Argitu dezatela euskal kutxek
Aurrezki kutxen eztabaidan, alderdi politikoen zarata baino ez da entzuten, kontrol politikorako erabileraren ingurukoa. Alabaina, aste honetan hasiko dira egiten Euskal Herriko lau kutxen batzar nagusiak. Lehenengoa hilaren 11n egingo da, BBKrena, denen artean garrantzitsuena. Beharrezkoa da kutxa bakoitzak, krisiak eragindako 2010eko ekitaldiaren emaitzak azaltzeaz gain, bere operazioetako batzuk esplikatzea, eta batez ere etorkizunera begira zalantzak argitzea.
Beharrezkoa da kudeatzaile teknikariek esatea fusio hotzaren (BBK + Vital) edo fusio beroaren (BBK + Vital + Kutxa) alde egiten duten EAEn. Hiru kutxak Nafarroako CANekin fusionatzea izango litzateke logikoena eta naturalena, lurralde testuinguru berean kokaturik daudelako guztiak. Haatik, CAN, beste kutxa batzuekin bat eginda dago, eta gainerako euskal kutxekin CANek egin beharreko fusio posible eta desiragarriak gaur egun ez dirudi babesik aurkitzen duenik. CAN batez ere lurralde politikak sortutako arazo eta interesek baldintzaturik dago.
Beharrezkoa da kudeatzaile teknikari horiek, herrialdearen nazio eta ekonomia ikuspegitik, esatea zeintzuk diren aukera onenak finantza-teknikari dagokionez. BBK-k azaldu beharko du zergatik bat egin duen Andaluziako kutxarekin, Cajasurrekin, galera handiak dituenean. Horrela bere kaudimena murriztu du, oinarrizko kapitala %16,8tik –Espainiako altuena– %10,35 izatera igaro baita. CANek esplikatu beharko du zergatik alboratu duen EAEko kutxekin fusionatzeko aukera, Euskal Herritik kanpoko kutxen alde eginez. Lau aurrezki kutxek argitu beharko dute zer gertatuko den Gizarte Ekintzekin: pribatizatu egingo dituzte? Murriztu egingo dituzte?
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]