Kutxa-Donostia Hiria saria irabazi zuten iaz Lú Pardok eta Antonio Maurizek, gaztelaniazko antzezlan onenaren alorrean. Merezimendu hori Eloyren istorioa kontatuz lortu zuten: hamabost urte ditu mutil horrek, eta DBHko ikasketak egiten ari da nekazal giroko institutu batean. Eta ez dabil gustura. Ez du bere lekua topatzen, itota sentitzen da. Lagunak ditu, eta gaitzerdi. Eta, antzerkia, noski. Eloyrentzat, afizioa baino, pasioa baita. Institutuko antzerki taldean parte hartzen du, eta oxigenoa ematen dio. Baina klasera gutxi joaten denez, zigortu egingo dute. “Gela ilunean” dagoen denboran bere burua aurkituko du.