1958ko maiatzaren 28an sortu zen Fiteron. Iruñeko Pablo Sarasate kontserbatorioan hasitako ikasketak Alemaniako Detmold-eko Hochschule für Musik eskolan borobildu zituen. Errepertorio zabal bezain anitzeko soprano entzutetsu honek lan izugarria egin du obra ez hain ezagunen berreskurapenean, bere ahots eta sentiberatasun artistikoak munduko antzoki ospetsuenetara eraman dutelarik. 2002an Vianako Printzea saria jaso zuen, 2009an Espainiako musika Sari Nazionala, eta 2011n Eusko Ikaskuntza saria.