200 urte joan dira Charles Darwin jaio zenetik; 150 berriz, Espezieen jatorriaz Hautespen naturalaren bidez liburua argitaratu zenetik. Hori dela-eta, hainbat ekitaldi antolatu dituzte aurten, naturalista eta biologo ingelesaren omenez. Azpimarratzekoa da alde horretatik Txertoa argitaletxearen ahalegina, 9 eta 12 urte bitarteko umeentzako moduko biografia bat eskaintzeko. Nicolás Cuvik idatzia, Martin Ansok itzulia, ilustrazio dotorez osatuta eman dute argitara Darwin bidaiaria. Liburuko orrietan barrena ezagutuko ditugu Charles Darwinen bizitzako pasadizo ugari. Gainera, amaieran, ariketa sorta gehitu diote.