Iruñeko hamasei peñek beltzez margoturiko pankartak aterako dituzte aurtengo Sanferminetan. Pankartetan lau mezu idatziko dituzte, euskaraz, gaztelaniaz, frantsesez eta ingelesez: Adierazpen askatasuna, Peñen aurkako erasorik ez, Sanfermin herrikoiak nahi ditugu eta Sanfermin parte-hartzaileen alde. Egitasmo historiko horren zioa argia da: Udalaren (UPNren) jarreraren kontra protesta egitea, eta festa parte-hartzaileagoak aldarrikatzea.