Kotoiaren pozoiak

Euro transgenikoekin ordaintzen dugu makina bat transgeniko, asko uste gabe. Euroak berak egiteko gaia den kotoizkoak, adibidez. Landare honi izugarrizko barrabaskeria genetikoak egiten zaizkio. Monsanto multinazionalak kolore ugaritako zuntzak ematen dituzten kotoi barietateak garatu ditu, blue-jean galtza sonatuak egiteko kotoi urdin egokia sortzen dutenak, adibidez. Tokitan dago Bergarako urdina! Txinako Xinjiang eskualdean zuntz beltza, gorria... ematen dituztenak ekoizten dira. Ameriketan badira berde eta marroi emaileak patentatuta. Zorigaiztoko enpresa honek berea duen Roundup belar-hiltzailearekiko erresistentzia eransten dion genea duen kotoi barietatea ere eskaintzen du: patentatutako hazia eta belar-hilkaria urtero berari erosi behar.

Kontsumismozaleon zibilizazioan, gero eta kotoi gehiago beharko dela ederki dakite enpresek. Eske hori asetzeko, landare honi gero eta sail gehiago eskaintzeak premia ez duela berdinduko eta, beste nonbaitetik tira beharko dela diote. Geneak txertatzearen teknikak, aldiz, ez du amaierarik. Lehen belaunaldiko kotoi transgenikoak, izurrite bati aurre egiteko prantatuak ziren haiek, ikaragarrizko porrota izan direla argi frogatu da: arerio nagusia atzeratu bai, baina beste intsektu batzuei bidea ireki eta ustez urritu behar zituen botika emanaldiak ugaritzea ekarri dute, ingurumena eta nekazariaren patrika kaltetuz. Munduan zabaltzen den intsektiziden %24 kotoi sailetara doa. Zaputzaldi hau iraultzeko gene gehiago txertatzea da irtenbidea. Diote. Zurikeria leungarriagoz bioteknologia deitzen dute landareak eraldatzeko bidea. Brasilen, armiarmak dituen sarea egiteko geneak eman nahi dizkiote kotoi landareari, zuntz sendoagoa eta malguagoa sor dezan; kirol arropa, balentzako atorrak, kirurgiarako hari ultrameheak, mikroeroaleak, zuntz optikoak eta abar egitea helburu.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude