Kalean da Jakin aldizkariaren 172. zenbakia. Bihilabetekariak ez du gai nagusirik landu azken zenbaki honetan: horren ordez, “Gaiak” sailean, elkarren arteko loturarik ez duten hiru artikulu plazaratu dituzte. Euskal liburutegi digitalei buruz idatzi dute Gerardo Luzuriagak eta Roberto Kerexetak. Julen Zabalok eta Jean Pierre Massiasek idatzitako artikuluan Euskal Herriko lurralde-gatazka dute hizpide. Xabier Agirre Urteagak berriz, Nazionalismoa biribilgunean artikulua publikatu du. Egunen gurpilean sailean daude, ohiko moduan, arteaz, literaturaz, teknologiaz eta enparauez idatzitako artikuluak.