Erroma, Persia, Bikingoa, Grezia, Zelta, Egipto, Azteka, Inka eta Maia herriak ezagutzeko abentura biziko du Atlantikan barneratzen denak. Bertako jainko-jainkosak liskar batean lehertu dira: nor da nagusi irlan? Zerutik erori berri diren arkeologoen lana izango da Kripto objektu magikoaren lau zatiak bilatu eta hari galdetzea. Antzinako zibilizazio hauen kulturari eta bizimoduari buruzko galderak erantzunez lortuko ditu arkeologo bakoitzak bidean agertuko zaizkion oztopoei aurre egiteko Jainko kartak.
 

Garaitu izaki maltzur mitologikoak

Kripto zatien bila doala, arkeologoak besteak beste bikingoen Loki gaizkilearekin egingo du topo, edo aurpegira begiratuta harrizko bihurtzen duen Greziako medusarekin, edo zelten aitona gaiztoa den Balor-ekin... Horiei aurre egiteko, motxilatik Jainko kartak aterako ditugu, eta hauetan topatuko ditugu oztopoak gainditzeko beharrezkoak diren gaitasunak (jakinduria, azkartasuna, indarra, magia...).
 

Estrategia eta zuhurtzia landuz

Kripto zatiak eskuratu dituen arkeologoa abentuaren abiapuntura itzuliko da, Kriptoaren mezu sekretua dezifratzera. Lau zatiak eskuratzeko zain egon zaitezke, edo zati bakarrarekin erantzuna asmatzera arriskatu, edo bigarren esploratzaile bati itxaroten gelditu, bien artean bildutako Kriptoak batuz erantzuna asmatzeko... Zeuk erabaki, baina behin erantzuna emanda, galdu edo irabazi, hor bukatuko da abentura zuretzat.