Lerro hauen arimatik, eskerrik asko bihotzez


Xabier Letona @xletona
2012ko urtarrilaren 22a
Dani Blanco

TXILLARDEGIK jarraitzen zuen izaten “gazte ero haien” artekoa, seguruenik bere matxino senak, jakinduriak eta izateko grinak bestelako tarterik uzten ez ziotelako. Esamoldea bere testuingurura eta bere pentsamoldera eramanda, gazte ero horien erraietatik erditu zirelako Euskal Herria eta euskaldunak beste era batera ikusteko molde berriak; eta gazte ero horien izaerak eta bultzadak ekarriko dutelako, ekartzekotan, berak amestutako Euskal Herri euskaldun, independente eta solidario hori.

Eta bai, urtebete pasatxo dela “La Banda” titulupean Argian idatzi zuen bere azken artikuluan (2O10-12-12, 2256. zkia) jarraitzen zuen pentsatzen etorkizuna gazte ero horien kontua izango dela beti: “Belaunaldi berriak, beti, aldapan gora, eta belaunaldi zaharra ukatuz sortzen dira. Bizi legea da edo Historia legea, nonbait”.

XX. mendeko pertsona handi bat Euskal Herriko historiara pasatu dela, hori da lehen-lehenik esan litekeen oinarrizkoena eta seguruena. Eta ez edonola, bere ekarpenak itzal luzea utzi baitu alor publikoaren hainbat arlotan: hizkuntza, soziolinguistika, literatura, politika… Gaur egungo euskaltasunetik nola ulertu Euskal Herria euskararik gabe? Bada, hori posible ei zen garai batean, norbaitek, norbaitzuk ate berriak zabaldu zituzten arte. Eta bistan da oraindik, euskaldunok, arriskuan garela; ezin horri kateatua bizi, baina bai horrek akuilaturik. Horrexegatik, posmodernitate eta kosmopolitismotik esanak esan, eta Txillardegik uste zuen gisan, independentzia, estatua, oraindik ere hizkuntzen babesleku seguruenetakoa da munduan.

Pentsatzekoa da pozik izango zela Euskal Herrian sortu den egoera berriarekin, berak sortutako ETAk borroka armatua amaituta eta zentru-ezkerreko abertzaleak elkarrekin eta arrakastatsu, goreneko gobernu lanetan eta potentzialitate handiarekin.

Merezi duen aitortza jasotzen ari da Jose Luis Alvarez Enparantza Txillardegi, bai bere osotasunean egindakoagatik, bai hizkuntza eta literaturaren eremuan lagatakoengatik. Argiak ere bere esker on sakona adierazi nahi dio: lehen-lehenik, lerro hauetako hizkiak nola lotu eta esan horrek, euskara batuak, biziraupena eman diolako gureari eta baita euskarazko beste hainbat hedabideri ere. Eta, nola ez, gure irakurlearentzat astekariko orrialdeetan, urte luzez eta musu truk, utzitako idazlan zorrotz eta sentikorrengatik.

IÑIGO URKULLU EAJren lehendakarigai ere izan daitekeela entzun nion PSEko Andoni Unzaluri Euskadi Irratiko tertulian. Egibarrek seko moztu zion, hori debekatua zegoela, eta orain ez zela hortaz hitz egiteko garaia. Baina Deia-k ere ez zion aterik itxi aukera horri joan den asteleheneko edizioan, Humberto Unzetak sinatutako kronikan: “Kinieletan hainbat izen dira, baina alderdi barneko zein kanpoko begirada ugari daude Urkulluren gainean, batez ere azken urte hauetan irabazi duen lidergoagatik. Bere aukera sinesgarria da, nahiz eta Sabin Etxean jakitun diren, bi buruko agintaritzaren araua medio, alternatiba honek arazoak sortuko lituzkeela”.

Tira, izen gehiago ere badira, aipatuena Josu Erkoreka bera, eta Egibarrek denbora badela badio ere, gutxi da eta konturatu orduko izango gara EAEko lehendakarigaien izenen dantzan. Udaberria ondo sartuta bukatuko da EAJren lurralde zuzendaritzen hautaketa prozesu hau, eta ordurako arrain guztia salduta egongo da Sabin Etxean, dagoeneko ez badago.

Iñigo Urkullu hautatu dute EAJko EBBko lehendakari bigarren agintaldi baterako eta lehen lau urteen ondoren, esan liteke Urkulluk korronte jeltzaleak kontrolpean dituela. Edo bestela esanda, berak eta bereek nagusitasun lasaia lortu dutela.

Ez da lorpen makala kontuan hartuta euskal politikan datorren garai berria, dagoeneko hasi den garai berria. Eta hau bai, azken bi hauteskundeetako jokoak erakusten duenez, hau hautuen garaia izango da. Baina ez Urkullurentzat bakarrik, baita besteentzat ere. Beren erronkak, hiru esparru nagusitan sailkatu dituzte jeltzaleek: krisia, bakegintza eta autogobernua. Krisiari eta ekonomiari begira, ez dirudi PPrekin gaizki moldatuko direnik; bakegintzan PSE eta ezker abertzalearekin lotu ditzake oinarri batzuk. Eta autogobernuari begira, posible ote akordiorik ezkerreko soberanismoarekin?

