Topaguneak adierazi duenez Gipuzkoako Foru Aldundiak Topaguneari eta Kultur Errotari “babesa kendu” die. Topaguneko ordezkarien hitzetan, lankidetza hitzarmena bertan behera uzteko erabakia ez da krisi ekonomikoari lotutako ondorioa, “Foru Aldundiak bultzatu nahi dituen hizkuntza politika eta kultur ereduari lotutakoa” baizik. Azken urteotan Gipuzkoako Foru Aldundiak 49.000 eurorekin babestu ditu Kultur Errota formatu txikiko kultur emanaldien zirkuitua eta Topaguneak bazkideekin egindako sustapen lanak.
 
Foru Aldundiko Estibaliz Alkorta Euskara zuzendariak esan du euskara elkarteei babesik ez dietela kendu, Topagunearen lana asko baloratzen dutela eta hark aukera duela diru-laguntza publikoetara aurkezteko.