Entzule txikienentzako kanta landu eta borobilduak
Kanta ttikiak ::Lo lo
Hirusta
iraupena ::30´30´´
prezioa ::11.50€
Laugarren lan honek proiektuari bukaera eman dio. Helburua lortuta dago edo oraindik bada umeen esparruan egitekorik?
Kanta Ttikiak proiektuko lan bakoitzak umeentzako musikari aportazio berriak egin dizkio; kantu berriak direla, zaharrak berreskuratu eta baita moldaketak ere. Egindako lanarekin oso pozik gaude. Musikan, beste edozein espresio moduan, beti dago asko egiteko; eta hobe horrela, hori da-eta ideia berriak garatzeko pizgarri nagusiena.
Handia izan da ikerkuntza lana. Nondik atera dituzue kantak?
Azken bi diskoetan Mikel Errazkinek hartu zuen lan hori. Interneteko kantutegi bildumatan ikertzen ibili zen. Lan luze eta nekagarria da: kantu askoren melodia entzun, lehen aukeraketa egin, oinarrizko armonizazioa prestatu, abesti zaharren hitzak aurkitu...
Laugarren disko hau sinpleagoa da moldaketa eta trataeran. Mikel Errazkin sinpletasunaren bila ibili zen?
Bai. Mikelek lehen Kanta Ttikiak-en ideia berreskuratu zuen: ahotsa, gitarra akustikoa, teklatua eta esku-soinua. Hala, zirkulua itxi egin zuen. Baita diskoaren gaiari dagokionez ere, sehaska kantuak dira-eta.
Badirudi gaur egungo konposatzaile eta ekoizle asko ez direla musika-zale txikienez eta herri kantutegiez gogoratzen. Mikelek, aldiz, hainbat arlo lan zituen batera...
Bai, hala da. Bai Kanta Ttikiak egitasmoarekin eta baita Lantz folk taldearekin herri kantutegia arakatzen ibili zen kantu zaharrak berreskuratzeko. Are gehiago, diskoetxe propioa izateak mota oso desberdineko taldeak ekoizteko aukera eman zion.
Mikelen musika biografia kontuan hartuta, zer da beti gogoan izango duzuena?
Bere biografia itzela da eta tartean pop-a, folka, umeentzako musika, heavya... landu zituen. Beti gogoan izango duguna da sortzeko zeukan ilusioa, berritzeko gaitasuna eta lan guztietan buru-belarri jartzea, hain tematia izatea.
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]