Beroari aurre egiteko gakoak

Jabier Agirre
2009ko uztailaren 12a
Beroari aurre egiteko gakoak
Beroari aurre egiteko gakoak
Udako hilabeteetan, termometroek markatzen dituzten tenperaturak ikusita, gaixotu egiten da bat baino gehiago. Gure gorputzak bere kasa erregulatzeko gaitasuna duen arren, urteko sasoirik beroenean arreta neurri bereziak hartu beharko genituzke, babesa eraginkorra izan dadin.

Beroak gora egiten duenean, gure gorputzak egokitzeko ahalegina egiten du: gehiago izerditzen gara, eta odol-hodiak dilatatu egiten dira. Egokitzapen lan hori handiagoa da aurreneko egun beroetan, gorputza oraindik ez baitago tenperatura altuetara ohitua. Egun horietan, izerdiaren bitartez galtzen diren ur eta gatz mineralak ez badira berriro gorputzera sartzen, litekeena da buruko mina, zorabioak, muskuluetako ahuldadea, kalanbreak eta goragaleak izatea, beste sintoma batzuen artean.

Eguzkiak onura ugari ekartzen dizkio gure gorputzari: defentsak gehitzen ditu, eta hezurren egoera egokia izan dadin zeregin garrantzitsua du. Baina eguzkia neurriz kanpo hartzen bada, eguerdiko 12etatik arratsaldeko 4ak bitartean esaterako, edo behar bezalako babesik gabe hartzen bada, mesede baino kalte gehiago ekarriko dizkigu luzarora. Horregatik, oso garrantzitsua da eguzkitik eta berotik babestea, ondorengo aholku sinple hauei jarraituz:

· Ur ugari edan. Ez itxaron egarri izan arte, bero handia denean batez ere. Baina kontuz alkoholarekin, eta azukre asko edo kafeina duten edariekin.

· Azalaren nutrizioa zaindu. Hartu A, B, C eta E bitaminatan edo zinka bezalako mineraletan aberatsak diren elikagaiak, zure larruazala zaharberritzen lagunduko dizute eta. Alegia, frutak, berdurak, lekaleak, fruitu lehorrak eta arrain urdina, garrantzitsuenak aipatzearren.

· Ur hotzeko dutxa hartu, hondartzan edo igerilekuan bainatu ondoren, itsasoko kresalak edo piszinako kloroak ez dezaten zure azala lehortu.

· Eguzki-izpien kontrako babesa. Umeen kasuan, bereziki, gorputz atal sentikorrenak babestu behar dira –sorbaldak, sudurra edo ezpainak adibidez–, babes-faktore altuko kremak erabiliz.

· Zaindu begiak. Ez hartu eguzkirik, ezta bainatu ere, begietan lentillak dauzkazula. Eta eguzkitako betaurrekoak erabiliz gero, izan daitezela homologatuak, iragazki ultramorea duten horietakoak.

Azkenak
2017-11-21 | Andoni Mikelarena
Bigarren etxebizitzak eta etxe hutsak ikusarazteko kanpaina abiatu du Aitzinak

“Etxebizitzaren gaia arazo nabarmena da Ipar Euskal Herrian”, Aitzinaren ustetan. Arazo hori azaleratzeko asmoarekin kanpaina bat abiatu dute gazte erakundeak. Euskal Elkargoak gaia landu dezala eskatzen dute.


2017-11-21 | Koldo Urrutia
Euskal Filologia ofiziala kolonizatuta al dago?

Azken hamarkadan, hori iradokitzen diguten kontu asko gertatu dira: ETBk bultzatutako euskalduntze berantiarra, toponimiari bizkar ematea, iberiar eta euskal zenbakien arteko erlazioa ukatzea eta 9 urte bete berri duen Iruña-Veleiari egindako erasoa.


2017-11-21 | Jon Torner Zabala
Haurren kontrako sexu indarkeriaz jardunaldiak Leioako campusean

Hainbat datu gordin eman du EHUk, jardunaldiak testuinguruan kokatze aldera: lau neskatotik batek eta zazpi mutikotik batek sexu indarkeria jasan dute 13 urte bete aurretik. Kasuen %90etan, haurraren familia edo inguru hurbilekoa da erasotzailea


2017-11-21 | Andoni Mikelarena
Katalunian epaitzen ari diren sei antifaxisten egoeraren berri emango dute Euskal Herrian

Ostegunetik igandera Euskal Herrian zehar ibiliko dira Kataluniako hiru antifaxista, euren egoeraren berri emateko. Kasuaren inguruko dokumentala ere aurkeztuko dute.


2017-11-21 | Mikel Asurmendi
Konplexua eta sotila, jendearen erraietatik erauzia

Emakumea bat da protagonista. Inboluziorik inboluzio, gure herrian eman den inboluzioa ez dela guztiz atzeranzkoan eman, ez dela erregresio soila izan, esan dezaket neronek. Nagore Vargas bere buruarena ez ezik, bere gorputzaren jabe izan nahi duen belaunaldi sendo baten partaidea baita. 


Zubietako erraustegiaz eztabaida publikoa eskatzeko sinadurak biltzen ari dira

Andoaingo Ipar Haizea plataformak Change.org plataforman sinadura bilketari ekin dio, Zubietako erraustegiari buruz ETBn eztabaida publiko garbia eskaini dezaten. Azaroaren 20ko ilunabarra arte 3.853 herritarrek sinatua zuten eskaria.


'Herri euskaltegia' abiatuko dute Iru˝eko Alde Zaharreko gaztetxean

Astero, ostegunetan eginen dute, nahi duen ororentzat irekia. Parte hartu nahi dutenek ostegunean azaldu edota euskara@aldezaharrekogaztetxea.eus helbidera emaila bidali beharko dute.


Satorren herriko bromak

Ados, ez dagoela ondo erremateko mazoa jaso duenaz trufatzea. Baina ezer baino lehen, esan behar da broma guztiak ez direla berdin jujatzen, ez baita moral kontua, botere-afera baizik.


2017-11-21 | Hala Bedi
2018an Gasteizen herri galdeketarik ez egitea erabaki du Gure Esku Dagok asanblada irekian

Aurkezpen labur bat egin ostean, 2018. urtean Gasteizen herri kontsulta egitearen gaia jorratu dute Judimendiko Gizarte-Etxean egin duten asanblada irekian. “Herri dinamika bat izanda, herriak erabaki behar du galdeketa egin edo ez”, adierazi zioten Gure Esku Dago Gasteizko kideek Hala Bediri. Guztira, 50 lagun inguruk hartu dute parte.


2017-11-20 | Arabako Alea
Gizon bat atxilotu dute Gasteizen, emakume bati erasotzea egotzita

Eraso matxista Gasteizko Santa Barbara plazan gertatu zen igande goizean. Gertaera gaitzesteko elkarretaratzea deitu dute astearterako. Udaltzaingoak gizon bat atxilotu zuen igande goizean bertan.


ASTEKARIA
Azkenak
EGILEA
Eguneraketa berriak daude