Dabilenaren alderdi sentikorrena

  • Nabil ::Egunsenti bat lez

    autoekoizpena

    iraupena :: 41’05’’

    prezioa ::8 €

Nabil taldearen bultzatzaile nagusiena Unai Egia ipurterre lekeitiarra da: aurten Nabilen bigarren diskoaz gain, Mitosia taldearen lan bikoitza ere egin du, eta orain gutxi utzi dio Txapelpunk taldean jotzeari; ibilbide luzea dauka. Nabilen bigarren diskoa askoz landuagoa da, eta Egiaren alderdi sentibera azaleratzen du oraingoan ere. Hala, iraganean iltzatuta daukan metalaren oinarria eta gaur egun barruak eskatzen dion pop-rocka parera jartzen saiatzen da disko honetan. Tarteka, aztarna heavyak dituen metal melodikoa egiten du; eta beste batzuetan Ken Zazpiren tamainako melodia eta intentsitatea duten piezak. Baina badira mota askotako ñabardurak ere. Euskaraz egin du kanta guztietan eta sentimenduekin, naturarekin eta sentsazioekin lotutako pieza biluziak dira ia guztiak.

www.myspace.com/nabilspace
Unai Egia - Nabil
"Nabil sortzean lau zatitan banatzea erabaki nuen: Ura, Lurra, Airea eta Sua"

Erromantiko hutsa zara, ezta? Alderdi hori erakusten duzu Nabilekin. Mitosia taldeak konpentsatzen du hori?


Nabilekin biluzik sentitzen naiz, barrukoa kanporatzen dut abestietan. Mitosiaren hitzak garratzagoak eta dibertigarriagoak dira. Nabilen familia, haurtzaroko oroitzapenak, maitasuna… lantzen ditut; eta Mitosian heriotza, gai sozialak, filmetan oinarritutakoak…

“Zerua”, “izarrak”, “izpiak”, “txinparta”, “olatuak”, “solstizioa”, “hondartza”, “ura”, “sua”, “kea”, “haizea”, “hotza”, “euria”, “txingorra”... Naturak leku garrantzitsua dauka zure bizitzan? Inspirazio garrantzitsua da?


Bai. Nabil sortzean lau zatitan banatzea erabaki nuen: Ura, Lurra, Airea eta Sua. Bere begiei itsasertzean egindako gogoeta zen eta Egunsenti bat lez basoan oinarritutako diskoa.

Lan honek jauzi kualitatiboa dakar. Ideiak askoz landuago zenituzten?


Beti esan ohi da hori, baina lan hau helduagoa, borobilagoa, zuzenagoa eta indartsuagoa da. Bestela, elementuak berberak dira: ahots melodikoak, gitarra rockeroak, akustikak… Eta Xanperekin grabatzeak ere zerikusi handia du emaitzean.


Aurten Nabilen disko hau eta Mitosiaren disko bikoitza kaleratu dituzu. Egunsenti bat lez, sasoitsu zaude?


Egia esan, urte intentsoa izan da. Gainera, Txapelpunk taldean ibili naiz orain dela pare bat hilabetera arte.


Zure pop nahiak eta metal oinarriak bat egiten dute Nabilen. Zein da garaile?


Abesti oso desberdinak daude lan honetan: metal ukituak, pop-rocka, bakarlari itxurakoak, instrumental bat... Ez da inor garaile atera, abesti guztiek dute garrantzi bera.


“Goiza arratsaldearen zain, hau gauaren zain eta urteak joan ziren”. Zuk, argi eta garbi, ez duzu denbora galdu nahi, ezta?


Beti nago konposatzen. Beharrizan hori daukat etengabe. Beti nago melodiak asmatzen ensaiatzen eta zuzenean jotzea ere maite dut.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude