzat egungo pribilegiatuena seguruenik. Nazio-jorran aritzeko une biribila da begien aurrean.

Ez da erretorika, naziogintzarako aukera bikaina da krisia. Bake prozesu bat gauzatu beharra ere bai, besteak beste, datozen urteetan elkarbizitzarako oinarrizko zutabe berriak finkatuko direlako. Eta zeintzuk dira naziogintzaren beharrik larrienak egun? Bat, lana sortu eta banatu (eta bitartean, krisiaren ondorioak banatu eta partekatu); bi, bake prozesua gauzatu; hiru, euskal nortasunaren defentsa eta garapena.

Euskal hiru esparru administratiboetan ari dira gertatzen mugimendu interesgarriak.  Ipar Euskal Herrian txikitasunetik nola egin behar den lan erakusten digute egunero, hainbat esparrutan gainera: nekazaritzan, bestelako gizartearen eraikuntzan, Elkargoaren aldarrikapenean, Baionako Bake Foroaren eraikuntzan… Hegoaldetik begiratuta, harrigarria da ikustea hain jende desberdina hainbat helburu eta aldarrikapenenen gurdiari tiraka.

NAFARROAN ere badira mugimendu interesgarri ugari, bai kalean eta baita instituzioetan. Kaleak oso era esperantzagarrian egin du bor-bor hainbatetan, agian greba orokor deialdietan ikusi da argien hori, baina ohikoan ere langile eta sektore asko ari dira galbidean diren eskubideen aldeko borrokan. Izango al du horrek eraginik hurrengo hauteskundeetan?

Pentsatzekoa da baietz, eta gainera, UPNk bere kongresua martxora aurreratu ondoren, bolo-bolo dabil aurreratuko direla. Aspaldiko partez, oposizioak gobernua eskuratzeko aukera izango du itxura guztien arabera. Gaitza PSN UPNren uztarritik aske irudikatzea, ezta? Baina hori da alderdi garrantzitsu gisa bizirik irauteko duen aukera bakarretakoa. Ezkerra, baskismoa eta abertzaletasuna, horra alternatibaren lapikoan berriz egosi beharreko osagaiak. Bere garaian arrakastatsua izan zen NaBai, eta epe laburrean ere hala izan beharko luke, ez hauteskunde koalizio moduan egituratua, baina bai gobernu alternatibari begira.

Orduan, Roberto Jimenez lehendakari? Gaitza, halako arrainarekin PSNk nekez aterako duelako behar adina boto, baina ez dirudi oraingoan nafar sozialisten baitatik beste Fernando Purasik ager litekeenik. Datozen asteetan asko hitz egingo da balizko alternatiba honen inguruan eta nola egituratu ahal izango litzatekeen. Dena gaitza, baina dena posible.

ETA EAE-N?   Hasteko, jeltzaleek autogobernuaren inguruko mugimenduak agindu dituzte legealdi bukaerarako, eta hori bera kilikagarria da kontuan hartuta PSE-PP bikotearekin azken lau urteetan autogobernu gaietan izandako monotonia. Estatus berriaren iragarpena, inoizko Legebiltzar independentzia zaleenean. Urrats berriak noiz  eta azken 30 urteetako Madril zentralista eta inposatzaileenean. Bai, txinpartak ikusteko aukera handiak dira, areago 2014an Katalunian autodeterminazio eskubidearen erreferenduma egingo bada.

Aukerak bai, baina logikoena da estatusak eragindako txinparta handirik ez ikustea. 50 urteko biolentzia zikloa ez da alferrik iragan eta hemen bake prozesua gauzatu behar da lehenik. Iraganari begiratu, nork bere jarduerak aztertu eta kritikatu, heldu biktima guztien gaiari, presoei, estatusari… eta elkar bizitzaren zutoina berriak jarri. Ezin da independentziarik egin 600 preso kartzelan utzita. Gero gerokoak.

Urkulluk prozesu horren puntan egon behar du, baina ez bakarrik. EAJ, EH Bildu eta PSOEren prozesu partekatua izan behar du, Eusko Legebiltzarrean bai, baina ez hor bakarrik. Baionako Foroak unibertsitate batetik etor daitezkeen balore garrantzitsuenetakoak jaurti zituen iragan astean: bakea eta kohesioa. PP bakarrik batuko da gurdira, euskal gizartearen presioak eta presio instituzionalak horretara behartzen dutenean.


