Dantza egiteko mila modu

  • Mamba Beat ::Energia

    Baga Biga

    iraupena ::40´47´´

    prezioa ::12.50€

Bilboko seikoteak bigarren lana kaleratu du musika beltza eta elektronika oinarri hartuta. Jatorri oso desberdineko musikariek osatzen dute dantza eragiteko plataforma. Esango nuke lan honetan elektronikak oraindik pisu gehiago hartu duela, eta horren barruan, drum&bass-a, elektroa eta housea bereiztuko ditugu. Hala ere, musika latinoa ere oso presente dago baita funkya, jazza, congak eta soula ere. Erritmo biziz, energia deskargatu edo hartzeko baliagarria, eta bizitzako une askotako soinu banda aproposa. Gainera, beste talde askok ez bezala, ahotsa instrumentu bat bailitzan erabili, eta mezuak baino ideia eta sentsazioak helarazten dizkigute. Elektronikaren aberastasuna, haizezko instrumentuen berotasuna, teklatuen edertasuna eta perkusioaren bat-batekotasuna batuta.

[www.myspace.com/mambabeat]
Zoramena ekarriko digun intentsitate emozionala bilatzen dugu

Zer egin bideojoko honetan bizirauteko? Soinu banda idatzi?


Sistema produktibo-kontsumista eroan bizi gara, estresa, presio ekonomikoak, autoprogramatutako bideojoko batean bezala. Eta sistema horri alternatiba egitea ia-ia utopikoa da. Sistemaren errua dela esatearekin konformatzen gara, baina nortzuk dira sistemaren ero-gaiztoak? Gu geu al gara? Eta ikuspuntu asko daudenez, momentuz film horren musika egiten saiatzen gara.

Zer ezaugarri derrigor izan behar du Mamba Beaten kantu batek?


Intentsitatea da gehien bilatzen duguna; zoramena ekarriko digun intentsitate emozionala.

Zuen kantuetan ahotsa instrumentu baten pare dago. Mezuak ez du hainbeste axola?


Askok hitzak idatzi eta gero konponketa musikalak egiten dituzte. Guk, aldiz, hasieratik alde instrumentalari nagusitasuna ematen diogu eta hori indartzeko ahotsa erabili, musikak adierazten duena zuzenago komunikatzeko. Mezuari dagokionez, oso irekia da. Ez zaigu gustatzen inori esatea zer egin edo pentsatu behar duen. Sentsazioak planteatu eta musikarekin soluzioak bilatzen lagundu. Testu batean dena adierazten badugu, magia gal daiteke.

Ez dakit euskaldunak dantza egiten iaioak garen... Euskadi Tropikala aldarrikatu beharra dago?


Dantza egitea beti ona da, barre egitea edo sexua bezala. Dantza tropikala, funk-dangoa, errock-meria, house-rreskua... bakoitzak aukera dezala. Indarrak berritzeko dantza oso interesgarria da, eta indarberritzea beharrezkoa Euskal Herriko korapiloak askatzen jarraitzeko.

Zer eman dizue Bilboko San Frantzisko auzoak?


Zabalburu eta San Frantzisko inguruan bizi gara taldekide gehienok eta gero eta mestizaia handiagoa dago, orain dela 20 urte Euskal Herrian pentsaezina zena. Horrek aukera berri ugari sortzen ditu, oso aberasgarria da. Hala, gure musikara kutsu arabiarra, afrikarra, latinoa... eraman dugu.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude