Mafiak bai, pobreak ez

Egunak joan egunak etorri, Rajoyren Gobernuak kudeaturiko kapitalismoak neurri berriekin harritzen gaitu, haien kontra mobilizatzera derrigortzen gaituzten neurriak dira, ez badugu nahi behin betiko hondora gaitzaten eta immigrante behartsuak diskriminatu ditzaten. “Mafiak bai, pobreak ez” izan liteke neurri horien leloa. Rajoyren Gobernua immigranteen etsaia da, kasik xenofobiaraino; atzerritarren legean inbertitzaileentzat salbuespen bat egitea aztertzen ari da. Lege horrek erabat murrizten eta kontrolatzen du Afrikatik eta Asiatik Espainiako Estatura doazen immigranteen sarrera. Eta orain erreformatu egin nahi dute, 160.000 eurotik gorako etxebizitza erosten duten atzerritarrei erresidentzia baimena eman ahal izateko. Hau da, nahiago dute errusiar edo txinatar mafiak etortzea, haien diruak etxebizitza stocka duten bankuei utz diezazkieten, pateratan edo hegaldi merkeetan lan bila immigrante pobreak etortzea baino. Ez die ardura, antza denez, diru horien jatorriak, kapital zuriketarako irtenbidea aurkitu dezaketen arren. Beste behin ere, Espainiako Gobernua bankuen esklabo da, higiezinen merkatua salbatzearren.

“Euskal Herria martxan, lan duinaren eta eskubide sozialen alde” lelopean, 26tik 30era, martxa antolatu dute sindikatuen gehiengoak eta ehun bat eragile sozialek. Euskal erakunde publikoei eskatu diete euren eskubideen alde egin dezatela eta alda ditzatela politika publikoak. Era berean, etxebizitza eskubidearen alde guztien arteko frontea osatu nahi dute, izan ere neurri harrigarriak hartzen ari dira azkenaldian, “pobreentzat etxe kaleratzeak, eta dirua dutenentzat, erresidentzia”. “Mafiak bai, pobreak ez” leloa betetzea eragotzi behar dugu.
 


Kanal honetatik interesatuko zaizu: Murrizketak
Europako Banku Zentralak "erreforma estrukturalak" iragarri ditu, defentsarako gastuei aurre egiteko

Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".


2024ko europa neoliberalak, Schäubleren politika austerizida du ipar

Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


Austeritate politikak
Hau 2024 urtea da: ongi etorri Europa neoliberalaren "normaltasunera"

Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


Sektore publikoan greba: 150.000 langile kalera ateratzera deitu dituzte sindikatuek

Araba, Bizkaia eta Gipuzkoako sektore publikoan greba eguna da gaurkoa, ELA, LAB, CCOO, Steilas, SATSE eta ESK sindikatuek deituta. Goizaldean abiatu dira lehen zutabeak eta manifestazioa handienak eguerdian egingo dituzte hiriburuetan.


2023-06-23 | ARGIA
Baliabide nahikoa ez eta gainera murrizketak jasan dituztela salatu du konplexutasun handiko Gasteizko ikastetxe batek

Hizkuntza gabeziari lotutako hezkuntza atzerapenak eta premia handiak dituzte Gasteizko Federico Baraibar institutuko ikasleek. Beti baliabidez urri dabiltzala, baina hurrengo ikasturterako Eusko Jaurlaritzak esleituriko baliabidetan murrizketak izango dituztela salatu dute... [+]


Eguneraketa berriak daude