Eusko Jaurlaritza kanaletik interesatuko zaizu...
2016-09-13 | Topatu.eus
Urkulluren gobernuak hezkuntzan egindako 211 milioi euroko murrizketak salatu dituzte

Ikasle Abertzaleak eta Ernai gazte antolakundeak deituta elkarretaratzea egin dute Bilbon EHUren ikasturtearen hasiera ekitaldia ospatzen zen bitartean.


2016-09-13 | Axier Lopez
"Gutxieneko konpromiso internazionalistak" bere egiteko eskatu diote hurrengo Eusko Jaurlaritzari

Hamabi talde internazionalistak eta GKEk hainbat eskaera luzatu diete alderdi politiko guztiei. EAEko hauteskunde autonomikoen ostean osatuko den gobernu berriari internazionalismoari dagozkion “gutxieneko konpromisoak” proposatu dizkiote.


2016-09-08 | Lander Arbelaitz
Kaleratzeak Stop
"Eusko Jaurlaritzak egin ditu aurten etxe kaleratze gehienak EAEn: Alokabide bidez 57"

2016ko lehen hiruhilekoan Araba, Bizkaia eta Gipuzkoan Alokabidek 57 etxe kaleratze egin dituela salatu dute Kaleratzeak Stop eta IRPH Stop Gipuzkoa elkarteek hainbat eragileren babesarekin. Etxegabetzeen, pobreziaren eta desberdintasun sozialen aurkako dekalogoarekin bat egiteko eskatu diete alderdiei.


Sinadura bilketa abian, euskal administrazioek software librea erabil dezaten

Eusko Jaurlaritzari dei egiteko baliatu nahi dute bilketa, aldeko jarrera aktiboa izan dezan. Dagoeneko 300dik gora lagunek babestu dute egitasmoa.


2016-09-06 | Anboto
Atxondoko Udalak auzitara eramango du Jaurlaritzak ADIFi emandako baimena

Abiadura Handiko Trenaren eraikitzaileari (ADIF) Solatxo inguruko lursail batean betelanak egiteko baimena eman zion 2014an Eusko Jaurlaritzak, trenaren eraikuntzan sortutako hondakinak bertara bota ditzan. Atxondoko udal gobernuaren ustez, lursail hori babestu beharreko eremua da. Atzoko udalbatzarrean, udal gobernuko EH Bilduko bost ordezkarien aldeko bozkagaz erabaki zuten Eusko Jaurlaritzaren Ingurumen sailaren baimenaren kontra administrazioarekiko auzibidea abiatzea. Auzitara jotzearen kontrako bozka eman zuten, aldiz, EAJko hiru zinegotziek.


Urkullu: "EH Bildu kontziente zen egoeraz. Ez dut ikusi hautagaitzarik erretiratu duenik"

Lehendakariak “oportunismoa” egotzi dio EH Bilduri Eusko Jaurlaritzaren ikasturte berriko lehen kontseilu bileraren ostean. Espainiako Gobernuari, abertzaleak mespretxatzea.


Euskal zinemaren momentu ona nabarmendu dute Zinemaldian, laguntzak erdira jaitsi arren

Jendetsua izan da Donostiako Nazioarteko Zinemaldian ikusi ahal izango diren Euskal Herriko ekoizpenak aurkezteko ostiral honetan Tabakaleran egin duten ekitaldia. Eraikinaren atarian erakunde eta sektoreko kideen familia-argazkia egin ondoren, barruko zine aretoan Jose Luis Rebordinos Zinemaldiko zuzendariak eta Ruth Perez de Anucita jaialdiko prentsa buruak zenbait azalpen eman dituzte, aurkezpenaren erdigune izan diren bideoekin tartekatuta.


Arantza Tapia: "Jaurlaritzak eta Arcelorrek ez dute diru laguntzen inguruko akordiorik itxi"

Eusko Jaurlaritzako Ekonomia, Garapen eta Lehiakortasun sailburua "gustura" agertu da Arcelorren altzairutegia berriz zabalduko delako. Bide horretan "alde guztiek egindako ahalegina" eskertu du.


2016-08-17 | ARGIA
Akordio ekonomikoaren faltan, erakundeak elkarlanean Ondarroako luiziak eragindako obretan

Kamiñaldeko luiziak eragindako lanei aurre egiteko, Ondarroako Udalarekin batera lantaldea osatuko dute Eusko Jaurlaritzak eta Bizkaiko Foru Aldundiak.


Elkarrizketa Sozialerako Mahaiaren itunarekin haserre agertu dira ELA eta LAB

Akordioak ahalik eta sektore gehienetan eragin mugatuko itunak sinatzea ahalbidetuko du. Gehiengo sindikala alboratu izana salatu dute sindikatu abertzaleek.


2016-07-19 | Unai Brea
Frackingaren alde jardutea leporatu dio EH Bilduk Jaurlaritzari, "kontrakoa esan arren"

“Lakua gezurretan ari da hastura hidraulikoari uko egiten diola esaten duenean”, EH Bilduren ustez. Dani Maeztu koalizioko legebiltzarkideak prentsaurrekoan erakutsitako txosten batean ageri denez, hidrokarburoak ikertu eta ustiatzeko sozietate publikoak (SHESA) frackingaren segurtasuna eta beharra defendatzen ditu.


Smithsonian jaialdiaren harira, aspaldi eman behar zen eztabaida kulturala

Euskal kulturaz ezer ez dakien atzerritarrari zer esplikatuko diogu? Aukeratu egin behar baita, dena ezin da azaldu; baina ikuspegi topikoegiak ere ez dira komeni. AEBetako Smithsonian Folklife Festivalera euskal erakundeek eramandako programazioak zeresana eragin du. Irudi estereotipatuegia? Euskal folkloreaz lotsatuta dauden agintariak? Kulturatik bezainbeste politikatik duen eztabaida da.


2016-07-10 | Xabier Letona
Espainian torturatzen da

Edo Guardia Zibilek, poliziek eta ertzainek torturatzen dute, edo torturatu izan dute 1960 eta 2013 artean bederen. Nork aginduta, nork baimenduta? Lerro hauetan esaten dena arriskutsua da oraindik Espainian, salaketa bat jaso daiteke Estatuaren aldetik edo atxilotua izan. Ikusi besterik ez Burlatako Aztnugal pintaketekin

...

2016-07-05 | ARGIA
UPNk "baldintza ideologikoak" ezarri zituen ETBren seinale digitala Nafarroan jasotzeko

Miguel Sanz eta Patxi Lopezen gobernuek bilera egin zuten Gasteizen 2009ko ekainean eta haren aktak adierazten du UPNk aldaketa ideologikoak eskatu zituela ETB Nafarroan ikusi ahal izateko.


Jaurlaritzak alderdien fundazioei emandako diru laguntzen %80, EAJrenarentzat

Kultura sailak 2000. urtetik banatutako 7,6 milioi euroetatik sei jaso ditu Sabino Arana Fundazioak. EH Bilduk departamentu horri egindako galdera batek azaleratu du datua.


2016-07-01 | ARGIA
EITBren zerbitzuak Nafarroan zabaltzeko hitzarmena sinatuko dute Iruea eta Gasteizko gobernuek

Nafarroa eta EAEko gobernuek aste honetan adostu dutenez, EITBko zerbitzuei buruzko hitzarmena sinatuko dute uztailaren bigarren hamabostaldian.

 


Kataluniak 2018ko Smithsonian jaialdian "etorkizunari" begiratuko dio "iraganari baino gehiago"

Asteazkenean hasi zen AEBetan Smithsonian Folklife jaialdia, Euskal Autonomia Erkidegoa gonbidatu nagusien artean duela. Euskal erakundeek proiektatu duten irudiak eztabaida eragin ostean jakin da 2018an Katalunia izango dela herrialde gonbidatua.


Smithsonian jaialdian euskal kulturaz emango den irudi "estereotipatua" kritikatu du Ahal Duguk

Euskal Autonomia Erkidegoko Podemos-Ahal Dugu ez da Smithsonian Folklife Festivalean izango. Washingtonen, AEBetako hiriburuan ospatuko da jaialdia asteazkenetik aurrera, eta Jaurlaritzak eta Aldundiek gonbidatu zuten alderdi morea, gainontzeko partiduekin batera.


Torturak jasandako 4.009 lagunen testigantzak bildu ditu Eusko Jaurlaritzak

Paco Etxeberria forentseak gidatutako txostenean 1960 eta 2013 bitartean jazotako torturak ikertu dituzte. Guardia Zibila, Espainiako Polizia eta Ertzaintza jo dituzte egiletzat.

ASTEKARIA Azkenak
EGILEA
Eguneraketa berriak daude