David Lloyd, Dave McKean, Paco Roca eta Mark Buckingham etorriko dira, besteak beste, Getxoko Komiki eta Manga Azokara. Zortzigarren edizioa hilaren 27an, 28an eta 29an egingo da, bi gunetan bananduta: komikiari eskainitako karpa Areetako Geltokia plazan kokatuko dute; mangaren gune berria, aldiz, Erromoko Santa Eugenia plazan. Orotara 100 stand baino gehiago jarriko dituzte bi lekuetan. Komiki-dendek, aldizkari eta fanzineek, argitaletxeek... sektoreko eragile guztiek izango dute lekua erakusketak, tailerrak eta hitzaldiak eskainiko dituen edizioan. Aurten Purita Campos ilustratzailea eta Juan Carlos Eguillor artista omenduko dituzte. [www.salondelcomicdegetxo.net]