Malgusegurtasuna: malgu eta segur?

Azken urte hauetan gero eta oihartzun handiagoa du malgusegurtasun –flexisecurity– kontzeptuaren inguruko eztabaidak. Hitzak berak esaten duen bezala, malgusegurtasunaren helburua lan merkatuaren malgutasuna eta langileen segurtasuna uztartzea da, tradizionalki arerio izan diren bi ezaugarri hauek bateratuz, eta zirkulu bertutetsua ahalbidetuz nolabait. Esaterako, Europako Komisioak malgusegurtasun ereduaren aldeko apustua egin du eta Danimarkako eredua hartu irizpidetzat. Danimarkan, lan-arauketa txikiko lan merkatua eta era berean langileen gizarte-estaldura handiko eredua garatu egin da, langileen lan-mugikortasunean oinarrituz. Horrela, adibidez, daniar lan merkatuan langile bat kaleratzea erraza izaten da; halere, langileen etengabeko formakuntzek eta gizarte-prestazio kabalek ez dute ondorio ezkorrik sortzen langileen artean, hartara, malgutasunaren jasangarritasuna ematen da nolabait.

Lehenengo begiradan eredu interesgarria izan daitekeela ematen du. Dena den, hainbat galdera erantzutea behar-beharrezkoa da. Lehenik eta behin, ondo aztertu behar da Danimarkako errealitatea –5,5 milioi biztanle duen lurraldea– handiagoak diren beste lurraldeetara esportatu daitekeen ala ez. Zentzu honetan, ezin dugu ahaztu Alemaniak 82 milioi biztanle dituela eta gure Estatuak 46 inguru. Bestetik, lurralde eskandinabiarren kultura eta sistema politikoak ere bereziak dira eta ikusi beharko litzateke han garatutako politika publikoak beste eremuetan hedatu daitezkeen ala ez. Ezberdintasun hauen adibide bat aipatu aldera: Danimarkako presio fiskala %30,9koa den bitartean Espainiako Estatukoa %20,3koa da.

Honen guztiaren harira, azken finean malgusegurtasun ereduaren inguruan hitz egiten dugunean argi gelditu behar da: ekuazioaren ze aldeari ematen zaion garrantzi gehiago, baita posible ote den ere malgutasuna eta segurtasunaren arteko oreka perfektua lortzea. Izan ere, hauen konbinaketaren arabera emaitza eta ondorio sozialak oso ezberdinak izango dira. Horrela bada, argi utzi behar da lehenengo momentutik, malgusegurtasunaren benetako helburua hurrengo urteetako lan-merkatuaren inguruko eztabaidara aire berriak ekartzea den edo malgutasuna eta lan ezegonkortasuna areagotzeko marketin estrategia edota Troyako zaldia den, hartara, ideia neoliberalak hainbat sindikatutan eta ezkerreko mugimenduetan barneratu eta errotu ahal izateko.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude