Stonerra biziberritua, taupadak bezainbeste estilorekin

  • Sharon Stoner ::13 taupada

    autoekoizpena

    iraupena ::58’23’'

    prezioa ::13,50€

Taupada asko eta indartsuak eman ditu Oñatiko hirukoteak, eta horri esker bigarren diskoa autoekoiztu dute, itxuraz eta edukiz dotore askoa. Zuzenean talde irmoa bada ere, diskoan gehiago esperimentatzen dute. Lau minututik gorakoak dira kantu guztiak, bakoitzean zenbait giro eta paisaia uztartzeko gai dira, eta stoner etiketa txiki utziaz ñabardura eta musika ildoak ugariak dira: rock gogorra, ukitu latinoa, post-hardcorea, psikodelia, flamenko tantak, zati akustikoak edota stoner pisutsu eta azkarra. Hori guztia euskaraz abestua. Eta testuetan, Ternuako arrantzaleak, voyeurismoa, ezinegona, garapena, desioa edota adiskidetasuna. Bestalde, are eta musikari txukunagoak dira, ahotsarekin ere asko jokatu dute, eta Karlos Osinaga “Txap”-ek ederto borobildu du emaitza.
Sharon Stoner
«Abestiak apaintzerakoan nolabaiteko muga jarri behar izaten diogu gure buruari»

13 taupada. Zuentzat bizitza musika da?


Bizitza musika baino askoz gehiago da, gauza gehiago daudelako gozatzeko. Ardo bat otordu on batean lez, musika momentu askotarako osagarri aproposa da, une bakoitzean behar den giroa edota sentipenak sakontasunean lortzen laguntzen duelako.
Badira taldeak zuzenekoak eta diskoak bereizten ez dituztenak. Zuek bai, ezta? Are gehiago, esango nuke estudioko lana gustuko duzuela…

Estudioko lana ikaste prozesu aberasgarria da, asko esperimentatu eta beste batzuengandik ere ikasten delako. Gure soinua aurkitu eta grabatu samur egiten dugu, baina nahasketa nahiko gogorra izaten da. Horrez gain, estudioan ikasitakoak zuzenekoetarako balio digu; bilatzen ditugun soinu edo koloreekin apaintzen ditugu kantuak.
Zuen izenak stonerrari erreferentzia zuzena egiten dio, baina maketatik geroztik beste estilo eta ñabardura askorekin aberasten dituzue kantuak…

Stonerraren lehenengo araua da stoner ez zarela esatea (barrez). Ez diogu etiketa horri uko egiten, baina etiketa horren azpian dauden talde askok askoz gauza aberatsagoak egiten dituztela uste dugu. Taldeek egiten dutena egiten dute, eta gero jartzen zaie etiketa.

Abestiak idazterakoan eta grabatzerakoan argi izaten duzue bakoitza noiz bukatu edo buelta asko ematen dizkiozue?


Bi atal ezberdintzen ditugu: abestiaren eskeletoa edo egitura egitearena, eta egitura hori janztea eta apaintzea. Lehenengoa nahiko arina izaten da, baina bigarrenean jarri behar izaten diogu nolabaiteko muga gure buruari, ez gaitezen biziatu abestiak gehiegi hornitzen. Grabatzerakoan, ordea, argi izaten dugu zer grabatu eta zer ez.

Zeintzuk dira “akorde debekatuak”?


Musikan ez dago akorde debekatu edo okerrik, ez guretzat behintzat. Tarte edo akorde disonanteekiko afizioa izan genuen garaian, umore gisa, izen hori erabiltzen genuen.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude