Eskolim elkartea duela urtebete sortu zuten Seaskak, Bressolak (eskola katalanak), Diwanak (eskola bretoiak), Calandretak (eskola okzitanoak) eta ABCM-Zweisprachigkeitek (alsazierazko eskolak). Helburua hizkuntzen murgiltze eredua bultzatzea da. Alsazian egin berri dute lehen batzar orokorra eta Patrig Herve aukeratu dute presidente (Diwan), idazkari Pascal Indo Seaskako zuzendaria eta diruzain Jean-Louis Blenet (Calandreta).