Zure begiak babesteko

Begia
Begietan eduki ohi ditugun arazo eta gaitz gehientsuenak urteroko azterketarekin eta ohitura osasungarriagoekin baztertu edo saihestu daitezke. Eta noski, baldintza bereziak daudenean –lanean, eguzkitan edo elurretan gaudela, esaterako–, begiak babestu egin behar dira, kasu bakoitzerako egokitutako betaurreko homologatuekin.

Begiak zaintzeko egin beharreko lehenengo gauza, eta guztietan garrantzitsuena, urteroko berrikuspena da. Horixe da begietako asalduak prebenitzeko modurik eraginkorrena. Zoritxarrez lau pertsonatik batek baino ez dio eusten zintzo-zintzo urteroko azterketa horri, eta askok medikuak agindutakoan baizik ez diete begiei kasu egiten.

Begietako berrikuspenak adin guztietan garrantzitsuak diren arren, inportantzia berezia hartzen dute 40 urtetik aurrera, batez ere hipermetropiaren lehen zantzuak –gertutik ikusteko zailtasunak– agertzen direnean. Izan ere, kasu horietan begiko hipertentsioa izateko arriskua gehitu egiten baita, eta muturreko kasuetan, baita glaukoma izatekoa ere. Glaukoma da itsutasun kausa nagusia, hain zuzen. Garrantzitsua da, era berean, begietako azterketak ume-umetatik hastea (2-3 urterekin), ondo ez ikusteak eskolako errendimenduari eragiten baitio.

Zer asaldu prebeni ditzakete aldizkako azterketek?

Hasi malko-jario edo begi-azkuratik, eta buruko min kroniko edo ikusmen-zorroztasunaren galeretaraino. Horrez gain, miopia handia duten pertsonek erretina askatzeko arriskuari ere aurre egin diezaiokete azterketei esker; erretina behar baino meheagoa eta ahulagoa izan ohi dute, eta medikua horretaz konturatu egingo da.

Arreta berezia eskatzen dute ordenagailu aurrean ordu luzez aritzen diren pertsonen begiek, kasu horietan begia ez baita oxigenatzen beharko lukeen bezala. Pertsona horiek hogei minuturo atseden txikia egin behar lukete, begiak maiz kliskatu behar lituzkete eta ez lirateke pantailara gehiegi hurbildu behar.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude