John Gardnerren Grendel nobela ariketa bitxia da: Beowulf poema epikoari ikuspuntu berria eskaintzen dio egileak, testu hartako pertsonaia gaiztoa –Grendel piztia– protagonista bihurtuz. Noski, ikuspuntua aldatuta, pertsonaia ere aldatu egiten da: Beowulfen ez bezala, Grendel gaiztoa izateko arrazoiak ez dira gorrotoa eta animaliaren sena, askoz kontu sofistikatuagoak baizik. Gizakien kontra borrokan ari den bitartean, Grendelek unibertsoaren zentzuari buruzko gogoetak egingo ditu. Gaztelaniaz argitaratu du Donostiako Meettok argitaletxeak, Jon Bilbaok egindako itzulpenari esker.