Txani Rodriguezek idatzi du Saure argitaletxeak argitaratu berri duen Abentura olinpikoa komikiaren gidoia. Marrazkiak Nacho Ferndandezek egin ditu eta kolorea Veronica Rosadok jarri. Miel A. Elustondori zor diogu, berriz, euskaratzea. Txanoa sailean argitaratutako lan honetako protagonistak Manuel eta bere ikaskideak dira. “Olinpiada berde” batzuetan parte hartzeko aukeratu dituzte eta horregatik, Australiatik Euskal Herrira etorriko dira, jokoak hemen egingo baitira. Abentura berriak eta lagun zaharrak, biak aurkituko dituzte bisitak iraungo duen bitartean. Eta izango da zer ikasia: adibidez, jokoak joko, irabaztea ez dela garrantzitsuena.