Kanal honetan artxibatua: Txillardegi

Txillardegi kanaletik interesatuko zaizu...
Sorlekukoen aitortza

Donostian Txillardegi izeneko baserria zegoen tokian omendu dute Jose Luis Alvarez Enparantza. Sorlekuak eman zion ezizena idazle, hizkuntzalari eta militante euskaltzaleari. Euskara batuaren bultzatzaile eta sortzaile nagusietako batek aitorpen ofizialik gabe jarraitzen du sorterrian. Donostian EAJ, PP, PSE-k ez dutelako nahi. Naziotasunaren oinarrian hizkuntza dagoela oroitarazten duelako, agian. Boteredunentzat pertsona deserosoa izaten jarraitzen du Txillardegik, baita hil ondoren ere.


2018-01-15 | Maddi Alvarez
Azkenean, lortu dugu, aita!

Azkenean, 6 urteren buruan bada ere, Donostian zuk egindako lan mardularen nolabaiteko aitortza herritarra da Antiguako Gaskuña Plazan Mikel Herrerok eginiko oroimen horma irudi ederra. Gorka Erastorbe kazetariak esan duen moduan, “ofiziala da iristen ez den aitortza”.


2018-01-12 | Axier Lopez
Txillardegiren omenezko horma-irudia egin dute bere sorlekuan

Urtarrilaren 14an Jose Luis Alvarez Enparanza "Txillardegi" hil zeneko 6. urtemuga izango da, eta urtero bezala, Txillardegi Udal Liburutegia herri-ekimenak hainbat ekitaldi antolatu du. Udal Liburutegiari "Txillardegi" izena jartzeko lanean ari dira hizkuntzalari, idazle eta ekintzaileari sorterrian aitorpena egiteko. Momentuz ez dute lortu, baina aurrerantzean Antiguan Txillardegiren figura presente izango da Gaskuina Plazan margotu duten muralaren bitartez.


Txillardegi omentzeko ekitaldi sorta prestatu dute haren heriotzaren 5. urteurrenean

Jose Luis Alvarez Enparantza “Txillardegi” euskal idazle, hizkuntzalari, pentsalari eta politikariaren heriotzaren 5. urteurrena dela eta, ekitaldiak antolatu ditu Txillardegi liburutegia kultur ekimenak.


2012-04-24
Txillardegiri buruzko saiakera kaleratu du Fito Rodriguezek

Txillardegiren ekarpen zabala biltzeko asmoarekin, Fito Rodriguezek Txillardegi liburua kaleratu du Erein argitaletxeko Haran bildumaren barruan. Idazle, politikari eta hizkuntzalariaren pentsamendu eta ekinbidera hurbiltze bat da Rodriguezek idatzitakoa.


2012-03-20
Txillardegi nobelagintzan
MULTIMEDIA - solasaldia

Hiru hizlari aritu ziren Txillardegiren nobelagintza aztertzen. Jesus Maria Lasagabaster: Txillardegik euskal eleberrigintzari egindako ekarpena aztertu zuen. Pruden Gartzia: Kundera etorri duk hitaz galdezka. Markos Zapiain: Txillardegiren nobelagintzaren eduki filosofikoa.

2004an Koldo Mitxelena Kulturunean antolatutako jardunaldiak


2012-03-06
Txillardegi euskalgintzan
MULTIMEDIA - solasaldia

Hiru hizlarik Txillardegik euskalgintzan egindakoa aztertu zuten: Maria Jose Azurmendi: Txillardegiren lan soziolinguistikoa. Gotzon Aurrekoetxea: Txillardegi eta Euskara Batuaren kondaira. Jose Luis Ormaetxea "Txipi": Euskararen aldeko borroka.

2004an Koldo Mitxelena Kulturunean antolatutako jardunaldiak.


2012-02-15
Txillardegiren testuak irakurriko dituzte hemeretzi idazlek Victoria Eugenian

Jose Luis Alvarez Enparantza Txillardegi zendu berriari omenaldia egingo diote igandean Donostiako Victoria Eugenia Klubean. Idazle eta herrigile antiguotarraren testuak irakurriko dituzte hemeretzi idazlek Bakarrik Nago ZerubidenLeturiaren egunkari ezkutua eleberriko lehen esaldia– ekitaldian.


2012-01-30
Ezkerreko abertzaleek elkarrekin omendu zuten atzo 'Txillardegi' Donostian

Bi aste bete ziren atzo Jose Luis Alvarez Enparantza Txillardegi hil zela eta egindako lana omendu asmoz, omenaldia egin zion ezker abertzaleak. Abertzaleen Batasuna, EA, Alternatiba, Aralar, Egin Dezagun Bidea, Gazte Independentistak edota LABeko kideak zeuden Donostiako Victoria Eugenia bete zutenen artean. Txiki geratu zen aretoa 'Txillardegi' omentzeko. Hiru hitz hautatu zituen Pernando Barrena ezker abertzaleko kideak 'Txillardegi' deskribatzeko: "Euskal Herria... [+]


ASTEKARIA
Azkenak
EGILEA
Eguneraketa berriak daude