Artxandako tunelaren iruzurra

Azkeneko egunetan jakin da Bizkaiko Foru Aldundiak Artxandako tunelaren kontzesioa erreskatatu behar izan duela. Ikusirik, zortzi urteko esplotazioaren ondoren, emakidadunak hondoa jo behar zuela, 66 milioi euro jarri ditu Aldundiak bizkaitar guztien poltsikoetatik. Emakidaduna Tuneles de Artxanda SA da. Hari esleitu zitzaion, bere garaian, Bilbo eta Txoriherri lotzen dituzten tunel horien eraikuntza, kontserbazioa eta esplotazioa, 2048. urtera arte. Aldundiko azterketa teknikoek aurreikusitako erabilera kopurua puztuta zegoen, tunelaren eraikuntza justifikatzeko, eta hortik sortu da egoera larria. Errepublika garaitik zegoen tunela egiteko asmoa. Egunean 36.000 auto igaroko zirela esan bazen ere, 15.000 baino ez dira tunela erabiltzen dutenak, 2007tik aurrera tarifetan deskontuak egin diren arren.

Ez da harritzekoa hainbat sektorek, bereziki ezker abertzaleak, benetako “iruzurra” eta “eskandalu”tzat jotzea azpiegitura honen eraikuntza eta kudeaketa kaskarra. Serioski eta zorrotz ikertu behar da zer gertatu den inbertsio horrekin. Zein dira hain errentagarritasun ekonomiko baxua duen inbertsioaren arduradun? Nork egin zituen errealitatetik hain urrun dauden erabiltzaileen aurreikuspenak, zarrastelkeria ekonomiko hori ekartzeko? Zer du esateko Bizkaiko Foru Aldundiak? Zer esan eta egin behar du BBK-k, emakidadunaren bazkide nagusienetako gisa? Eta Herri Kontuen Euskal Epaitegiak? Zeinek dimititu behar du kudeaketa negargarri eta “iruzur” horrengatik?

Eta zer jazoko da Supersur-aren aurreikuspen eta kudeaketarekin? Artxandako tunelekin gertatutakoa abisua da Supersurrarentzat! Denborak esango du!

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude